" تم رفض طلبك " لأنك ممتاز!!
السلام عليكم جماعة الخير
القصة ومافيها ان نتايج البكالريوس طلعت اليوم وكالعادة لو مشت الأمور بنحمد الله ولو مامشت بنقول ويش هالسستم !!!
زوجتي مقدمة على بعثات البكالريوس وماجتها مسج يوم دريت الحين ان النتايج طلعت دخلت على الموقع الا اشوف ان المعدل أدنى من المطلوب,,, طيب هي جايبة 90 والمعدل الموزون 89.
أوكي !! ماقلنا شي بس فيه صاحباتها قبلوهم مع ان معدلاتهم حول 86 ومتخرجين من السنة اللي طافت وبعضهم دخل كلية او معهد او جامعة داخل المملكة !!!
انا مو معترض على اللي قبلوهم بس اعتراضي على الظلم اللي صاير,,,
اشوف في المنتدى بنات يقولون معدلاتهم 95 او 97 وووو ووو...
هل يوجد خطاء بالسستم ؟؟ ام هي مجرد قرعة (واسطة يعني) او إيش القصة ....
المهم انا الحين رايح الخبر إلى كورال وبشوف ويش القصة !!! واللي حصل - حصلت معاهم نفس القصة يقول لنا ويش سوى وشنو الإجراء اللي اتخذة ....
خلونا نتحرك بشكل سريع حتى لا بعدين يقولون قفلنا تعال السنة الجاية !!! ياحلاوة !!
والله يوفق الجميع
رد: " تم رفض طلبك " لأنك ممتاز!!
الصراحة ياخوي
انا مادري ويش صاير السنة
بس لحد الآن ما شفت وحدة من خريجات السنة هاذي انقبلت
كل اللي اعرفه انقبلوا من خريجات السنوات الماضية
مشاركة: " تم رفض طلبك " لأنك ممتاز!!
لاهي واسطة ولاهم يحزنون شكلوا انقبلوا خريجات السنيني الماضية وشكلهم اعتمدوا على السن
رد: " تم رفض طلبك " لأنك ممتاز!!
رد: " تم رفض طلبك " لأنك ممتاز!!
رحت لهم وقالوا خلاص خلها تجيب اوراقها وانشاءالله خير !!
رد: " تم رفض طلبك " لأنك ممتاز!!
الحمدلله
أنا اعرف بنات راحوا اليوم واخذوا اوراقهم بعد
الحمدلله صارت تساهيل