هل أقدر أشتغل في قطاع خاص او حكومي قبل البعثه أو ممنوع ؟؟

السلام عليكم



بتخرج من الكلية بإذن الله الترم الجاي ( الترم الاول من السنه القادمه )
يعني يبغالي استنى تقريبا 5 شهور إلين يبدأ التقديم
ومن يوم يبدأ التقديم إلين القبول والتدقيق والسفر هاذي 4 او 5 شهور
يعني بقعد فاضي تقريبا 9 او 10 شهور !!!

هل اقدر اشتغل في هالفترة في قطاع خاص مثل بنك او شركة؟؟ او حتى قطاع حكومي ؟
طبعا هدف العمل هو لكسب الوقت والماده والخبره
يعني ناوي اقدم الاستقاله
لكن متى استقيل ؟؟ قبل التقديم على البعثه او قبل التدقيق ؟؟ او قبل السفر مباشره ؟؟
هل فيه تعهد اوقع عليه اني وقت السفر اكون مقدم استقالتي وغير مرتبط بأي جهة عمل ؟ << اتمنى توضيح هذه النقطه

شاكر لكم جدا جدا

تقدر تشتغل في قطاع خاص فقط

اما حكومي لا تستطيع لأن من ظمن الشروط ان لا يعمل في وظيفه حكوميه

دعواتك

انتا لو حصلت قطاع خاص افضل لك بكثير لانك تقدر تستقيل في الوقت اللي تبغاه .....

والله نفس الاسئلة اللي في بالي بالضبط ..

متى موعد تقديم الاستقالة هل قبل فترة التقديم او قبل السفر لدولة الابتعاث ..؟

قطاع خاص افضل لانه الحكومي ممكن تنرفض من البعثه بسببه
واكيد خليك بالوظيفه اللي بالقطاع الخاص الين يجي وقت السفر
لانه ما منها مشكله ^_*

الله عليكم والله يعطيكم العافيه
سرعه في الاستجابه ما توقعتها ابدا ما شاء الله

القطاع الخاص افضل بكثير
لكن الخوف هو انهم يدرون اذا انا موظف ويلغون البعثه !
يعني ما ادري هالشي نظاميا مسموح ؟؟ والا ما يدققون ؟؟

اقتباس:

---

واكيد خليك بالوظيفه اللي بالقطاع الخاص الين يجي وقت السفر
لانه ما منها مشكله ^_*

---

اختي SARA متأكده ؟؟
لأن في ناس خوفوني وقالولي لا تدور على وظيفه بعد التخرج وإستنى البعثه
لأنهم لو درو أنك موظف بيلغون اسمك !!
وفي ناس قالولي استقيل قبل التقديم
وناس قالولي استقيل قبل التدقيق
وناس قالولي استقيل قبل السفر عادي
وفي شخص واحد قاللي عادي لو يدرون انك موظف لكن بيخلونك توقع على تعهد انك تستقيل قبل السفر
أهم شي عندي موعد تقديم الاستقاله

عشان كذا احس اني متشتت

لا اخوي اذا انت في قطاع خاص ماعليهم منك
بس انت تاكد اكثر عن موعد الاستقاله ..

هو احسن انك تكون موظف عشان تجمع لك مبلغ قبل السفر

من جد حسب الشروط موضوع القطاع الخاص ماهو ضد الشروط ابدا ...

المشكلة لو كان القطاع حكومي ..وبالتالي حسب ما فهمت عادي العمل بالقطاع الخاص بعد التخرج وقبل موضوع التقديم ..

ولكن متى موعد تقديم الاستقالة ..قبل التقديم او قبل التدقيق او قبل السفر النهائي

ياليت واحد يجيب خبر اكيد مبنى على خبرة مش كلام بس

انا عارف ان الوقت بدري ولكن حلو الواحد يخطط من بدري ..

ومعليش يا كاتب الموضوع على الانبراش بس نفس ظروفي ونفس تساؤلاتي

سؤال وجيه

أعتقد انه لوكانت الوظيفة غير حاضعة للتأمينات الإجتماعية فلن تؤثر على البعثة !

لست متأكدة