معدلي بالثانوية 80 بالمية علوم طبيعية .. والمكتب يقول الجامعات مايقبلونك !

السلام عليكم ورحمة الله وبركاته
والحمدلله والصلاة والسلام على اشرف الأنبياء والمرسلين
اخواني انا كلمت المكتب اللي بالملز حول مستشفى قوى الأمن بشارع الستين
وقالي ان جامعات كندا مايقبلونك
وفيه إحتمال ضئيل
هل صحيح ياشباب ؟
طيب ونيوزلندا وأستراليا .. نفس الحكاية ؟

مع اني ماتوقعت ان جامعات كندا مايقبلوني على قولته

وانا قلتله اني ابي تخصص حاسب آلي
واذا كان الحاسب غير ممكن
وشفيه أقسام ثانية انقبل فيها وتكون هالأقسام مطلوبة بالإبتعاث وفيها إمكانية الإلتحاق
بس بشرط تكون الجامعة معترف بها من قبل وزارة التعليم العالي
بس بصراحة ماتوقعت مانقبل .. والناس يقولون القبول المشروط ماهو صعب
وتكفون شباب لاتخبلون علي بأي معلومة الله يجزاكم خير ,,

يعني باخلين عليّ بمشاركة ياشباب !
وش دعوة ؟!
وبعدين ممكن استفسار بسيط
انا دخلت مواقع جامعات عديدة
التسجيل الظاهر انه ماهو مفتوح
وبكذا جامعة !

لا ما عليك

أستراليا يقبلونك بالراااحه

شوف مكتب IDP ولا IGEC

و يهم يضبطونك إن شاء الله و بالتوفيق

حلوة ذي ما يقبلونك !!

ياليت نشوف ردود أكثر توضح كذب المكاتب

اخي الطالب اذا كنت ترغب في قبول جامعه بتخصص علم حاسب في كندا اني اقدر استخرجلك هوه
هذا ايميلي ارسل لي رسالة نصية فقط وانا سوف اساعدك باذن الله تعالي خلال 10 ايام فقط

وهذا ايميلي
helpstudent.ksa
@
gmail.com

لاحول ولاقــوة إلا بالله

نصب المكاتب وبلعناه بعد حسد ونذاله بالقبول ؟؟؟
أخـــوي أرجــع للمكتب وقل له أنت نصاب وبأذن الله ربي مايرزق لأنك تشتغل عكس المطلوب؟
لا ياخوي لاتتحطم فيه جامعات كثير بكل دول العالم ترحب بكـ وبما فيهن كنــدا.....بس أتكل على الله
وأتــذكر:
"من تــوكل على الله فــهو حسبه".

الله يوسعلكم رزقكم ويوفقكم على هالردود اللي بردت قلبي
الله مير يسلمكم
وان شاء الله احاول اجيب قبول من جامعة كندية
بس المشكلة ماعرف كيف اراسلهم
ودوّرت كلمة القبول والتسجيل بمواقعهم ومالقيت ؟