انقبلت طب وارامكو.. وين اختار!
السلام عليكم ورحمة الله وبركاته
ما عندي اي فكرة كيف ادخل بالموضوع
قبل ساعة كلمني مكتب التوظيف بارامكو وسالوني إذا بعدي مهتمة
سجلوا اسمي بـ برنامج CDPNE هندسة حاسب
بس انا مقبولة بـ جامعة الملك فيصل طب وجراحة
I'm going nuts, I've no idea what to decide. =/
اي حد يقدر ينصحني ؟
رد: انقبلت طب وارامكو.. وين اختار!
يا ناس ياعالم احد يعوووف ارامكو ويفكر بشي ثاني بالله عليكم ..انتوا لو بس تعرفوا المزايا اللي تديها اياكم اراامكو
رد: انقبلت طب وارامكو.. وين اختار!
انا اقولك استخيرررررررر والله يوفقنا جميع ويسهل وييسر علينا امورنا يارب العالمين وصلى الله وسلم على سيدنا محمد وعلى اله وصحبه اجمعين
رد: انقبلت طب وارامكو.. وين اختار!
ارامكوو
بس استخيري قبل كل شي .. والله يكتب لك اللي فيه الخير
رد: انقبلت طب وارامكو.. وين اختار!
صلي صلاة الاستخارة
واستشيري أهلك
ومن ناحية الأفضل
فما أعرف
ان شاء الله اللي عنده يفيدك
والله يارب في هاذي الليلة الكريمة يكتب لك اللي فيه الخير في دنياك واخرتك
رد: انقبلت طب وارامكو.. وين اختار!
http://www.mbt3th.us/vb/forum74/thre...ml#post1268850
هدا ردي لشخص نفس حالتك اتمنى انوا يكون مقنع وفيه خيره عليك
رد: انقبلت طب وارامكو.. وين اختار!
ياكثر الدكااتترة ..لكن نادر مانسمع مهنددسه
رد: انقبلت طب وارامكو.. وين اختار!
بصفتي موظف بارامكوا من 13 سنه اقولك ارامكوا فيها مزايا رائعه واولها انه لك الحق انك تمتلكين بيت عن طريق ارامكوا وهذا الشي ماراح تلقينه في اي مكان اخر كموظفه
غير كذا فرصه البنات ممتازه في ارامكوا افضل بكثير من الشباب
لكن في الاول والاخير الموضوع يرجع لرغبتك الشخصيه فاذا كنتي ترغبين الطب وفي تفس الوقت تبتغين الاجر من وراء دراستك لخدمه اخوانك المسلمين فستفتي قلبك
ارامكوا دوامها بيكون ممتاز ومميزات ممتازه ودوام معروفه اوقاته محدده اما الطب فيحتاج منك جهد وتغيير في المواعيد يعني ممكن تدوامين مناوبات في اوقات متأخره وهذا الشي رايح يكون له انعكاس على بيتك وعيالك وزوجك في المستقبل
انا اقولك الكلام هذا وانا مستعد ان اترك ارامكوا من اجل البعثه فالموضوع في الاول والاخير يرجع الي رغبتك ومدى حبك لمجال عملك اللي تطمحين فيه
طبعا في كلا الطرفين رايح يكون في اختلاط وهذا الشيء مفروغ منه
استخيري والله يسهل لك الامور لكن نصيحتي لك ارامكوا ويمكن بيوظفونك مكاني ههههههههههههههه
رد: انقبلت طب وارامكو.. وين اختار!
اقتباس:
المشاركة الأصلية كتبت بواسطة alamal8reeb
يا ناس ياعالم احد يعوووف ارامكو ويفكر بشي ثاني بالله عليكم ..انتوا لو بس تعرفوا المزايا اللي تديها اياكم اراامكو
انا ماراح اكذب واقول عارفة مزاياها
بالعكس.. ما عندي اي فكرة
اللي اعرفه انو انا ما احب الطب ولا حتى بيوم كان ميولي.. دخلته على رغبة اهلي
هو الخيار بالنهاية راجع الي بس مو قادرة اختار
شكرا أخت alamal8reeb
رد: انقبلت طب وارامكو.. وين اختار!
ارامكو وبلا منازع اختي على الاقل لاتوظفتي الشركة تقدرك وتعطيك حقك بكل النواحي
ربي يوفقك