الله يرحم والدينكم ويوفقكم يارب فهموني وش السالفه .. يا مشرفين يا اعضاء

السلام عليكم ورحمة الله وبركاته !!

يا اخوان انا بعرض لكم وش مشكلتي عشان تكونون بالصوره والله تعبت وانا ادور وابحث !!

يا اخوان انا الحين ابي اعرف حاجه في القبول والتسجيل بالجامعات الامريكيه .. الحين انا دخلت ع موقع الوزاره وكتبت تخصصي الي هو الهندسه الكيمائيه ومعي طبعا شهادة الدبلوم ..

المهم طلعت لي اسماء الجامعات الموصى بها ورحت ادخلها موقع موقع واخيرا وبعد مشوار طويل وتعب وبحثت ,, رايت ان افضلي ان اذهب احدى هذي الولايات الينوي , اوهايو , انديانا , ميزوري , نيبراسكا ..

وانا اشيك ع جامعات كل ولاية لقيت يا اخوان الجامعه تطلب اختبار الايلتس والتوفل .. الي ابي اعرفه الحين فهموني يا ناس اذا جبت قبول مشروط من احدى الجامعات هل راح ادخل ع التخصص علطول بدون اختبار الايلتس والتوفل لان عندي قبول مشروط ودارس عندهم بالمعهد ولا لا .. الله يرحم امكم فهموني كل ما ادخل جامعه يقولون اختبار الايلتس والتوفل حتى لو عندك قبول مشروط و درست بالمعهد لازم تختبر الايلتس و التوفل ..

وش السالفه يا جماعه فهموني يا اخوان ..

قبول مشروط يعني يشرطون عليك بدرجه معينة في اختبار التوفل او درجه معينة في الايلتس وتدخل الجامعة او في جامعات تقلك ادخل معهد الجامعه حقتنا وتخلص مستويات محددة وندخلك الجامعة

الله يسعد ياخوي عبدالعزيز انك رديت علي .. هذا الي بسال عنه الي هو القبول في معهد اللغه وتخلص المستويات وتدخل الجامعه بدون توفل .. كيف اعرف انا خايف يقولون لازم تختبر توفل بعد ما تخلص المعهد حتى لو معك قبول مشروط ..

هذا الي محيرني كيف اعرف ان الجامعه الي بتعطيني قبول مشروط !!!! هي تطلب توفل بعد ما تخلص المعهد ولا لا ..

لان انا ما ابي ادخل جامعه كذا .. لحد الحين ما دورت جامعه وخايف كثير .. فياليت تفيدني يا اخوي عبدالعزيز او الاعضاء .. يعني انا لحد الحين قاعد ادور جامعه ما عندي جامعه معينه .. مافيه مثلا موقع او احد يدلني ع الجامعات الي تعطي قبول مشروط بشرط تخلص المعهد تدخل بدون توفل او ايلتس ..

فيه واحد الله يجزاه خير كاتب موضوع مثبت عن الجامعات الي تعطي قبول مشروط لكن الجامعات كانت محدوده وما ذكر كثير .. خاصه في ولايات الينوي انديانا اوهايو ميزوري نيبراسكا ..
يا ليت احد يفيدنا الله يجزاكم خيرر

وعليكم السلام ورحمة الله وبركاته ..
هلا بك وأنا أختك ومرحبا ..

بخصوص الجامعات إللي تأهلك تدخلها بدون الأيلتس أو التوفل فـ هي :

Western Illinois University
University of Colorado at Denver
University of Denver
University of Utah
San Diego State University
RIDER UNIVERSITY
EASTERN WASHINGTON UNIVERSITY
California State University - LA
Kent State University
Rochester Institute of Technology

طبعا" أدخل وأنا أختك لموقع كل جامعه علشان تتأكد وإن شاء الله أكون أفدتك وأمورك تساهيل بإذن الله ..
تمنياتي لك ولي وللجميع التوفيق ..
دعواتك لي ..

الله يسعدك ويوفقك يا اختي ويحميك يااااارب ..

وربي شاكر لك كثير الله يوفقك يارب .. لكن المشكله انا دخلت ع موقع الوزاره وشفت الجامعات الموصى بها .. الجامعات الي ذكرتيها مو من ضمنها .. يعني لو اسجل في الجامعات الي تقولين ما راح انضم للبعثه ..

الله يوفقك ويسعدك لو بس تقولين لي بس شلون اعرف اذا بغيت ادخل ع موقع اي جامعه واتاكد اذا كانوا ما يطلبون توفل او ايلتس بعد ما تخلص المعهد .. لاني ادخل ع جميع امواقع الجامعه وبعدها اخربط ما القى الي ابيه

الله يوفقك يااااااارب

ما تعرف الا عن طريق مراسلة الجامعة

ربي يرضالي عليك وأنا أختك وربي يرزقك بالمثل إن شاء الله ..
تفضل هالجامعات :

California Lutheran University
Ball state University
Western Michigan University
UC San Diego (ESL)
Virginia Tech

شوفي وأنا أختك إللي عليك : أول شي تشوف هالجامعه معترف فيها أو لا ..
بعدها تشوف تخصصك موجود أو لا ..
وفي النهايه تراسل الجامعه وتستفسر عن الدراسه في الجامعه من دون الأيلتس بمجرد ماتنتهي من دراسة المعهد ..

إن شاء الله وأنا اختك ربي يكتبلك التوفيق وتحصل الجامعه ..
بالتوفيق بإذن الله ..

و ليش ما تبغا تختبر الآيلس أو التوفل .. طبيعي تتطور لغتك هناك فليش خايف تختبر ليش تخليه عائق شهالتكاسل :|

الله يعطيكم العافيه يعني ما راح اعرف الا عن طريق مراسلة الجامعه .. والله مشكله يعني لازم اقدم ع مكتب وادفع لهم الفلوس وبعدين اعرف هي ايلتس او توفل بعد المعهد .. والله مشكله !!

اخوي الوافي والله مو عائق بس نبي نضمن قبل لا اطلع