هنــا تجمع طلاب وطالبات التغذية ماستر..!!

مرحبااا لكل الصبايا
مين راحت فيكم اليوم للتدقيق؟ لاني الى هذه اللحظة محتارة بين علوم صحية وتغذية علاجية.

بناات اللي راحت اليوم تقول ايش صار معاها

هاااااااي بنوتات ....

رحت دققت أوراقي اليوم أقصد أمس لأنو دخلنا يوم جديد ..المهم

وسألتها عن العلوم الصحية اللي كتبته في طلب الإلتحاق هل أغيرة وأكتب تخصص دقيق .. قالتلي لامافية مشكلة

بالنسبه لحسن السيرة والسلوك راح تكون من ضمن الطلبات وأنا تفاجأت فيها

لكن لمن دققت لي أوراقي قالتلي انها مو مهمه

وراح تكتب لكم انها من ضمن الأوراق الناقصه لو ماجبتوها ...بس في النهاية مو مهمه

الله يوفقني وإياكم

وأي وحدة تدقق تطمنا إش صار معاها هنا

بالتوفيق

يالله من جد طلبو حسن السيرة والسلوك ماترجمتها وبكره موعدي

وكمان جواز السفر مو جاهز والله شكلوو مافي بعثه

شهادة حسن سيرة ... مو لازم مترجمة

الشي الي قهرني :

معدلي 4.40 ولمن سجلت كتبت كدا بس اتوماتيك الإستمارة حق التسجيل لغى الصفر وكتبلي 4.4 والمدققة اليوم صححتلي هو 4.40 وتقولي غلط اقولها نفسو تقولي لالا
نفسي كان اديها ع راسها..
قهرتني
كل شي عندي مطابق وكامل الحمدلله
وكتبت على غلاف الملف المعدل باللون الاحمر
انا ومسك نفس الحكاية

مرحبا صبايا..
<<تم التدقيق..
ولله الحمد الامور تمام مافي شي يوتر
بس انا متوتره..
والمهم اني شفت حتو ود/دانيا..
المهم اذا صار ان اوراقكم كااااااامله مافي داعي للخوف والقلق
والله يتمم قبولي وقبولكم
يار يارب يارب يارب
::
مسك

حتو ودانية ومسك
مبروووووك ...عقبال كل امور البعثة ماتتسهل خطوة ورى الثانية فرحتوني ^*^
دانيا اتوقع عادي مافي مشكلة بالنسبة للمعدل لاتشيلي هم مررررررة كبرو المخدة وناموا
انا بكرة ان شاء الله موعدي هوه الساعة وحدة الظهر بس ماراح اروح الا في الليل بعون الله
دعواتكم

فانيلا..
ان شالله تتسهل امورنا
شوفي ايش كتبتي فجعتيني بس اسمعي انا سمعت انه لازم تجي في موعدك واذا جيتي في موعد غير موعدك لازم يكون لكي عذر مقبول..
والتوفيق لنا كلنا يارب

ليش فجعتك ياحلوة ...معقولة عشان قلت ان شاء الله تتسهل امور البعثة
ولا يكون رديتي على السريع فتلخبط الكلام شكلو كذا ماعليكي ..
بالنسبة لموعدي والله مااقدر اروح الظهر بس خليت صاحبتي لمن راحت التدقيق تسالي
سالوها ايش عذرها قالت لهم ماتقدر مافي سيارة قالو لها( طيب مو مشكلة ) ان شاء الله يطلع كلامهم صح
ميرسي ياحلوة على الرد ان شاء الله نتقابل في الملتقيات ..متحمسة اشوفكم

.
.
مرحبا لكل الصبايا الحلوين
عندي استفسار مهم .. ولو ماتتأخرون عّلي بالرد أكون شاكرة لكم
البنات اللي راحوا للتدقيق .. هل راحوا حسب الموعد المحدد لهم بالمسج أو لا؟


( المسج أللي وصلني مكتوب فيه موعد الحضور الساعة 12ونص ظهراً )
ولما دخلت على موقع الوزارة لقيت ذا المقطع : )
(3- على المتقدم الحضور في الموعد المحدد له بالحضور الذي حصل عليه عبر البريد الإلكتروني أو رسالة الجوال، وسيكون الدخول إلى صالة التدقيق مقتصراً على المتقدم نفسه، دون المرافقين، مع التنبيه إلى أنه إذا وردت الرسالة بأن الموعد هو: الساعة الثانية عشرة، فهو بعد منتصف الليل .)

فهل هم يقصدون إللي جاها بمسجها 12 بس بدون ظهرا ، أو أنه بشكل عام لأن المسجات قبل رمضان وتغيرا مع الوقت ؟
إذا في حد عنده جواب ياليت يفيدنا