التحذير من نصاب سعودي يدعي احضار قبولات موجود في المنتدى

ياجماعه انا استغرب منكم بصراحه لما تطلبون من اشخاص .. يخلصون مراجعاتكم سواء بالتعليم العالي او التسجيل في جامعات مقابل مبالغ ماليه ...


طيب انا اشوف الحل .. اللي فباله يسجل جامعات خارج المملكه .. في شروحات طروحها الاخوان عن طريقة التسجيل والاوراق المطلوبه وكل شي من ال أ .. الى ي


وبالنسبه للموافقه عن طريق التعليم العالي .. انصحكم انكم تروحون للتعليم العالي بالرياض واموركم تخلص خلال يومين بالكثير ..


وانا اللي اكلمكم قبل سنتين لما سجلت في جامعه ونزل القبول بالموافقه .. قدمت على طلب الدراسه على حسابي الخاص .. وبصراحه طولو علي ومافي نتيجه .. لما رحت بنفسي للرياض ومعاي اوراقي كامله وصوره من قبول الجامعه .. وجلست مع الدكتور هذال العتيبي .. عسى الله يبيض وجهه ويسكنه الجنه .. شفت منه تعاون وتقدير للطلبه .. وشكيت له الحال واني محتاج الموافقه .. يومها كنا مجموعة طلبه تقريبا فوق ال ١٥ طالب وكل واحد يبي دوله معينه ... بصراحه الدكتور هذال وعدنا خير .. وفعلا ثاني يوم بالليل وصلنا ايميل على البريد تمت الموافقه


اما سالفت اني ادفع فلوس حق مشرفين ولا اعضاء بالمنتدى عشان اوراق قبول وموافقات من التعليم العالي .. اقوول خير انشاءالله .. ما انتعامل بهذي المهزله والنصب والاحتيال .. واتمنى من ادارة موقع مبتعث ملاحقة هؤلاء المحتالين ووضعهم في قائمة ال ( bannd ) ..



في الختام


احب اقول نصيحه لكم يا اخوان ويا خوات اللي يبي شي يخلص شغله بنفسه ولا يعتمد على احد وشكرا ...

طيب انت معاك احد جهز لك أوراقك والي ما معه الغالبية اول مرة يبتعثون وما يعرف اي احد من عائلته قد ابتعث كيف يصلح واللغة تحت الصفر

اعتقد انت مسوي موضوع ليش التكرار ؟!!!!

اسمح لي انت واشكالك يوم انك ماتعرف تقدم ع قبول او تسوي بنفسك بحث او تتعب شوي لجل نفسك وش جاي تبتعث وش بتسوي في المعهد او الجامعه لمن يقولو لك سو برزنتيشن .
يارجال مهايطي واشكالك ماوراها الا الخسارة والفلوس اللي بتصرفها الدوله عليك غيرك اولى عندهم اطفال اترك عنك وجلس بديرتك تعطي الناس اموالك وتالي تلعن وتسب وتدعي طيب لو خلص لك دا معاملتك عقولتك يصير عندك احسن شخص بالعالم عيب عليكم اتعبو شوي دورو بنفسكم ولاتشمل الاعضاء كلها بكلامك هناك من يساعد لوجه الله

أوردها سعدٌ وسعدٌ مشتمل ••• ما هكذا تورد يا سعدُ الإبل<<مااهكذاا تورد يا alsnono الأبل ..
أنت لو تجي توجه لي النصح بالطريقه هذه وبالاسلوب ذاا ..يمكن يحصل لي شي ..وبالاخير لايمكن اتقبل النصح منك <هذا اسلوب تجريح أسلوب قااسي يا أخي ..
ثم قال تعالى: { ولو كنت فظاً غليظ القلب لانفضوا من حولك} << قال عبد اللّه بن عمرو: إني أرى صفة رسول اللّه صلى اللّه عليه وسلم في الكتب المتقدمة (أنه ليس بفظ، ولا غليظ، ولا صخّاب في الأسواق، ولا يجزي بالسيئة السيئة، ولكن يعفو ويصفح) ولهذا قال تعالى: { فاعف عنهم واستغفر لهم وشاورهم في الأمر}.
فيااريت ننتقي المفردات ..ونتكلم بطيب خااطر ..لجل يكون للكلام وقع وتأثير <ومفعول ..بغض النظر عن وش هو الموضوع ..<بصوره عامه ..
والمعذرره

يا حبيبي ترى الموضوع سهالات انا ما ادري ليش الكل مستصعب ام التقديم على الجامعات
اذا ما تعرف ياخي فيه مليون عضو ما قصروا كاتبين طريقة التقديم من البداية للنهاية
والابلكيشن حتى ما يكلف 200 ريال بدال ال2000 اللي تعطونها للعالم وتقولون قدمولنا
بعدين ياخي اذا بتعطي احد 2000 عشان يجيبلك قبول ع الاقل رح ل مكتب وخله يجيبلك قبول دامك دافع دافع
بدت تطفشني ذا المواضيع كل يومين جاي واحد هذا حرامي وهذا زرفني ويكتب لك قصة حياته
شف هذا الموضوع عن كيفية التقديم خطوة بخطوة http://www.mbt3th.us/vb/forum14/thre...l#.VBfGNZSSyPY
والموضوع من 2010
وهذا موضوع ثاني http://www.mbt3th.us/vb/forum107/thr...l#.VBfGJZSSyPY
ب 2012
وفيه غيرهم كثييير جدا كل المطلوب منكم انكم تحركون اصابعكم شوي وبتعرفون كل شي
والمصيبة ان بعد يومين بيجي واحد يكتب موضوع سرقووني نعم هنالك حرامية في مبتعث ياللهول لا اصدق ما يحدث

لا ياتراتيل اعرف ارد وانا راد هالرد عن عمد . ليش اجيبه بسلوب خله يجي بتجريح لجل يفهمو الناس ماتعطي فلوسك اي شخص .
اللسعه للانسان تخليه مايعاود الكرة ام ان اجي اواسيه او اكتب له بفن لا ماراح ينلسع ارجو السموحه . ولكم الاعتذار

الله يشفيك 😂
.
.
.
.