ماجستير - بكلريوس ودرجة القياس 69

السلام عليكم

عندي كذا استفسار واتمنى احد يجاوبها لي

1- انا خريج من البترول تخصص محاسبة ومعدلي فوق 3 من 4 بس متخرج من 15 يناير 2005 (يعني 4 ذي الحجة 1425) ومن مواليد 24 جمادة اول 1402 .... اقدر اقدم على البعثة ماجستير او لا
2- اختي يدوب تخرجة من الثانوية طبيعي والمعدل 91 والتحصيلي 76 بس القياس 69 ... تقدر تقدم على بعثه في ادارة اعمال او لا لان القياس اقل من 70
3- لو صار وقبل طلب البعثة متى المفروض استقيل من عملي واتفرغ للبعثة
4- في حالة رفضة البعثة (لا سمح الله) كيف اقدر ابتعث على حسابي واحول على البعثة من هناك ... هل ممكن!! وايش الشروط وايش نسبة نجاح الطريقة وكم ممكن اطول حتى يحولني على حساب الدولة

مشكورين وما تقصرو بجد محتار من الي فوق

شكرا

1- هـذآ شـرط العمر بـ النسبة لـ المـآستر ( لا يزيد عمر المرشح على 27 سنة لحملة البكالوريوس. ) لـ الأسف إنـتآ تعديـت الـ 27 .
2- كـثير أنحـرموآآ من الـبعثة عـشآن درجة وآحدة بس في القدرات أو التحصيلي , و أي وآحد درجـآته مـآ تنطبق مع الـشروط إحتمـآل قبوله جدآ ضعيف لـأن السيستم يرفض الدرجـة وقت التسجيل .
3- مـآدري إن شـآء الله يـفيدونـك الـأعضآء .
4- لـآزم تخـلص 30 سـآعة درآسة , يعني تقـريبـاً تقدر تـنضم بـ 6 الأشهر الـأولىآ .

مشكور اخوي على المعلومه بس هل انت متاكد انهم يرفضو اقدم لان عمري
لان اغلب الاعلانات الى بالجرايد ما فيها عمر
وبالنسبة الى على حسابي
هل كل الموجودين بالابتعاث على حسابهم يقبلوهم
وهل يعوضوهم على الي دفعوه او لا

يا اهل الخبرة ابي رايكم

الان في حالة لا قدر الله ما توفقت في البعثة: النصيحة لك وللجميع

1. اختر معهد مدة الدراسة فيه هي 3 شهور
2. احصل على قبول مشروط من احد الجامعات المعترف فيها وحاول تقدم اوراقك للوازرة في الرياض قبل السفر.
3. افتح ملف اول ما تدخل امريكا عند الملحقية واعطيهم صور قبول الجامعة
4. عند بدء الدراسة في المعهد ارسل لهم خطاب من المعهد يشهد انك بدات الدراسة
5. تابع الموضوع بشكل اسبوعي مع الملحقية والوزارة
6. ان شاء الله في خلال الفترة هذه سوف يصدر قرار ابتعاثتك ويتم تعويضك عن 3 شهور الماضية

الله يوفقك الجميع

مشكور اخوي وما قصرت
بجد فدتني
اهم شي موضوع التعويض
لاني بسافر بدين والله
انا ماجستير وعي زوجتي وبنتي
وهم اختي معي بكلريوس بس تحتاج لغة
انا الحمد لله لغتي ممتازه جدا
افكر في جامعة اوستن تكساس او جامعة ميشقان
طبعا دراسة ادارة اعمال - محاسبة ومالية
ايش رايكم ايهم احسن وليش
جامعة اوستن تكساس او جامعة ميشقان