5 مرفق
تدقيقي يوم 7 رمضان بفندق المريديان بجدة ... صور ;)
اول شئ انا اعتذر اني اتأخرت في كتابة تقريري بس الموقع ما كان بيفتح معايا و لكن الحمدلله اليوم فتح :)
اول شئ موعدي كان الساعة 3 ظهرا طبعا انا خرجت من البيت الساعة 2 و ربع و وصلت الفندق الساعة 2 و نص
لما دخلت قالولي روح شوف اسمك في الكشف و رقم التسلسل حقك و تعال و رحت و شوفت و لقيت اسمي و رقمي و اعطيتهم بطاقة الاحوال و حطو علامة صح جمب اسمي
طبعا لا تدبسو الاوراق لما تروحو و الا دبسها يفك التدبيس
بعد كدا اعطوني تلاته اوراق الورقة الاولى فيها جميع الطلبات و بترتيب معين يتم ترتيبها حسب الا مذكور في الورقة و بعد كدا كتبت اسمي و رقم الطلب و المرحلة الا مبتعث لها
الورقة الثانية محتواها اذا عندك قرايب في بلد الابتعاث و ايش صلة القرابة و في اي مدينة بالتحديد لو كان عندك قرايب و بعد كدا برضو كتبت اسمي و رقم الطلب و وقعت
الورقة التالته فيها مجموعة تعهدات قريتها و كتبت اسمي و رقم الطلب و وقعت
بعدين رحت لمكتب تاني شاف اوراقي و اتأكد انها كاملة و اعطاني ملف تكتبو فيه بيانتكم من قدام و من ورا و نصيحة لا تاخدو قلم سائل خدو قلم جاف عشان الحبر
و بعدين اعطاني رقم و قالولي اتفضل ادخل الين يجي رقمك
دخلت و استنيت تقريبا 5 دقايق الين جا رقمي اعطيتهم الرقم و الملف و الاوراق جوة الملف مرتبة زي مو مكتوب في الورقة الاولى شافوها و دققولي و بعدين اعطوني سند استلام و بس :)
ترى مررررررره سهااااله و انا اخدت 30 دقيقة بس من اول ما دخلت الييين ما خرجت
اتمنى اكون افدتكم
و اعتذر لكم بخصوص الورقة التانيه مو راضية تتحمل و كمان اعتذر لو ما كانت واضحة لأني صورتها في السيارة و لا تسألوني كيف خرجت الاوراق معايا :D
الدعاء وصيتكم :)
رد: تدقيقي يوم 7 رمضان بفندق المريديان بجدة ... صور ;)
لا من جد كيف خرجت الاوراق معاك؟
هذا سؤالي الوحيد<<وحده فضوليه لأن جات الفكره ببالها بس ماقدرت تنفذها
رد: تدقيقي يوم 7 رمضان بفندق المريديان بجدة ... صور ;)
اقتباس:
المشاركة الأصلية كتبت بواسطة soso06
لا من جد كيف خرجت الاوراق معاك؟
هذا سؤالي الوحيد<<وحده فضوليه لأن جات الفكره ببالها بس ماقدرت تنفذها
جميع الورق موجود في موقع الوزارة
تستطيعي تجميله وتعبئته من بيتكم وتجهزي كل شيء
تروحي هناك تسلمي الاوراق بس وتمشي
ومشكور يا صاحب الموضوع وماقصرت على الموضوع الرائع
وفقكم الله
رد: تدقيقي يوم 7 رمضان بفندق المريديان بجدة ... صور ;)
اقتباس:
المشاركة الأصلية كتبت بواسطة soso06
لا من جد كيف خرجت الاوراق معاك؟
هذا سؤالي الوحيد<<وحده فضوليه لأن جات الفكره ببالها بس ماقدرت تنفذها
يعني سبتي الموضوع كلو و مسكتي في السؤال دا ههههههههه
عل العموم والله انا لما اخدتها سويت نفسي نسيت القلم و اخدتها و نزلت و انا نازل شغاااال بس اقرا في نفسي انه ربنا يبعدهم عني و ما يقولولي شئ عشان اصورها و ارجع :D
بس كنت حابب اني اصورها احسن من كدا بس هادا الا قدرت عليه و اتمنى انه تكون بتينه بس و شكرا على سؤالك
رد: تدقيقي يوم 7 رمضان بفندق المريديان بجدة ... صور ;)
اقتباس:
المشاركة الأصلية كتبت بواسطة 3azoz
جميع الورق موجود في موقع الوزارة
تستطيعي تجميله وتعبئته من بيتكم وتجهزي كل شيء
تروحي هناك تسلمي الاوراق بس وتمشي
ومشكور يا صاحب الموضوع وماقصرت على الموضوع الرائع
وفقكم الله
الله يعطيك العافية يا عزوز على المعلومة الحلوة هادي بس ياريت كنت اعرفهامن اول كان بدل التعب دا كلو حملناها و نزلناها
وشكرا مره تانيه و هادا اقل شئ نعملو :)