طلعت قرار الابتعاث+التذاكر بس مااعطوني شهادتي الثانوي, ارجع؟

الحمدلله اليوم طلعت قرار الابتعاث والتذاكر
بس اصل الشهادة الثانوي مااستلمته
لازم ارجع اخذها ؟ وفي اية قسم احصلها ؟

الله يوفقكم جاوبوني انا من برا الرياض ورحلتي يوم الجمعة.

لازم ترجع اخوي وتأخذها لأنك اذا سافرت تحتاجها هناك في الجامعة

ضروري ترجع

واذا رحت هناك اسئل من وين تأخذها بس لازم يكون معك الإيصال

شهاااااااااادة الثانوي لابد منها... ارجع وخذهاا

هلا والله يا نادر الوجود لازم ترجع شف تاخذ الشهاده من نفس الكاونتر الي اخذت من عنده قرار الابتعاث
تقبل مروري موفق

السلام عليكم
مو شرط انت اللي ترجع عادي اي احد ياخذها

ياخي كيف يحتاجها هناك
طيب اذا كان معك صور مصدقه تكفي
( هذا اللي اعرف ) وبعدين تعال راجع ادارة التعليم وطلع وحده ثانيه
اذا عندك صورة ترجمها وصدق عليها من الخارجية وخل وزارة التعليم تعلق الاصل على بوابتها

اقتباس:

---

المشاركة الأصلية كتبت بواسطة محمد الحويدر

السلام عليكم
مو شرط انت اللي ترجع عادي اي احد ياخذها

---

ايه صح كلامك بس لاتنسى الايصال اكيد بكون مع نادر الوجود ولا لا

لا غنى لك عن شهادة الثانوية العامه

كيف ستدخل الجامعه بدون أصل الشهادة..؟

ارجع لهم بالوصل وخذها :) ولازم يكون معك الوصل بدونه ماتقدر إلا إذا لقيت واحد يحن على حالك..

بالتوفيق :)

http://www.mohe.gov.sa///site%20images/logo.gif

وكالة الوزارة لشؤون الإبتعاث
( برنامج خادم الحرمين الشريفين للآبتعاث الخارجي )

عزيزي الطالب

بإمكانك الحضور الى مبنى الوزارة لشؤون البعثات

واحضار سند تسليم الشهادة وسند تسليم الملف وصورة من قرار الابتعاث
وتقديمها الى ادارة البرنامج لاستلام الشهادة


----------------------------

يعني راجع راجع :D
الله يعينك ..

انا اخذتها ،، من نفس الشباك انت بس اعطيهم ورقة الايصال و هو راح يسلمك الشهادة

انا انصحك انك تاخذها من باب الاحتياط