الأعضاء الإشتراك و التسجيل

الملتقيات
ADs

طريقة التسجيل في معهد ELS (شرح بالصور)

طريقة التسجيل في معهد ELS (شرح بالصور)


NOTICE

تنبيه: هذا الموضوع قديم. تم طرحه قبل 3389 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. المشاركة الأصلية كتبت بواسطة i-Fsc
    السَلام عليكم

    يسعد صَباحكم ومَساكم يا رب
    عساكم تكونوا بخير وصحه وعَافية ،

    سويت شرح لـ التسجيل و الحصول على قبول من معهد ELS
    طَبعاً ما ابي اكثر بالكلام ، رَاح اتكلم اخر الموضوع بكم نَقطه :

    بسم الله نَبدأ:

    أول شي ندخل موقع المعهد:
    http://www.els.edu





    في أسفل الشاشه في قائمة Help
    نختار مثل ما هو محدد How to Apply





    طبعاً في أكثر من طَريقة ، الأولى انك تبحث عن اقرب وكيل لهم
    أم الخيار الثَاني ، تحمل الابليكشن ، وترسله عن طَريق البريد السريع
    او الخيار الثَالث واللي إحنا رَاح نختار ، وهو التَقديم أون لاين





    راح ينقلك لصفحة
    https://apply.els.com/





    نختار Create Account




    وبعد ما نخلص ، رَاح ينقلك لصفحه يطلب منك كتابة Security Key:
    طَبعا هذا الشيء ، بتلاق في ايميلك انرسل بنفس اللحظه اللي كَونت فيها اكاونت
    نضيف الرقم ، ونضغط على الزر اللي بالاسفل







    رَاح تظهر لك رسالة مكتوب فيها :
    Dear mohmmed ’,

    Your account was activated successfully! You can now:
    · apply online to any ELS Language Center in the USA
    · check the status of your online application
    نضغط على Continues


    رَاح ننتقل لصفحة ، نضغط على
    New





    الحين راح يظهر عندنا الـ Application
    وهو اهم قسم ، ومتى ما كانت المعلومات دقيقه وصحيحة أمورك بسيطة:





    الحين بعد ما نضغط Save
    نروح ندفع الرسوم / عن طريق ضغط على PAY





    وراح تطلع لنا نافذة ، نضغط على زر make payment for this student





    راح تطلع لنا تفاصيل الفاتورة :




    وبعدها ننتقل لناافذه معلومات الفيزا اللي بتدفع فيها:



    يبقى كذا شيء واحد بعد الدفع ، نروح على سيميت ونضيف الاوراق (ضمان مالي + وشهادة الثانوية + وصورة جواز السفر)
    راح تيجيك رسالة برقم الارسالية لـ DHL
    القبول من 2 إلى 3 اسابيع


    وإنتهى المَوضوع تمَاماً وبكذا مَبروك عليك القبول






    طَبعاً احب اقول كَم شغله:
    طَريقة التسجيل بالمعهد بسيطة ، وتختلف من معهد لـ معهد ، وقلت ابدأها معكم بأ ELS
    المَكتب ياخذ على القبول 1000 ريال او 1500 ريال ، وانت قادر على انك تجيب القبول بنفسك !
    ما نحسد احد بس على الاقل يكون مبلغ معقول مو مبالغ فيه !!!!
    بخصوص معهد ELS لازم تدفع الفاتورة علشان تكمل كل شيء ، ما يقدروا يرسلون لك الاي توني ولا اي شي قبل ما تدفع المقدم
    في كثير ناس بتدفع بس اول شهر او شهرين ، ومسوي بالابليكشن انه بيدرس سنه ، طبعاً انت راح تضيف بس دراسة شهر علشان تيجيك الفاتورة شَهر
    واذا رحت تمدد لما يخلص الليفل

    اي مساعده او استفسار ، انا باخلدمه ، وان شا الله جالس اجهز سلسلة شروحات للجامعات كَمان بس تَحملوني شوي :$
    واللي مع كل هالشرح ما استوعب ويبي قَبول هم من عيوني


    طَبعا ليه محمد اللي هو انا مسوي هالموضوع !
    انا الصراحه اسست فكرة صَديق المبتعث ، وهو فكرة لمساعدة كل ما من يحتاج قبول ، بعيد عن المَكاتب
    وخاصة لطلاب اللي محتاجين قبولات وهم في أمريكا تلقى المكتب يستغله ويقوله عطيني 3000 الف ريَال
    3000 الف ريال ، انا اكل فيها واشحن جوالي ، وعزم اخوياني ، واروح السينما ، ومشاويري بالتكسي ، واروح السوبرماركت واجيب كل شيء بخاطري ، وبعدها اجيب قبول لغه وجامعه ولا ادفع هالمبلغ !


    دَعوه بسيطه منكم ، انه رَبي يشفيني من المَرض الخَبيث (السرطان) هذا كل ما احتاجه
    بالتوفيق للجميع وان شا الله انه شرحي كان وافي


    دمتم
    اخوي اتمنى تفيدني ب موضوعي انا قدمت على ELS من جهتين جهة مكتب وكنسلته وقدمت ن نفسي يوم قريت شرحك ودفعت لهم 285 دولار قيمت 175 حق النموذج العهد او حق فتح الطلب

    و 110 دولار حق البريد السريع
    وتاجأت انه الغاء الطلب من الموقع وراسلوني لن يقولون في طلبين لي وخليتهم يكنسلون طلب المكتب ويعتمدون طلبي

    الموضوع الحين راسلتني وحده عبر الاميل تقول اذا تبي 20-i لازم تدفع مبلغ 2760 دولار ورسلت لي نموذج
    اعبيه عبر الفزا الدفع وش تنصحني فيه

    وشكراا
    7 "
  2. السلام عليكم حابه استفسر عن معهد اللغة الي هي معهد الدون تاون او معهد الكامبس ايهم افضل كون لغتي جدا بسيط وطريق التقديم كيف
    وابي أسال كم كورس فيه وترم وطريقه الرسوم كم هل هي شهريه او كيف وهل كل ترم لاوم يندفع رسوم ؟ او يتم دفعه كامل ؟ وكم يكون شهر دراسة بالمعهد هل هو سنويه او شهري ياليت يتم الرد ضروري كم رسومهم وكم ترم فيه المعهد لان بعد مأخذ اللغة بقدم جامعة واشنطن
    7 "
10 من 10 صفحة 10 من 10 ... 5910
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.