عرض للطباعة
السلام عليكم
يا أخوان انا ابي اسأل متى الوزارة تعطي المبتعث الضمان المالي عشان الفيزا ؟؟
لأن تخصصي بكالوريس انجليزي وما ادري هل يعفوني عن الدورة الألزامية او لا
المهم انا عندي قبولات جاهزه للغه بس ابي اعرف متى يعطوني الضمان المالي عشان اقدم على السفارة واطلع الفيزا واسافر
هل بعد ماتطلع النتائج النهائيه في شوال يعطوني الضمان المالي ؟
وهل لو اني جاهز واعفوني من الدوره الالزاميه اقدر اسافر مباشرة بعد استخراج الفيزا ؟
شاكر لكم يا اخوان
نفس استفساري ياليت اللي عندوة خبر يقول لنا
موفق اخوي
تخصصك لغه انجليزيه ،، نعم يتم أعفائك من الدوره الإلزامية
انا اعفيت العام على المرحله الخامسه لانه تخصصي انجليزي ،،
بالنسبه للضمان المالي للسفاره ، بتكلم عن اللي اعرفه واللي صار العام انه ماكان فيه شي اسمه ضمانات ماليه للسفاره
انا طلعت فيزتي بضماني الخاص ،، لكن الوزاره ترسل اسمك بعد الملتقيات والدوره للسفاره الامريكيه في ملف فيه اسماء المبتعثين فعشان كذا مايعطونهم ضمان مالي ،، وبالمرحله الخامسه بعد السفاره الامريكيه خصصت ايام معينه لطلاب برنامج الملك عبدالله ،،
بالنسبه لانك تسافر بسرعه ممكن وممكن لا ،، يعني انا مثلا اقنعت موظفه الوزاره انه اموري خالصه وابي اطلع قبل الملتقيات واني معفيه من الدوره ،، والحمدالله طلعت بدري ،،
لكن الاصل انهم بيرفضون طلوعك قبل ملتقيات المبتعثين .. وهذا اللي يمشي غالبا ،،
فيه شي ثاني ،، اللي هو ممكن يرفضون القبول اللي جبته لانهم هم بيجيبون لك قبول مختوم من عند الوزاره ،،
برضوا انت وشطارتك باقناع الوزاره انك تطلع على قبولك اللي جبته بنفسك ،،
لكن لاتنسى تاخذ القبول اللي تجيبه لك الوزاره وتراسل المعهد او الجامعه وتطلبهم يلغونه بنفسك اذا بتطلع على قبولك الخاص ،، عشان مايصير عندك قبولين ولخبطه ،،
بالتوفيق
طيب هل الحجز بيكون عليهم او على حسابنا الخاص ؟
وهل اول شهر راح بيكون على حسابنا واذا كان على حسابنا هل فية تعويض على اللي صرفناة وشكرآ
الحجز للتذاكر طبعا اول شي على حساب الوزارة وهو آخر شي
وما ادري عن اول شهر هناك
هلا اختي
اشكرك على تجاوبك
با النسبة لضمانك الخاص هل يشترط قبول جامعة يعني لو مثلاُ حطيت مبلغ 30 ألف دولار في حسابي و30 الف دورلار في حساب زوجتي وجبت قبول معهد فقط بدون قبول جامعة يعطونا فيزة f1 ؟
وبعدين كيف طلعتي قبلهم يعني طلعلولك قبول المعهد قبل العالم ؟
با النسبة للأخت جلينار
الضمان المالي اللي على حسابك عشان تطلعين التأشيرة بس ... واذا رحتي الملحقية يعطونك الضمان المالي عشان تعطينه المعهد او الجامعه يعني ماراح تدفعين شي المسأله كلها عشان كسب الوقت واستخراج الفيزا
نعم اخوي المبلغ كافي جدا ،، ومايحتاج قبول جامعه يطلعون لك فيزا F1 على قبول معهد ،، انا وزوجي طلعنا على قبول معاهد ..اقتباس:
المشاركة الأصلية كتبت بواسطة !إبراهيم!
الوزاره ما طلعو لي قبول معهد قبل الناس ،، انا جبت قبولي اللي ابيه من زمان ومطلعه فيزتي وخالصه اموري قبل يطلع ترشيح الاسماء حق الابتعاث ،، وقلت لك قبولهم اخذته من المكتب اللي تعاملوا معه الوزاره و راسلت المعهد والجامعه وكنسلت القبول بنفسي عن طريق الايميل ،،
بالتوفيق
اذا تقصدين تذاكر الطيران لبلد الابتعاث ،، طبعا على حساب البعثه ،،اقتباس:
المشاركة الأصلية كتبت بواسطة جلينار
و اول شهر ابتعاث على حسابك (اقصد مصاريف السكن والاكل والشرب والتنقلات) اما الدراسه طبعا على حساب البعثه من اول يوم ،، بعدها يبدون يصرفون راتبك كل شهر ،،
ويتم تعويضك عن فقط عن رسوم التقديم علي الفيزا ورسوم السيفس ،، عشان كذا احتفظي بكل الاوراق وصوري الاصول مثل وصل الدفع حق سامبا للفيزا صوريه قبل تعطينه السفاره و بعد صوري نسخه من وصل تسديد السيفس ،، واذا وصلتي بلد الابتعاث تطالبين الملحقيه بالتعويض عنهم بارسالك لهذي الاوراق ..
بالتوفيق
الله يعين :)
يعطيكم العافية ماقصرتو...
اختي شرحك واحد والله يعطيك العافيه بس المشكله انهم مايقبلون القبول اللي اجيبه
عموماً الله يسهل ان شاء الله
شاكر لك اختي