ماهي اول خطوه للتقديم للأبتعاث ؟
السلام عليكم
مبارك عليكم الشهر الكريم
انا سعيد لتسجيلي معكم في المنتدى وجزا الله العاملين عليه كل الخير
سؤالي ماهي اول خطوه للتقديم لالبتعاث الخارجي ؟؟؟
يعني انا ابغى اقدم ويمكن تكون الدراسه على حسابي الخاص المهم
من وين ابدأ ماهي اول خطوه هل هو احظار قبول من قبل جامعه او معهد ؟؟؟
شكرا لكم
رد: ماهي اول خطوه للتقديم لالبتعاث ؟
وعليكم السلام ورحمة الله وبركاته
أولاً حدد الدولة والمدينة اللي تبي تدرس فيها التخصص اللي ترغبه
ثانياً أبدأ ابحث عن الجامعات في هذه الدولة وشوف هل هي معترف فيها من الوزارة
ثالثاً راسل الجامعة على موقعها وهذا أسهل ومايكلفك واذا ماتعرف انجليزي شوف أحد اصدقائك أو قرايبك اللي يعرف وخله يراسل لك أو روح لمحل جلب قبولات وابحث بمنتدى مبتعث عن محلات القبولات اللي يمدحونها الطلبة لان فيه بعضها تغش فانتبه منها
رابعاً بعدها استنى القبول يوصلك بعدها قوم باجراءات استخراج الفيز والتذاكر << هالنقطة مو متأكدة منها لأنه لم يسبق لي الابتعاث فاسأل اللي هينا إن شاء الله يفيدونك
والله يسهل عليك يارب
دعواتك لي ربي يفرجها عني ويسهل علي
رد: ماهي اول خطوه للتقديم لالبتعاث ؟
اختي الله يفرج همك وكربك ويسهل امرك ويجزاك خير
يعني اول خطوه هي اني اجيب القبول من الجامعه زي ما ذكرتي
مره اخرى جزاك الله خير
رد: ماهي اول خطوه للتقديم لالبتعاث ؟
اذا كان على حساب الحكومة التسجيل انتهى قبل اسبوع :)
لو على حسابك والله ما ادري كيف الشباب ان شاء الله يفيدووك :)
رد: ماهي اول خطوه للتقديم لالبتعاث ؟
ايه أخوي
اذا على حسابك طبعاً تجيب القبول واحسن لك لو كان مشروط يعني تدرس في معهد لغة تابع للجامعة ثم بعد ماتخلص لغة تدخل للجامعة بعض الجامعات اللي تدرس تبع معهدهم مايطلبون درجة معينة تجيبها باللغة عشان تدرس فيها
لو كان جاي من معهد غير تابع للجامعة يشترطون عليك درجة توفل ماادري ايلتس معينة
أما اذا على حساب الدولة وقد سجلت بالمرحلة السادسة وقبلوك هم راح يجيبون لك القبول الجامعي للمعهد والجامعة اذا كنت بمرحلة بكالوريوس
واذا ماجستير ودكتوراه يجيبون لك قبول لغة وأنت تجيب قبول الجامعة لارحت هناك
بس ماقلت لي درجتك الدراسية ايش ثانوي أو جامعي ؟
والله يوفقك يارب لاتنسانا من دعائك
رد: ماهي اول خطوه للتقديم لالبتعاث ؟
ابن الوطن::
انا ناوي ادرس على حسابي ان شاء الله
جزاك الله خير
عالي طموحي::
الدراسه على حسابي وابغى التحق بالبعثه اذا الله قدر لي
وبالنسبه للغه الحمدلله انا لغتي كويسه في الانقليزي وما علي منها كثير لاني موظف في شركه لي خمس سنوات
ودرجتي الدراسيه ثانوي
جزاك الله خير على التعقيب
رد: ماهي اول خطوه للتقديم لالبتعاث ؟
الله يوفقك يارب
مثل ما قالوا لك المبتعثين
رد: ماهي اول خطوه للتقديم لالبتعاث ؟
بالتوفيق لك اخوي
شوف اذا معك ايلتس بتسهل عليك كثير
لانك ممكن تدرس دآيركت
ااغلب الجامعات الامريكة طالبين فهمن 6 وطالع
الله يعييين يارب
رد: ماهي اول خطوه للتقديم لالبتعاث ؟
o.O( NOHA )O.o°¨
الله يوفقك وجزاك الله خير
اخوي ابراهيم ممكن يطلبون اختبار التوفل او الايلتس صحيح واحده منها ؟
اذا كان كذا ممكن ادبرها ان شاء الله
جزاك الله خير
رد: ماهي اول خطوه للتقديم لالبتعاث ؟
هلا و غلا بك اخي :
يسعدني اني ارد عليك ..
اولاً : قبل كل شي اسال ربك بركعتين " صلاه الاستخاره " .
ثانياً : يجب تحديد الدوله ومن ثم يجب تحديد الولايه مثال " امريكا ولايه دنفر " .
ثالثاً : قم بالبحث في الجامعه المناسبه لك مع مراعاه توآجد التخصص اللي تطمح له .
رابعاً : قم بالاتصال على مكتب التسجيل و الابتعاث الخارجي هذا رقم مكتب في الرياض اسمه مستقبلي 4540500-10 وهو يجيب لك قبول من المعهد و الجامعه و العايله و سهل لك الفيزا بمجرد تحديد لك يوم للمقابله . " وانت تنتظر لين يجيك موعد السفر .
آرجوا اني افدتك في الرد
اطلب منك اخي انك تدعي لي بظهر غيب ان الله يحقق حلمي للابتعاث ..