طالب سنة تحضيرية يطلب إجابتكم !!

/

السلام عليكم ورحمة الله وبركاته.

- اخواني انا أدرس حاليا في جامعة الملك فهد للبترول والمعادن ( سنة تحضيريه ) السمستر الأول , والجامعة معقدة لابعد حد وانظمتهم غبية وتجيب الإكتئاب والتحطيم للطلاب , وانا كنت ناوي اني اقدم عالابتعاث (( وياليتني قدمت )) لكن مدري وش خلاني أهون!! عمومـًا ..

انا حاب إستفسر من الإخوان :

1 / هل راح يكون هناك إبتعاث للسنة القادمة؟
2 / انا ابغا ادرس هندسه صناعيه ( في إمريكا او كندا ) واعلم ان الإبتعاث لتخصصات طبيه فقط , لكن سئلت كثير وقالو لي تقدر تحول هناك مافي اي مشاكل وتبقى منتظم في البعثه .. ( إبتعث على تخصص هندسه طبيه ) وبعدين احول في بلد الإبتعاث من الجامعة نفسها هل هذا ممكن؟
3 / هل تتغير شروط الإبتعاث ؟ في السنة القادمه .. علما ان درجتي في اختبار القدرات العامة 77 والتحصيلي 84 والثانوية 96 ؟
4 / نصيحه او إضافة إن أمكن من احد المبتعثين؟


/

لكم تحياتي

ما اقول الا سبحان الله ..

انا عكسك بالتمام دخلت الابتعاث والى الان اتمنى اني كنت مقبول بالملك فهد
وانا كنت جايب 83.94 والقبول من 84

ولكن قدر الله وما شاء فعل

لكن اخوي انا انصحك تتحمل هذي السنة وتحط فراسك انك ماراح تطلع وجيب درجات عالية

وصدقني الابتعاث فيه مشاكل كثيييييييييييييييييييييييييييييييييييييييييييييييي ييييييييييييييييييييييييييييره

وانت في افضل جامعه سعوديه في الهندسة وانت تبي هندسة وش تدور بعد !!

واذا كان نظام الجامعه هذي غبي , فصدقني ان جامعات الخارج اغباء بواجد

هذا اللي في خاطري والله يكتبلك اللي فيه خير ويوفقك

ج1 / وبالنسبه لشروط الابتعاث ما اعتقد راح يغيرونها

ج2/ وبالتأكيد راح يكون السنة الجايه فيه ابتعاث لمدة اربع سنوات غير هذي السنة حسب قرار خادم الحرمين الشريفين حفظه الله

ج3/ 99% انك مقبول السنة القادمه ان شاء الله على نسبتك هذي

اقتباس:

---

ما اقول الا سبحان الله ..

انا عكسك بالتمام دخلت الابتعاث والى الان اتمنى اني كنت مقبول بالملك فهد
وانا كنت جايب 83.94 والقبول من 84

ولكن قدر الله وما شاء فعل

لكن اخوي انا انصحك تتحمل هذي السنة وتحط فراسك انك ماراح تطلع وجيب درجات عالية

وصدقني الابتعاث فيه مشاكل كثيييييييييييييييييييييييييييييييييييييييييييييييي ييييييييييييييييييييييييييييره

وانت في افضل جامعه سعوديه في الهندسة وانت تبي هندسة وش تدور بعد !!

واذا كان نظام الجامعه هذي غبي , فصدقني ان جامعات الخارج اغباء بواجد

هذا اللي في خاطري والله يكتبلك اللي فيه خير ويوفقك

ج1 / وبالنسبه لشروط الابتعاث ما اعتقد راح يغيرونها

ج2/ وبالتأكيد راح يكون السنة الجايه فيه ابتعاث لمدة اربع سنوات غير هذي السنة حسب قرار خادم الحرمين الشريفين حفظه الله

ج3/ 99% انك مقبول السنة القادمه ان شاء الله على نسبتك هذي

المصدر: http://www.mbt3th.us/vb/newreply.php...#ixzz18rIkYRMW
حفاظاً على حقوق الكاتب نرجو عدم حذف المصدر مبتعث

---

أخوي صدقني ترا صورة الجامعة ملمعة كثير ..
والجامعة ماخذه الأفضليه لانها تعقيد بس أكثر من الجامعات الباقيه في السعودية ..
واسئل اي احد داخل البترول! بمعنى ان المناهج اغلبها نفسها في الجامعات الأخرى .. لكن صعوبة الاسئلة في البترول تجعل الطلاب (( مكاين )) دراسه !! فقط لاغير والأفضليه بحكم انها اقل جامعة على مستوى عدد الطلاب.

وادخل منتدى الطلاب وشوف بعينك!! وانا بالجامعة يالغالي وصدقني ان في السنة التحضيريه نظام فاشل اسمه نظام الإفرج بمعنى ينجحون العدد اللي يبغونه!!

يارجل والله لما تداوم فيها راح تكره نفسك والساعه اللي خشيت فيها هالجامعة !!
وبكرا عندي إختبار ماث و75% من الأسئلة من خارج الكتاب ( أفكار لايتم طرحها في الحصص ) يعني لازم تكون من الطلاب العباقره في الرياضيات لتستنج الحل.

< لاتشكي لي وابكي لك !!

الله يوفقك شد حيلك واستخير ،،واذا بدى التقديم على المرحله السابعه قدم
او رووح مرافق عشان تدرس التخصص اللي تبيه
لان اذا تبي تغيير التخصص لازم تستاذن من الملحقيه في دولة الابتعاث وهم على الاغلب يوافقون

يعطيكم العافية اللي جابو عالاستفسارات..
وياليت احد يعطينا رد مضمون وعن تجربه..
عشان أتكـّد ..
لان هذا المستقبل..

واللهي شوف من رايي خليك شد حيلك دام ان طموحك هندسه


لان الابتعاث تخصصات طبيه فقط
واذا جيت تحول ممنوع تحول من تخصص طبي الا لتخصص طبي ثاني
الا اذا عندك فيتامين واو طبعا
ومااادري يمكن اذا رحت هناك يوافقون لك تحول لهندسه بالملحقيه على مزاجهم

اذا بتسويها فانا اعتبرها مغامرة !!

وانا غامرت وبسافر بعد شهر انشالله

ادعيلي

اولا اهنيك على قبولك في هذي الجامعة اللي تعتبر طموح كثير من الشباب السعودي و الخليجي بحكم انه فيه طلاب اجانب في الجامعة
و يبدو لي من كلامك انك من دفعة 2010 ( و اتمنى يكون دوامك ليت )
طبعا شي طبيعي الصدمة اللي تحصل للطلاب في السمستر الاول في الجامعة لانه ليس من سمع كمن رأى
لكن الشي الحقيقي في الجامعة و اللي ما يعرفه الكثير من الناس
ان الطالب من اول ما يبدأ الدراسة الى ان يتخرج و هو في تصفيات للتخرج بنظام خروج المغلوب
حبيت اوضح هذه النقطه لانه في كثير من الناس لما يسمعون انه في طالب في البترول و حاب يخرج من الجامعة يبداون في لومه
و سيمعونه الكلام اللي دائما تطلعه الجامعة و يسوقه المجتمع ( افضل جامعه وظيفه مظمونه ...... )
انا ما قلت الكلام هذا الا من تجربه سنتين في هذه الجامعة من 2008 الى صيف 2010 يوم طلبوني الوزارة احظار الشهادة الاصل
و ردا على تعليق الاخ start8 من ناحية مشاكل الابتعاث
انا اقول انها ما تمثل شي من المشاكل النفسية و الجسدية اللي يعانيها طالب البترول في ( كويز ) واحد
ثانيا من ناحية النظام الغبي خلونا نقول نظام معقد من الدرجة الاولى انا اقول لا احد يستهين بقوة التدريس في هذه الجامعة
و لو انها في امريكا كان صارت من التوب تونتي
و اعرف عدد من زملائي كانوا في الجامعة الان هم في امريكا اكدوا لي
انه لا يوجد كثير من الجامعات الامريكية تدرس بمثل تدريس البترول او اصعب
لا اقصد التقليل من الجامعات الامريكية لكنهم افضل من ناحية الامكانيات المتوفرة اللي تسهل على الطالب استيعاب المعلومة
اما من جودة التدريس فلله درك يا جامعة اللمك فهد
اخي لامارتين اعذرني على الاطالة
لكن موضوعك في الحقيقه اثارني
و نصيحتي لك من زميل سابق في البترول
اذا لم تجد نفسك مرتاح في هذي الجامعة
او تجد ان تعبك دائما يذهب هباءا
او تجد نفسك لا تستطيع اللحاق بالدرجات العالية او البقاء بعيد عن ( الآفرج )
فلديك فرصة السنة الجاية للالتحاق بالبعثة مع اني لا اضمن لك الدراسة في التخصص اللي ترغبه
فهي مغامرة لاني ما اعرف احد شخصيا حول من تخصص طبي الى هندسه
لكن يمكن يجيبك في هذا الموضوع احد الاخوان اللي عندهم خبره و درايه كافيه
في النهاية اتمنى لك التوفيق اينما كنت
ولا تجعل الجامعة تؤثر على نفسيتك او قدراتك العقلية

شكرا لكم ..
وشكر خاص لك يا اخ ماث ..
والله الجامعة صراحه محترمه في التدريس لكن التعقيد في الاختبارات وغيره يسبب ازمات نفسيه!!

انا بحاول اوجد لي مكان بين ( الأفرج ) او اقدم السنة الجايه وان شـاء الله ربي يكتب اللي فيه الخير..

لاهنت يالغالي على مرورك ..

|

- باقي إستفسار اذا احد يعرف / إمكانية التحويل من تخصص طبي الى هندسة صناعيه؟

الاخ الكريم

الجديد في السنة هذي والسنوات القادمة
هو : انك تتعهد وتوقع بعدم تغيير تخصصك الى غير التخصصات الطبية

وهذا هو ما قيل لي من معارفي واللي عندهم علاقات في الملحقية

بعدين انت مازلت اوريا 001 انجليز وماث على ما اعتقد

الانجليز افرج في 70 وتعدي الى 002 والماث ما اعتقد يوصل الافرج الى 60

لانه اقوى واصعب سنة كانت 2009 كان الافرج انجليز 76 والماث 64 <<< دوافير
هههههههههههههههه

على العمووووم الجامعة سهلة كثير

انت حاول تفهم بس وراح تعدي ان شاء الله

لا تحطم نفسك من البداية

انا خرجت منها بسبب مشاكل اكادمية خاصة ##

والحين تمنيت اني ارجع لها واني ادرس ولو بفلوووووووس

بس ما اكذب قسم بالله عشت فيها ايام من اجمل ايام عمري

مازالت في ذاكرتي الى الان وامنيتي الاولى والاخيره
هي الرجوع الى هذة الجامعة العزيزة على قلبي



اتمنى منك تفهم كلامي هذا وتشد حيلك تراااك باقي بـ 001 وفر كلامك هذا الى 002 لانه اصعب بكثير خاصة الماث 002

ترااااااك والله بتندم لما تخرج من الجامعة والله انا كنت اكرهها ولا كنت ابي ادرس فيها وكنت اسوي مشاكل
ولا لقيت نفسي الا ورى البوابة <<<< لا تعليق


على العموووووم ياليت تفكر بالموضوع من عدة جهااات تراك باقي باول الطريق ما فاتك شيء

والمادة اللي ماجبت فيها درجات عالية شد حيلك باقي قدامك
ميجر 2 اذا باقي ما اختبرتوا 22 درجة وفاينل 36 درجة = 58 و 20 كلاس وورك = 78 درجة قدامك


اخوي الكريم اررررجووووووووووووووووووك :

لا تتسرع في عمل شيء تندم عليه باقي عمرك << نصيحتي لك