المرسل mohe: لـم يصل قبولك

لـم يصل القبول لا معهد ولا جامعة !!

في احد يعرف على اي اساس مقسمين الطلاب على مجموعات !!؟؟ ابجديا ولا ايش !!؟؟
يعني الحين وصلت قبولات المجموعه من 1 الى 5 , و الباقي !! كم مجموعه في من الاصل !!؟؟

لاني لما كلمت اسأل عن قبولي قالي انتي من المجموعات الاخيرة!!؟؟ و طبعا ما قالي اي مجمموعه؟؟!!>>ما سألت بالذمه بس عشان تاخذ معلومه لا تودي ولا تجيب تطلع روحك
طيب يعني معقوله قبول المعهد ما وصل !!؟؟ على الاقل عطوني اياه عشان اسلمه السفارة دام اني رايحه و اني في الرياض .

تنظيم بصراحة الى اقصى حد مو مقبول ابدااااا, مع كل احترامي لجهودهم .

طيب المرافق مو شرط من الشروط ! و في الجرايد ماخلو لا بقوا كلام في المرافق !!؟؟ ليش مافي تنظيم اكثر و دعم له, من ااساس وين ن ن ن الدعم , اقلها و اهمها الضمان المالي , ولا ؟ كل الناس عندها حساب فيه على الاقل 100 الف ريال ولا حتى 20 الف عشان يحصل على ضمان مالي !

يعني معقوله عشان اخذ خطاب يثبت ان فلان مرافقي للسفارة لان السفارة طالبه - اهم نقطه يعني مو فلسفة من عندي - , لازم احصل على التأشيرة اول !!؟؟؟؟ اجراءات معقده ومالها من الاصل داعي , كأن يقولون لا تروحون مع مرافق , مو المفروض اخلص كل الاجراءات مره وحده مع المرافق لان هو اللي بروح معه ولا بروح من غيره , عشان الشرط !!؟؟ واللي يضحك المسؤول يقول لي ما نعطيك الخطاب لان المرافق يمكن ما يسافر لازم اول تاخذين التأشيرة !!؟؟ واقوله بتطول المسأله , يقولي هذي الاجراءات الحكوميه؟؟! طيب و الخطاب هذا ان ما سافر ايش بيسوي فيه !! وانا بتعب نفسي ادق كل يوم لين احد يرد علي , عشان المرافق ما بيروح !!؟؟ ما يدرون ان الطلاب من جميع انحاء المملكه , وان السفارة و الوزارة بس في الرياض !!؟؟ رايحين جاين اخلص كل معامله لحاله مع ان بتسهيلاتهم ممكن اخلص كل المعاملات المطلوبه مع بعض !!؟

مو كأنه 10 شهور مب قليله !! ترا السنة 12 شهر ! كل يوم نقول بكره ! ولك شهر نقول اللي بعده !

نحتاج احنا اللي معلقين عليهم الآمال , نطمئن على مستقبلنا اللي هو مستقبلنا كلنا.
نحتاج دعمكم الكامل لتسهيل اجراءات المرافق , ترا راحين ديره غريبه نحتاج من يكون معانا, نبي ضمان مالي من عندكم, ترا الاسهم خلت الارصده ما تسر عدو ولا صديق .


و لاحول ولا قوة الا بالله العلي العظيم و الله يعين و يسهل و يصبر , قولوا امين

اهلين ومشكوووووووووووور وما قصرت

بالنسبة لمجموعات اظاهر انو حسب الملتقى الاي حضرته

وعندي انا سؤال متى انزلت المجموعة الخامسة لان الاسبوع الماضي الى المجموعة الرابعة

واذا انزلت الخامسه وما في اسمي معناها مو حسب الملتقى لان انا الملتقى الخامس

ويعطيك العافية

ام شرف

والله هالوزاره محد يعرف لهم

على اي اساس مقسمين ولا شي

انا في الملتقى الرابع والى الآن ما وصلني شي

وغير كذا تقسيم الملتقيات كان للدول كلها

وامريكا كان لها اربع ملتقيات - على ما اظن - فما ادري على اي اساس جايبين القبولات

ام شرف : شكرا لردك..
اذا المجموعات مقسمين على الملتقى رحنا وطي اقول , واذا كنا مقسمين ابجديا !! هذي اسؤ طريقه للتقديم... وافضل طريقه للتنظيم !!

و بصراحه انا سمعت ان المجموعه 5 نزلت , ومو متأكده ابدااا .


sweet_heart : صحيح كلامك, شكرا لردك

لا مو على اساس الملتقيات لأني انا في الملتقى الرابع لكن قال الموظف انك في المجموعه الأولى

وصراحه ما أدري على أي أساس مقسمين الطلاب

الرحال: شكرا للمعلومة