هههههههههههههه شر البلية مايضحك جد دنيا عجب

يمكن مايهمكم تسمعون قصتي لانكم مكتفين من بهذلة القبولات
بس انا يهمني اخذ رايكم وافضفض لكم
طبعا انا وصلني قبول من ايام الملتقى بولاية بوسطن وطلبت تغيير لولاية بنسلفانيا وكل يوم يردون علي تم ارسال طلبك انتظر القبول الجديد
الموهم بعد شهرين ارسل لي مكتب تجسير الموقر (اسفين ماراح نحولك لولاية بنسلفانيا )
عاد انا فقدت الامل منهم قلت مافيها يابنت جيبي القبول بنفسك وجلست يومين كاملات بطولهم وعرضهم
افتش بالنت وانط من موقع لموقع ادور على اقوى المعاهد بامريكا وطحت على كم واحد بكالفورنيا وكثير اعجبت فيهم
وارسلت مكتب علشان يوفر لي القبول وارسله الوزاره يعتمدونه وجهزت كل شي مابقى لي الا ارسل الورق للمكتب
اتفاجئ برساله من تجسير هذا نصها
عزيزتي الطالبه

نعتذر منكم عن التأخير ، ويرجى العلم بأنه تم ارسال طلب تحويلكم الى معهد
ELS - Philadelphia - Pennsylvania على ان يكون تاريخ بدء الدراسة في 25/4/2011 ، ولكن لم تردنا القبولات حتى الان وسيتم التواصل معكم حال ورودها .

بلاه وش رايكم بالهحركه انا خايفه اتكل عليهم وبالاخير اطلع من الحمص بلا مو000لد
وأنا قريت انه معهد els بفيلادلفيا جيد لكنه ملايان سعوديين وماراح اتأسس كويس باللغه عاد انا ولله الحمد ميح باللغه
والله محتاره انتظر قبولهم ولا ابدا اجيب لنفسي قبول
بليز مو تقرون الموضوع وتطلعون ردوا علي ايش اسوي

السلام عليكم ورحمة الله وبركاته ..

اختي الغاليه الله يساعدك والي صار خير ان شاء الله

تأكدي ان كل الي صار خير لك اول شيء الحمدلله لما خلوك شهرين ماردو عليك علموك كيف تصبرين صح ولما قالولك نأسف خلوك

تشغلين عقلك وتفكرين بأسرع وقت وتحلين المشكله والحمدلله حليتيها صح ولما رجعو قالو لك جبنا لك قبول قولي الحمدلله على كل حال

يعني فايدة تأخيرهم لك خلاك تعرفين مستوى المعهد وانه معهد ضعيف وما ادري ايش

يالغاليه اسمعيني بقولك نقطه يمكن تفيدك

اي معهد بالعالم يعطيك 20 % من اللغه فقط الـ20% هذي تنقسم على الكتب والواجبات والقواعد والكلمات والالتزام بالتعليم

و 80% عليك انت يالي تبي تتعلم اللغه لان انت الي بتشتري الكتاب اذا مهتم تتعلم انت الي بتحل الواجبات وانت الي بتراجع القواعد والكلمات وانت الي بتلتزم عشان تقوم الصباح وتروح للمعهد عشان تاخذ لك كم كلمه يعني زبدة الموضوع انت الي تحدد مصيرك في اي معهد بالعالم حتى لو في البيت لو تحطين براسك بتعلم انجليزي بتتعلمين خذيها مني

وعلى فكره الاختلاط بأهل المدينه الي انتي فيها يساعدك على تعلم اللغه وانا اعرف ناس راحت هناك 6 شهور ورجعو يعرفون انجلش من غير معهد مجرد اختلاط بس


تحياتي لك

اذا فيه اي شيء من كلامي مو عاجبك ارميه بس هذي وجهة نظر

^_^

السلام عليكم

كلام أخونا أحمد كلام مميز و رائع بالنسبة للمعاهد
لكن اللي فهمته أنا يا أحمد أن الأخت شموخ مشكلتها في الولاية - يعني غلاء و أسلوب المعيشة -
و هذا من حقها تغيير الولاية
طيب ,,
عندي إضافة لكلام الأخ أحمد بالنسبة للمعاهد
صحيح فيه معاهد قوية و فيه متوسطة المستوى - حسب المعلمين و الكلاسات و و الخ -
و بالنهاية الهدف من سنة اللغة هي [ درجة التوفل العالية ] هي التي تؤهلك للدخول في غمار المنافسة في الجامعات
توفل أو آيلتس ,, لكن التوفل هو المتطلب الكبير للقبول في الجامعات
--------------
بالنسبة لموضوع هذا المكتب ..- طاريه يغث -
إذا كنت في منطقة فيها فرع لهذا المكتب .. روحي مع أي محرم لك و تفاهموا معه
و أخذوا منهم كلمة رجال عن المدة اللي تنتظروها - بعد أسبوع بعد 3 يوم -.. حتى و لو صورة للأي تونتي تكفي لترتاحي من هم القبول
أما إن قال لكم انتظروا بس والله ما ندري عن هالمكتب ,, يمكن ينكب و يمكن يصدق- مع أنه بعيد عن المصداقية -

الله يوفقك في مستقبلك و الله يعينك على هالمكتب
اللي تعبنا كلنا

بالتوفيق للجميع

بالنسبه للقبول من معهد els

اذا موصل للحين من المكتب عليك بالرسايل الطيبه
_________________________

Dear
I am a student of the Custodian of the Two Holy Mosques Program Scholarship. This is My
order number:kas000000
Passport Number:رقم الجواز
Full Name:الاسم الكامل
The name of the facilities: اسم المرافق ان وجد
Passport Number of facilities:رقم جوز المرافق
I request you to send a copy of I 20 the email
Because I have to meet soon at the Embassy of the United States
next week for the visa application
______________________

على هذي الايميلات تبع els
els.studentube@els.edu; privacy@els.edu; hou@els.edu; info@els.edu; superservice@els.edu; hcl@els.edu; admissions@els.edu


ربي يساعدكم ويسعدكم

انا من جاني قبول ومااعجبني جبت لي قبول بنفسي


من شفتك قالبه المثل الي يقول من المولد بلا حمص وانا عارفه ان راسك مقلوب من تجسير ماتنلامين:D

الله يعين على تجسير والملحقية ... والله العالم تعبت وملت من الانتظار ؟؟؟؟؟؟؟

ماخاب من استخار ولا ندم من استشار,,,,,,,,
موفقه خيررررررررر

يعطيكم العافيه
والله كلمكم صحيح مكتب تجسير بالرغم من انه مللنا بس تعلمنا الصبر
وبتوكل على الله وانتظر كم اسبوع واذا ماجد شي الله يعيني بس
شاااااااااااااااااكره لكم

لو سمحتي ..؟؟
ايش اسم المعهد اللي اخترتيه في البداية في الولاية .. واللي رفضه مكتب التجسير ؟؟؟

أنا ماأخترت معهد هم قالوا لي اختاري ولايه بس واحنا نحدد المعهد
واخترت بنسلفانيا وهم حطوني بمعهد ايليس

لكن عندي سؤال للجميع خارج الموضوع
الحين انا عندي حالة الطلب الين تم ترشيحك مافيه انه تم حضور الملتقيات معني رحتها كذا انا بالسليم ولا نو

اختي ماهي مشكلة .. اهم شي جابو لك قبول بولاية بنسلفانيا
وانتي ارسلي للمعهد وشوفي وضع قبولك .. لو انه صدر وخلاص .. خلهم يرسلو لك صورة من الاي توني ع ايميلك .. قولي لهم موعد الفيزا قريب .. وراح يرسلو لك
وثانيا بس تروحي هناك ومايعجبك المعهد .. سهلة تحولي لمعهد ثاني ..
فلاتاكلي هم ..

وبالنسبة لحالة الطلب .. مايكتبو عن الملتقيات .. حالة الطلب لها علاقة بالبعثة .. من اصدار قرار ابتعاث وغيره ..
وموفقة يارب ..

بالتووفيق عشان تعرفين مصداقية المعهد راسليه وتاكدي هل سجلك موجود عنده او لا ومتى راح تصدر قبولي وووبس

موفقه ياعسسسسسل

امرهم غريب مكتب تجسير ...

ما نقول الا الله يصبركم عليهم ...

بالتوفيق للجميع ...

ياليل يا مكتب تجسير

وموفقه يارب ..

انا جاني قبول في ايلس فرع بيركلي كالفورنيا

حولت الى ايدهو ولما بحثت لقيت انا السعوديين فيه 80%

ترى اغلب المعاهد كذا السعوديين مليانيين يعنى تكدس

تلقى السعوديين في الاسكا يعنى وين ماتروح في امريكا تلقى سعودي

بالنسبة للتكدس شئ عادي

حبيت اوضح النقطة ذي

واللي رد له المكتب وقال طلبك بيجي ويوم دق على المعهد بنفسه قالوا ماعندنا لك طلب قبول ولا هم يحزنون
وش يسوي بالمكتب يروح بهده فوق روسهم ويرتاح مثلا ..!!!!!!

قسم بالله ذبحوني
وللحين مصرين على نصبتهم اقول لهم كلمت المعهد هاتفيا وراسلتهم وهذي ايميلاتهم
يقولون لي اكيد المعهد عنده لخبطة والغلط منهم احنا ما كذبنا ارسلنا طلبك

آآآآآآآآآآآآآآآخ بس اااخ
مدام مسموح للطالب يغير ليش ماسالونا من البداية وش نبي وريحونا

<< ودها لو تروح تصفقهم وترجع

الله ييسر امرك


انا زيك صار معي نفس الشي

جاني قبول ببوسطن وبعدها طلبت تحويل وقالوا حلوناك لبورتلاند معهد els


وليومك هذا ماوصلني القبول