تكفووون الي جاب قبول بنفسه وطنش تجسير...كيف؟بالله ساعدوني

السلام عليكم ورحمة الله وبركاته

اخواني اخواتي

انا تعبت من تجسير والله تعبت كل شوي يقولون لي ولاية....انا سويت مقابلتي بالسفارة لي شهر وقلتلهم على ولاية اوهايو انشاء الله مثل ماوعدني فيه تجسيرصارله 3شهور وقالو اوكي ارسلي جوازك والاتوني بالفيدكس

الحين تجسير بطل اوهايو قال لا في معهد احسن منه وافضللك في ولاية تنسي؟؟؟؟؟؟؟؟؟؟

وش اسوي ؟؟

بالله من مثلي؟؟ كيف اضبط اموري ؟ احس اني طولت على السفارة ما ارسلت لهم القبول؟؟

اه اه اه اه

وشكرا لكم

اختي الغاليه احلام ورديه ...


والله والله ما راح تحصلي غير الحل الي يريحك ويرح تفكيرك وتحسي انك خلاص اترحتي .. انا مسوي المقابله من 4 شهور .. وانا انتظر قبولي وللحين ما وصل ...



شسويت ؟

رحت للمكتب ورحت للوزاره وكل ما اجيهم يقولون اصبر اسبوع القادم طفشت صار 5 اسابيع وهم يقولون لي الاسبوع القادم :no1:

طيب شنو الحل ؟
اخر شي رحت للوزاره وطلبت منهم ضمان مالي لانهم ما جابو قبولي المكتب ونصيحه لا يضحكون عليك ويقولون لك احنا وصيناهم وكلمناهم .. انا جابو لي مندوب تجسير بعز الظهر لين مكتب مدير الابتعاث وهدده وقال الاسبوع الجاي اخر اسبوع لك .. وصار ثلاث اسبوع وما جا شي وكل مره نفس التمثيليه

والله ودي اريحك وديييي مثل ما ارتحت انا
والله هن خطوتين تسوينهم .!
سويتها الليوم

1 - تاخذين ضمان مالي من الوزاره .
2- تروحين لمكتب يجيب قبولك . كل المكاتب نصابه انا اخترت معهد ELS بولاية واشنطن ستيت (مو واشطنت دي سي) بعد استخاره ومشاوره كل الخلق اكتشفت ان الولايه هاديه وحلوه وبنفس الوقت فيها كل شي ابيه ومو رخيصه ولا غاليه .. الوسط بكل شي وربي .. المهم رحت لمكاتب وكل مكتب يقول لي 1500 ومكاتب تقول 2000 ومكاتب تقول وتقول ... طفشت منهم لي يومين ادور مكتب مناسب , رحت لمعهد ELS بالرياض وجبت قبولي بـ 1200 بس ما اخذو ولا عموله .. اللهم اخذو رسوم تسديد الابلكيشن ورسوم DHL

عموماً اختي انا معي رقم ELS والي تامري فيه انا حاضر لكن قسم بالله اترحت الليوم اترياح وهم كنت شايله شهور

اقتباس:

---

المشاركة الأصلية كتبت بواسطة SFa7 KSA

رحت لمعهد ELS بالرياض وجبت قبولي بـ 1200 بس ما اخذو ولا عموله .. اللهم اخذو رسوم تسديد الابلكيشن ورسوم DHL

---

أنت مخطيء أخي الفاضل. ELS أخذ منك عمولة وقدرها 640 ريال تقريبا. لأن القبول يطلع عليهم بـ560 ريال فقط وهي رسوم الأبلكيشن. وأما تكلفة الـDHL فليكن في علمك أنها مجانية لأن الذي رفع أوراقك للمعهد في أمريكا هم نفس فرع المعهد في المملكة.

لو يبي مليون عطيته المهم خلصني من ها السالفه

على حد علمه وبكيفه هو وذمته قال بعد DHL بـ 500 ومدري كم هع ., ورسوم الـ ELS ترا رفعها الى 200 دولار

يا اختي و لا تروحي مكتب و لا اي شي ..

انتي بنفسك جيبي قبولك من اي معهد تبغي .. ادخلي موقع المعهد او اعطيني اسم المعهد الا تبغي و في اي ولايه و انا احاول اساعدك..

واللهي بأذن الله اقل من 4 ايام و يكون عندك القبول ..

انا تجسير بهدلني و في النهايه القبول جاني مو في المكان الا انا ابغى فارسلتلهم ايميل الغوا قبولي و انا جبت قبولي بنفسي .. من موقع المعهد ..

اختي انا حولت من كندا لأمريكا ولما طلبت من تجسير يجيبلي قبول في ولاية أوهايو في معهد جامعة اعتذر لانه مايتعامل الا مع معاهد تجاريه وبعدين قال اختاري اي ولايه غير أوهايو طبعا طنشتهم وجبت القبول بنفسي عبيت الابليكيشن ودفعت رسوم الابليكيشن ٤٠ دولار سعر جدا رمزي وارسلت أوراقي وقبولي في معهد جامعه يعني معهد اكاديمي وفي الولايه الي ابغاها
وانت جيبي لنفسك افضلك من انتظار تجسير وموفقه اختي

انا نصحتك نصيحه ,, اذا الوقت مو مهتمه فيه حاول تضيعي وقت بأنك تجيبي قبولك بنفسك وانتي حره .. اذا عندك القدره تجازفي بالوقت الباقي جازفي والخيار لك

مرحبا بكل الي ردوا علي وشكرا لاهتمامكم

سؤالي ل sfa7 KSA

الوزارة كيف عطتك الضمان المالي؟


سؤالي ل mora22 و nofa

كيف راسبتوا المعهد ؟ هل احضرتوا ضمان مالي من الوزارة؟ وللمرافق كم المبلغ في الشهادة البنكية؟

وكيف استلمتوا قبولكم ؟


وتشكرااااااااااااااااااااااااااااااات

اقتباس:

---

المشاركة الأصلية كتبت بواسطة أحلام وردية

مرحبا بكل الي ردوا علي وشكرا لاهتمامكم

سؤالي ل sfa7 KSA

الوزارة كيف عطتك الضمان المالي؟


سؤالي ل mora22 و nofa

كيف راسبتوا المعهد ؟ هل احضرتوا ضمان مالي من الوزارة؟ وللمرافق كم المبلغ في الشهادة البنكية؟

وكيف استلمتوا قبولكم ؟


وتشكرااااااااااااااااااااااااااااااات

---

قلت لهم مكتب تجسير لعاب وله اربع شهور وانا كل يوم اراجعهم حاولو يصرفوني ,,, وان ما بقي شي وكل الناس سافرت وقعدت سنه وضيعتو مستقبلي وعطاني الضمان المالي .. على فكره مو بالساهل لازم تنشبين لهم هع :wallbash:

اقتباس:

---

المشاركة الأصلية كتبت بواسطة SFa7 KSA

لو يبي مليون عطيته المهم خلصني من ها السالفه
على حد علمه وبكيفه هو وذمته قال بعد DHL بـ 500 ومدري كم هع ., ورسوم الـ ELS ترا رفعها الى 200 دولار

---

رسوم الأبلكيشين لمعهد ELS هي 145 دولار وتم رفعها إلى 150 دولار وليس إلى 200

اقتباس:

---

المشاركة الأصلية كتبت بواسطة أحلام وردية

السلام عليكم ورحمة الله وبركاته

اخواني اخواتي
انا تعبت من تجسير والله تعبت كل شوي يقولون لي ولاية....انا سويت مقابلتي بالسفارة لي شهر وقلتلهم على ولاية اوهايو انشاء الله مثل ماوعدني فيه تجسيرصارله 3شهور وقالو اوكي ارسلي جوازك والاتوني بالفيدكس
الحين تجسير بطل اوهايو قال لا في معهد احسن منه وافضللك في ولاية تنسي؟؟؟؟؟؟؟؟؟؟
وش اسوي ؟؟
بالله من مثلي؟؟ كيف اضبط اموري ؟ احس اني طولت على السفارة ما ارسلت لهم القبول؟؟
اه اه اه اه
وشكرا لكم

---

وعليك السلام ورحمة الله وبركاته. أولا خذي كامل حذرك من هذا الكذّاب المدعوا تجسير الفكر. لا وجه للمقارنة بين ولايتي أوهايو وتـيـنـسـي. ولاية أهـايو من أجمل وأفضـل ولايات أمريكا على الإطـلاق , فـلا تسمحي لهذا المكتب التجاري الإستغلالي أن يـسـتـغـفـلك. ما هو المعهد الذي ترغبين في الحصول على قبول منه ؟

مشكور اخوي المستشار منور

والله انا ودي بولاية اوهايو لاسباب التالية

اول شئ تجسير طمعني فيها قالي بجيبلك قبول فيها

وبديت اسال عنها واشوف ... لقيتها مناسبة من حيث المعيشة والاجواء الدراسية وتوفير العديد من الجامعات الرائدة الي تعطي

ماستر بنفس تخصصي وهو الفيزياء..

فقلت لتجسير اوكي ابي اوهايو وحددت لهم معهد تبع جامعة ورفضوا قالوا مالك الا els

فتوكلت على الله لان اللغة تعتمد بشكل اكبر على الطالب نفسه..

((حسبي الله ونعم الوكيل)) يطمعونا في الشئ ويرغبونا فيه بعدين يصرفونا

والله اني احترت ما ادري وش اسوي ... تخيل مقابلتي صار لها شهر من سويتها....

الله المستعان...........

انا اخاف اروح للوزارة اقولهم ابي الضمان المالي ويسالوني ليه؟

اكيد بقولهم لان تجسير ماغيرلي الولاية؟ ويقولون اصلا ممنوع تغيرين الولاية ... ويقضبوني الباب

ما إسـم المعهد الذي ترغبين في الحصول على قـبـول منه ؟

اخواني واخواتي كيف حالكم جميعا
اتمنى القى عندكم حل تساعدوني فيه
انا احدى ضحايا مكتب تجسير الفكر ومماطلاااااااااااااااااااااااااااااااااااااااااته
حاولت اسحب عليهم واحضر قبول بنفسي خاصه اني حريصه اني التحق بمعهد قوي يفيدني في تعلم اللغه
وقدمت على معهد جامعة متشيقان ايست لانسنغ اناوزوجي طبعا
وعبيت الابلكيشن وارسلت لهم جميع الاوراق المطلوبه ماعدا الضمان المالي لان الوزاره رفضت اعطائي اياه وقالوا لي انتظري اسبوعين وبيوصلك القبول وهالكلام له شهر تقريبا
وطبعا المعهد رفض يرسل لي الاي تونتي الااذا ارسلت لهم الضمان المالي
ايش الحل برايكم
اتمنى احد يفيدني او يخبرني عن شخص اذهب له بالوزاره يقدر يفيدني بهالموضوع
ومشكوررررررررين مقدما

المعهد التابع لجامعة اوهايو ستيت..
او اي معهد في مدينة كولمبوس

اقتباس:

---

المشاركة الأصلية كتبت بواسطة sweety-19

اخواني واخواتي كيف حالكم جميعا
اتمنى القى عندكم حل تساعدوني فيه
انا احدى ضحايا مكتب تجسير الفكر ومماطلاااااااااااااااااااااااااااااااااااااااااته
حاولت اسحب عليهم واحضر قبول بنفسي خاصه اني حريصه اني التحق بمعهد قوي يفيدني في تعلم اللغه
وقدمت على معهد جامعة متشيقان ايست لانسنغ اناوزوجي طبعا
وعبيت الابلكيشن وارسلت لهم جميع الاوراق المطلوبه ماعدا الضمان المالي لان الوزاره رفضت اعطائي اياه وقالوا لي انتظري اسبوعين وبيوصلك القبول وهالكلام له شهر تقريبا
وطبعا المعهد رفض يرسل لي الاي تونتي الااذا ارسلت لهم الضمان المالي
ايش الحل برايكم
اتمنى احد يفيدني او يخبرني عن شخص اذهب له بالوزاره يقدر يفيدني بهالموضوع
ومشكوررررررررين مقدما

---

اختي راسليي الاستاذه شادن ان شاء الله تفيدك
وهذا اميلها shtuwaijri@mohe.gov.sa

او طلعيلك شهاده بنكيه ماتقل عن 11 الف دولار وووارسليها للمعهد

وان شاء الله افدتك ولو بشي بسيط :)

ياناس ياعالم اتركوا المكاتب وسوا التقديم بانفسكم

والله سهل ولا يبيله شي واضمن لك من مكتب

علّك تقصدين هذا المعهد :: ALP :: ؟ ؟ سأتواصل معه اليوم وسأرى إن كان بوسعي مساعدتك في الحصول على قبول منه

عليك نور

ومشكور الله يوفقك دنيا واخره

اقتباس:

---

المشاركة الأصلية كتبت بواسطة ممشوعه

اختي راسليي الاستاذه شادن ان شاء الله تفيدك
وهذا اميلها shtuwaijri@mohe.gov.sa

او طلعيلك شهاده بنكيه ماتقل عن 11 الف دولار وووارسليها للمعهد

وان شاء الله افدتك ولو بشي بسيط :)

---

اختي مرررررره شكرا على تفاعلك معاي
انا عندي شهاده بنكيه باسم زوجي مو باسمي تتوقعون ينفع بمبلغ تقريبا 25 الف دولار
وبحاول اراسل الاخت شادن واشوف وش يصيرمعاها
واذا احد عنده حل ثاني لا يبخل علي فيه او يقدر يساعدني في التواصل مع المعهد
لاني كنت موكله شخص يراسلهم لي ومانفع.
وبالتوفيق للجميع

يا اخوان قلنالكم اذا تجسير اخركم مثل ماصار للكل وقام يلعب بالكل ويحط على كيفه والي يبغاه كأنه مطلعنا على حسابه هو ينقى لنا

نصيحتي لكم ومجربه وكثير مننا سواها جيبو قبولاتكم بنفسكم او اسالو والي يبي مساعده مني وادله على الطريقه الصحيحه وقبوله كيف يطلعه بسرعه واذا كان محتاج شهاده بنكيه انا ادله على الطريقه وش يسوي وشلون سوينا وكل حاجة ومابي منكم الا الدعاء هذا ايميلي للمساعده والاستفسارات

abe7all @hotmail.com
بدون مسافه

السلام عليكم

اختي mora22 و nofa

كيف جبتوا القبول لأنفسكم ؟ يعني هل ارسلتوا للمعهد شهادة بنكية باسمكم؟ او اخذتوا الضمان المالي من الوزارة؟

اخوي المستشار لاهنت وش المطلوب اني اسوي في هالحالة ؟

تحياتي للجميع

اقتباس:

---

المشاركة الأصلية كتبت بواسطة sweety-19

اختي مرررررره شكرا على تفاعلك معاي
انا عندي شهاده بنكيه باسم زوجي مو باسمي تتوقعون ينفع بمبلغ تقريبا 25 الف دولار
وبحاول اراسل الاخت شادن واشوف وش يصيرمعاها
واذا احد عنده حل ثاني لا يبخل علي فيه او يقدر يساعدني في التواصل مع المعهد
لاني كنت موكله شخص يراسلهم لي ومانفع.
وبالتوفيق للجميع

---

ايوا ينفع ونص ورايح يجيك القبول بسرعه انتي عبئ ابلكيشن المعهد تشوفينه بالموقع وووادفعيي الرسوم وووارسليها عن طريق الفديكس وووويوصلك القبول بسرعه واذا ناقصهم شي رايح يعلمونك ع الامييل

وذا وصلك اختميه بالوزاره كذا اسهل من تجيبي ضمان مالي وهل الاشياء

هلا اختي انا ارسلت شهادة بنكيه باسمي وشهادة ثانيه باسم زوجي انا لان اولادي اثنين الله يحفظهم وطلب المعهد مبلغ معين في الشهادة عشان يجيب اي توني لي ولاولادي لمدة سنه بما انهم مرافقيني وحاليا انتظر قبولي
وموفقه يارب

هلا اختي انا ارسلت شهادة بنكيه باسمي وشهادة ثانيه باسم زوجي انا لان اولادي اثنين الله يحفظهم وطلب المعهد مبلغ معين في الشهادة عشان يجيب اي توني لي ولاولادي لمدة سنه بما انهم مرافقيني وحاليا انتظر قبولي
وموفقه يارب