طريقة القبول المشروط(قريبا ان شاءاللة)

:gr_905: السلام عليكم ورحمة اللة وبركاتة:gr_905:

اهلين ياشباب ...
ارجواء من المشرفين و الخوان وأعضاء ان يشرررررحوا طريقة القبول المشروط وكما تعرفوان ان البعثات تم تأخيرها الى15 رجب الله المستعـــــــــــن
وجزاكم الـــــله الف خير ومليون لا ترلين . وايضا الجامعات لا تقبـــــل الطالب الا بضمـــــــان المالي كما انتم تعرفوان الوزارة أخرات البعثات وبعضهم لايسطيع ان يحضر ضمان من البنك:gr_908:



وشكراً الى جميع المشرفين و أعضاء و الخوان ايضاً:gr_876:

اخوي او اختي كلية ولا احسن انا زيي زيك احس ان التأجيل جاء في صالحي لان موعدي في السفارة يوم 9 اغسطس اللي يوافق 15 رجب اللي هو اليوم اللي تفتح فيه البعثات اللهم لك الحمد مع اختلاف بسيط ان عندي ضمان مالي قديم ما ادري اول ما فتحوا الابتعاث موجود ما شفت التاريخ !
بس ما عندي قبول ولا اي توني ولا الخرابيط هاذي كلها وموضوعك حلو وجاء في وقته وراح افيدك باللي اقدر عليه
انت الله يطولي في عمرك عندك كذا طريقة تجيب فيها القبول:
1- في احد الاخوه كتب ان في مكتب يجيب قبول خلال 10 ايام ب 2100 واذا ما جاب القبول خلال 4الى 10 ايام يرجع الفلوس كامله بس احس ان السعر غالي شوي عموما انا ماني مستعجل على القبول وهذا المكتب راح يكون اخر الحلول امامي لان قدامي اكثر من 3 شهور يعني يمديني اشوف شي ارخص عموما الله يعطيك العافية ما ودي اطول عليك اتمنى منك الاستفاده في هالموضوع من خبرة الناس اللي جابوا قبول طبعا في مكاتب ارخص بس تطول ومو مضمون القبول فيها فعشان ما نستغل من المكاتب اللي تجيب قبول وتطلب مننا اسعار مبالغ فيها.
2- فيه طريقه انك تراسل الجامعات بنفسك بس لازم تعبي الفورم اون لاين وتدفع رسوم الابلكيشن عشان ينظرون في طلبك واحتمال يقبل او يلغى وانا راسلت جامعه ودفعت 50 دولار يعني ما يقارب 200 ريال ولا جاني رد منهم الى الان يعني العملية شختك بختك انت وحظك مع الجامعه يبغالك في هالطريقة تبحث عن الجامعات الاسهل في القبول طبعا لا تنسى في هالطريقة انك بتظطر ترسل اوراقك كاملة واذا في نواقص بيطلبون منك اعادة الارسال عن طريق البريد السريع اللي اسعاره غالبا ما تكون فوق ال 200 ريال للارسالية وفي رسوم لمعهد اللغة ايضا وارساليه منفصلة الا اذا الجامعة اللي بتنقبل فيها يكون المعهد تبعها في هاذي الحالة تكون الارسالية وحده انا اعتبر هالعملية مكلفة للغاية.
3- وفي طريقة اللي هي عن طريق المنتدى واعتقد الاخوان في المنتدى متعاونين ومتطوعين ترسلهم فورم فيه بياناتك وهم يراسلون بدورهم الجامعات على ما اظن طريقتهم كذا بس ما اعرف تفاصيل كيف يجيبون لك القبول هذا الحل انسب الحلول واسهلها والاخوان في المنتدى يستحقون مننا الشكر والدعاء لهم بسبب هاذي الخدمة.

4- اذا لك احد من اقاربك في امريكا يجيبلك القبول.

وانا اقول الله يعوض عليكم يا اخوان اللي خالصه اموركم وما بقالكم الا قرار الابتعاث عشان ما اكون اناني اصبروا الصبر زين وكل تاخيره فيها خيره الله اعلم يمكن تاخيرتكم فيها خير لكم وفي العجلة الندامة انشاءالله تتسهل اموركم يمكن لو رحتوا الحين ما يصرفون رواتبكم لاني سمعت شي زي كذا فلا تزعلون ولا شي وما تدرون وش الخيرة فيه عموما الله يعطيكم العافية ولكن انا ما زلت ابحث عن قبول تعقدت وصارت المكاتب استغلالية وماندري عن صدقهم من كذبهم ما اقول الا حسبنا الله ونعم الوكيل عموما اللي جاه قبول ياليت يفيدنا باسهل الطرق وانشاءالله الله يسهل اموره ويفرج كربته زي ما فرج كربتنا عموما ما ودي اطيل بس انا معي دبلوم 3 سنوات ومعي ضمان مالي واخذت موعد في 9 اغسطس باقيلي القبول نصحوني ناس اني اقدم بشهادة الثانوي قالوا اسهل للقبول لان اول سنه لغة بعدين اذا رحت هناك اقولهم ان معي دبلوم ويعادلونلي اياه او اني اقدم بالدبلوم عموما نسبتي للاسف 71 في الثانوي علمي والدبلوم تقديري مقبول يعني سواد وجه فقلت الافضل اني اقدم على الثانوي ولا وش رايكم مع ان الدبلوم 3 سنوات يعني حرام تضيع لا وعندي دوره 7 شهور بعد الله يعطيكم العافية وياجركم في مصيبتكم وانشاءالله تنحل بس هونوها وتهون وان الله مع الصابرين والصبر مفتاح الفرج الله يفرجها عليكم الف شكر لكم

يا شباب اللي يبي قبول سريع جداً جداً يرسل إيميل لهذا الشخص بأمريكا knqk@iup.edu او هذا djt@iup.edu

ويقولهم الرساله التالي:

Hi I'm a Saudi Student with a scholership from the Saudi Goverment looking for an admission to your university I like to stude
يكتب اسم التخصص اللي يبيه
so please what do I need to do to get the I-20 from your university
Best Regards,
تكتب اسمك

ولا تقول ماعندي ضمان مالي ابد ولا تجيب سيره بيرسلك رابط تعبي البيانات ولا تحتاج تدفع بعدها باسبوع يرسلون لك خطاب القبول و اول ما تفتح الوزارة عب الطلب و يصدر لك ضمان مالي بعدها رح للوزارة و عطهم خطاب القبول بيعطونك خطاب للسفارة و ادخل المقابلة و بكذا تكون من اول الناس بالبعثة القادمة بإذن الله طبعاً الجامعة هذي اسمها IUP وهذا موقعها www.iup.edu وهي في قرية صغيرة جنوب بنسلفينيا اسم القرية إنديانا و الجامعة حليله وعموما بعد ما تخلص ترم فيها تقدر تطلب نقل إلى أي جامعة ثانية بس أهم شي تخلص بدري عشان تحصل على البعثة مع أول الناس.

تحياتي
ابوبدر

مشكور يا ابو بدر يعطيك اللة الف خير ولكن هل جربت انت او تعرف احد جرب هذي الطريقة لكي تعم الفائدة

أنا و أخوي و إثنين من ربعي في سابك وواحد من أخوياي في جامعة البترول و كلنا رايحين في نهاية هالشهر بإذن الله صدقني لا يسألون عن صور ولا مستندات بس عطهم عنوانك و معلومات جوازك و التخصص اللي تبيه ويرسلون لك I-20 و خلال خمس أيام هو عندك

مشكورا يا اخ ابو بدر ولكن هدى هي الرسالة صح
Hi I'm a Saudi Student with a scholersh from
the Saudi Goverment looking for an admission to your university I like to stude
يكتب اسم التخصص اللي يبيهso please what do I need to do to get the I-20 from your universityBest Regards,تكتب اسمك
اكتب معلومات جوازالسفر والعنوان في نقس الرسالة تحتالاسم

مشكور اخوي ابو بدر على هذه الفايده والله يجزاك الف خير

حياكم و اكتب نفس الرساله اللي فوق واكتب عنوانك و معلومات جوازك التالية رقم الجواز و اسمك حسب الجواز و تاريخ اصدار الجواز و تاريخ الانتهاء و تاريخ الولادة و مكان اصدار الجواز و احسن لك انسخ صورة من الجواز على الماسح الضوئي (سكانر) و ارسلها مع الرسالة اريح لك ........... بالتوفيق للجميع

الله يجزاك خير يابو بدر انا ارسلتها من يوم ما كتبتها في المنتدىبس الى الحين ما جاني رد انا خايف يكون ايميلي فيه مشكلة اواني لازم ارسل بيانات الجواز كاملة عموما يعطيك الف عافيه المشكلةماعندي سكانر :(

مرحباا شباب

ااممممم ابو بدر الله يعطيك العافيه سؤال بس

انا بقدم زي ماقلت لكن ابي اعرف هل الجامعه عندها معهد لغه

لأنوو انا ماعندي التوفل فأبي قبول مشروط

اتمنى تعطيني رد بأسرع وقت عشان ارسلهم

وشاكر لك ولكل الأعضاء

تحياتي

ولـــ العطا ـــد