شنطه السفر للمبتعث ...والاغراض المهمه..

بما انو بدا شهر يناير والمبتعثين بدا يستعدو للسفر حبيت انقل لكم هذا الموضوع :)

الأغراض للسفر :

1 ) ملابس شتوية + ملابس صيفية

بلايز + أقمصة طويلة + تناير + بناطلين + ملابس داخلية + جاكيتات + قفازات + أحجبة + بالطوات + شرابات + بيجامات داخلية + عباءة / شماغ ، عقال ، ثوب للمناسبات + جزم رياضية وجزم خفيفة وتتحمل المطر والمشي الكثير ومن ماركة ممتازة + فروة مهمة جداً في الشتا + ملابس بيت + ملابس رسمية + سجادة الجيب من جد اشوفها من الشغلات المهمة علشان لو تبغى تصلي في المعهد او في السوق ومافي مكان نظيف + سجادة الصلاة + ملابس الصلاة ( 2 )

2 ) الالكترونيات

هارد ديسك + لاب توب +شاحن اللاب توب + آي بود + شاحنه + جوال + شاحنين للجوال ( الشواحن غالية هناك ) + الام بي 3 + قاموس الكتروني ( اطلس ) + ساعة التنبيه للصلاة + بوصلة + منبه + كاميرا + الميموري للكاميرا + شاحنها + التوصيلة اللي تنقل الصور من الكام للجهاز + آلة حاسبة

3 ) قاموس اكسفورد + Longman Dictionary ( ذا يستخدم في كندا ) + قاموس يدوي صغير للجيب

4 ) الافياش ( طويلين ونقطة ) حق كندا خطين ونقطة ( الافضل : توصيلة انترناشونل تلقونها في اكسترا او ايكيا ، فيها كل مخارج الكهرباء اللي في العالم )

5 ) المصحف + كتاب اذكار وادعية

6 ) تمر مغلف وعليه تاريخ انتهاء + قهوة + حليب ابو علم او ابو قوس + جبة كيري ( مو موجودة في أي مكان ) + جبنة بوك او كرافت ( حق اللي ما يستغنون عنها )

7 ) حساب سعودي ودخول على الحساب من الانترنت للتحويل والادخار والمعاملات المالية الأخرى

8 ) شنطة ام بلاستيك للاوراق ( ملف ) اللي يجلي شنطة وفيه اقسام كثيرة بلاستيك

9 ) صور للجواز + والآي توني + بطاقة العائلة + صورة من بطاقة الأحوال + شهادات + فيزا + صور للسجل الاكاديمي + شهادة التخرج المصدقة + حقين الثانوي ( شهادات اولى وثاني وثالث ثانوي )
والاوراق الرسمية في فلاش ميموري ، والأوراق الرسمية توضع في الشنطة التي يحملها المسافر و ليست في الشنطة الكبيرة !!!+ كل شنطة من شنطك لازم يكون فيها نسخة من كل أوراقك الرسمية ,, و برضو لازم تخلي معاك نسخة الكترونية منهم على الفلاش ميموري أو الهارد ديسك ,, غالبا إنك تحتاجها بعدين في المراسلات وكذه

10 ) دليل عن البلد في جرير Lonely Planet أدلة متجددة للبلدان تعطيك معلومات جدا قيمة و نصائح

11 ) ترمس قهوة او شاهي + غلاية ( في الخارج ما فيه نوعيات كويسة )

12 ) سفر طعام بلاستيك ( امريكا مليون بالمائة ما فيها )

13 ) بهارات + عود وبخور ( بعض المطارات تسوي سالفة عليهم + في كل شقة كاشف دخان لاجيت تسوي البخور غطيته بقصدير وبعدين بعد ما تبخر المكان شيل القصير واترك البخور عند نافذة مفتوحة + فواحة

14 ) عطور + كريمات + واقي شمس + مزيل رائحة العرق + شامبو + صابون + سائل استحمام + خيط اسنان + فرشاة معجون اسنان + كريم للشعر + جيل للشعر + بلسم للشعر + قناع للوجه + غسول للوجه + كريم مقشر
كلهم لاول شهرين ( وبعدها بتعرف الأماكن وبتشوف اشياء كذا احسن من اللي عندنا ) + آلة حلاقة ، حلاق أبو خمسة في السعودية مو هنا

15 ) لصقات جروح + ادوية ، هناك ما تنصرف الا بوصفة طبية وحوسة ( بنادول ، قطرات للعيون مع الثلج تنفع والبرد، مطهرات ومعقمات + فيتامينات ( فيتامين سي ) + نظارة طبية للي يستخدمونها ( 2 ) كشف النظر غالي هناك + بخاخ الربو للي عندهم ربو + مرهم للعيون عشان الجفاف + قطرات عيون عشان الجفاف + فلوتاب عن البرد والزكام والكحة واعراض الانفلوتزا + استشوار + خافض حرارة + مناديل معطرة + بخاخ جسم ضد البعوض + معقم لليد زي ديتول + مقص اظافر + مبرد للاظافر + بكل وشباصات واطواق وتوابعها + حبوب منع الحمل للبنات المتزوجات ( ترى ما تنصرف هناك الا بوصفة طبية )

16 ) كتب وروايات عربية + نوت + قلم + دفاتر

17 ) تنظيف اللاب توب من الافلام والصوتيات والبرامج المنسوخة ( خصوصاً أمريكا )

18 ) حمل الـSkypee قبل ماتسافر <<يغني عن الجوال اول ماتاصل بالسلامه

19 ) اللي ما عنده لغة إنقليزية ، عليه اقتناء كتاب oxford picture dictionary قاموس بالصور ، ليسهل عليه جمع الكلمات المهمة في بعض المواقف ، و عليه أيضًا معرفة بعض الكلمات الأساسية خصوصًا عند السفر ، كمفردات الطيران و الحجز و التذاكر و طلب التاكسي و الفندق و إلى ما ذلك ، و عليه نسخ ما يلي و كتابته في ورقة خارجية و لإظهارها إذا ما استدعت الحاجة .

" The holder of this sheet cannot speak English. We appreciate you if you find someone who can translate English into Arabic"

و تعني : حامل هذه الورقة لا يستطيع التحدث بالإنقليزي ، نقدّر لكم إذا استطعتم إيجاد شخص يستطيع الترجمة من الإنقليزي إلى العربية .

20 ) لازم تتأكد تماما من وقت رحلتك و مسارها و كم مدتها

21 ) * الهاند باق لازم يكون فيها مصحف و بنادول نايت ,, السجادات اللي تتطبق و تصير بحجم اليد مرة رهيبة في الهاند باق ,, فرشة اسنان ضرورية جدا ,, سناك و حلويات للرحلة لأن حلويات الطيارات بايخة + نقد بعملة بلدك لو تأخرت طيارتك في المطار وعملة البلد الاجنبي اللي رايح له + شاحن الجوال + رصيد كافي من الشحن للجوال وفاتورة مسددة وكمان التجوال الدولي لا تنسوا تشغلوا هالخدمة + رواية او كتاب عربي تتسلى فيه في الرحلة الطويلة + مخذة للرأس والرقبة حقت الطيارة اللي تجي مفرغة في الوسط وجاية ملتوية

22 ) في ناس ممكن تضحك لكن رحلة زي رحلة استراليا والرحلات الدولية الطويلة لابد الهاند باق يكون فيها شبشب وانتوا بكرامة عشان الطيارة

23 ) عدة الحلاقة كاااااااااااملة و ماكينة بروان للبنات ,, من الأشياء اللي مرة ضرورية ,, هنا ما عندهم اتراك يضبطوا لك السكسوكة

24 ) صور شخصية كثيرررررررررر يطلبونها في كل شئ

25 ) قبل الذهاب للمطار:
¨ تأكد من حملك للجوازات والتذاكر وحجز الفندق
¨ تأكد من حملك بطاقة العائلة
¨ تأكد من حملك الجوال و محفظة السفر وبها النقود والبطاقات البنكية والشيكات السياحية
¨ تأكد من حملك بطاقات إثبات هوية (باللغة الانجليزية) غير الجواز ورخصة القيادة الدولية ( تفيدك لمدة سنة لين تآخذ رخصة امريكية مثلاً )
تأكد من حملك مفاتيح البيت
¨ تأكد من اقفال الشبابيك والسخانات وكل التوصيلات الكهربائية وأقفال الغاز
¨ تأكد من أخذ وجبة [سناك] للاطفال

وبالتوفيق للجميع :)


منقووووووووول

انا سعيد بان اكون اول رد على الموضوع الرائع+المهم كثير لنا كمبتعثين
مشكوره اختي سما سيم وتقبلي مررررررررررررروري

thank you
thank you

ماقصرتي تستحقي الشكر

ههههههههههههههههههههههههه

thank you والله ماقصرتي بس مو كانها واااجد

كم حتدفع وزن زياده
هههههههههههههههههههههههههههه

مررررة شكرا اختى ولو في شئ تاني احد لا يبخل يضيف معلومات اكتر
مدري صرت هندية اكلج :tongue4:

يعطيك الف عافيه يالغلا

والله انه جهد تشكريين عليه بعنننف هههه مشكورين كلكم :1eye:

مشكووورة تسلمين يالغالية

بس ناقص ساعة الاذان ولا يغني عنها برنامح الاذان في الكمبيوتر ؟؟؟ لان الساعة مو تحتاج بطارية ؟؟

والناس اللي بتضحك هههههههههههه يعني مو لازم كل العفض هذا انتوا ختاروا اللي يكفيكم واللي تحتاجونه هم كاتبين زيادة اتوقع يعني للتذكير واخيتار ما يناسبك

http://www.mbt3th.us/vb/imgcache/116347.png

هههههههههههههههههههههههههههههههه


شكرااا والله يوفقك

شوركن ياعسل
من جد كول واحد يشوف استلزاماتو وياخدها هيا ماقالتلكم خدوها كولها
بس كول شخص تختلف اهتماماتو عن التاني
وهيا كتبت كول حاجة وانتو اختارو اللي تبغوه
جزاكي الله خير ع النقل لاني انا اكتر شي ادخلو المرحلة السادسة *_^
تقبلي مروري...اختك ميما

جزاكي الله كل خير...
الله يهون علينا سفرنا و يسهل أمورنا

انا افضل ما اخذ من هنا معي الا التوصيلة اللي من اكسترا وادوات الحلاقة والادوية وبعض الملابس البسيطة 2 بنطلون طويل وواحد شورت وملابس نوم و2 تي شيرت وبالطو جلد
لمن اوصل هناك بالسلامة اشتري اللي ابي لان الملابس اللي بالسعودية ما تنفع لكندا

يعطيج العافية على هذا الموضوع .

مشكوووووووره وربي يوفق الجميع

مشكوووووووووورة الله يجزاكي خير علي التذكير

بس الشحن يكون في الجمارك قبل الرحلة بيوم ولا في نفس وقت الرحلة وكم الوزن المجاني واذا في اوزان زياده كم الكيلو

شكراااااااا كثرت بالاسئله

مشكووووووررررررررره

الله يجزاك الف خير
بس الاي بود وش احتاج فيه هناك ؟؟
بالتوفيق للجميع

شكرا على المعلومات القيمة

جزاك الله خير على النقل ..

سلمتي وسلمت يمناكي حبيبتي

الله يعطيكي الف الف عافية ...

شكرا لك على النقل المتألق ...

بالتوفيق للجميع ...

يسعدك ربي
يعطيك آلف عافيه ..

الف شكر
تم الحفظ

مشكوره ياقمر

ماقصرتي على هالموضوع الحلو

الله يعطيك العافيه

يسسسلموَ من ججد سسسويتيَ ترتيييبَ للعععفسه اللي برآسسي ~
مآ ننحرم من هيك موآزززييعَ ~

وديَ ..

يسلمو.
وماقصرتي،.‏"‏،

الله يعطيك العافيه ودمتي وعين الله ترعاك

الله يعطيكي العافية ما قصرتي

مشكوره خيتو...........

يعطيك العافية وما قصرتي .. بس الصراحه أنا اللي أشوفه إنوو الواحد ما ياخذ معه أشياء واجد من هنا .. حنا موب رايحين البر.. حنا رايحين بلد متطور أكثر مننا بآلاف المرات يعنني كل شي موجود قدامنا .. صحيح تنقصنا بعض الخبره لكن كلها أشياء بسيطه مع االوقت راح نتعلمها .. ومشكوووووووووره ..!!

يعطيك العافيه والله يجعله في ميزان حسناتك

افضل الواحد ياخذ الاشياء كلها لانه يبيله شهرين ع الاقل يتعلم من وين يشتريها ووين الافضل

شكرا على الموضوع

لاكن يبغالها ميزانيه وشناط كثير

شكرا على الطرح الرائع

يعطيك العافية ع المجهود الرائع

اضيف فقط : حروف ورموز للكيبورد عربية وتكون بشكل ملصقات , قد تحتاج لها عند الضرورة
وهذا للي مثلي راح يشتري جهاز كمبيوتر من بلد الإبتعاث

أتمنى لكم التوفيق

موضوع رائع الله يعطيك العافيه