فزعتكم يا شباب كيف احصل على شهادة IELTS في الرياض

السلام عليكم

شباب فيه انتداب في العمل وطالبين شهادة التوفل أو الايلتس

وصراحه في البداية كنت ابحث عن اختبارات التوفل ولكن في المنتديات حصلت ان اكثرهم يقولون ان الايلتس اسهل من التوفل

عموماً عشان ما اطول عليكم

التقديم في العمل عندنا تقريباً راح يكون بعد شهر أو شهر ونصف وبالكثير شهرين

فهل بإمكاني خلال هالفترة هذي ادخل اي معهد واقدم على اختبار الايلتس واجتاز بإذن الله

ويش تنصحوني فيه ؟

ترى مو عارف من وين أبداء ؟

يعني هل اروح اول شيء معهد اقوله احجزلي اختبار ..؟ لأني سمعت ان الاختبارات تطول حجزها ؟

وهل المعهد يعطي دورات في هالاختبارات وأي معهد افضل ؟؟

للعلم انا من سكان غرب الرياض عريجا ولبن ؟ هل موجوده فيها معاهد ممتازه لهالاختبار

نصائحكم يا اخوان

فيه معاهد تختبرك بالرياض وفيه بعدة مناطق خارج الرياض

ادخل موقعهم واحجز
http://www.ielts.org

فيما يخص دورات التدريب على الايلتس ماعندي خلفيه اذا فيه بالرياض والا لا لكن انت حاليا ماعندك وقت لان نتايج الايلتس تاخذ اسبوعين والدوره حدود الشهرين على الاقل
لكن تقدر تتابع مقاطع ومواقع تفيدك بالاختبار

افضل اول شي تحجز موعد للاختبار عشان مايسكر التسجيل .. وتقدر تاخذ دورة قصيره او تثقف نفسك بالاساسيات لو ماكان عندك وقت وتستعين ببعض الكتب الي تدربك ع الاختبار .. مع ملاحظه ان التدريب الجيد لاختبارات الايلتس او التوفل غير مقصور ع مده معينه .. لا بد من التدريب على المهارات بشكل دائم .. لكن اذا بس تبي تجتاز ومايهمك الدرجه العاليه فعليك بتثقيف نفسك بالاساسيات وتذاكر عن طريق بعض الكتب .. موفق

الله يحفظكم ماقصرتم

دخلت موقع الايتلس حصلت كله انجليزي ولا فهمت شيء

الأمر الثاني ماهي الكتب اللي تنصحوني فيها لاجتياز الاختبار

وما رأيكم في المعهد البريطاني في حي السفارات اشوفه قريب مني ولكن ما ادري هل اقدر اخذ عنده دورة مكثفة للايلتس ؟

أو تنصحوني بمعهد أخر مختص بهالاختبارات

اقتباس:

---

المشاركة الأصلية كتبت بواسطة فيصل المدينة

الله يحفظكم ماقصرتم

دخلت موقع الايتلس حصلت كله انجليزي ولا فهمت شيء

الأمر الثاني ماهي الكتب اللي تنصحوني فيها لاجتياز الاختبار

وما رأيكم في المعهد البريطاني في حي السفارات اشوفه قريب مني ولكن ما ادري هل اقدر اخذ عنده دورة مكثفة للايلتس ؟

أو تنصحوني بمعهد أخر مختص بهالاختبارات

---

[emoji15]
دخلت موقع الايلتس ومافهمت شي !!! [emoji85]
بالله اجل كيف بتعرف اسئلة الاختبار !!
حبيبي انت تحتاج معهد عادي اولا عشان تعرف الاساسيات والقواعد وتتقنهى وتحفظ مجموعه كبيره من الكلمات وتكون مبدع بالتحدث والاستماع ثم بعد كل هذا تتدرب على الايلتس

لكن تدخل الاختبار وانت ماتعرف شي بتخسر قيمة الاختبار من غير اي فايده

اهلاً ابو سلمان

والله وانا اخوك توقعت الايتلس او المعاهد كلها تعلمك الاساسيات فقط

وانت تتعلم كامل اللغة خارج السعودية

ولكن اكتشفت انك تتعلم اللغة بالكامل هنا

اجل ويش فايدة دورة في امريكا ؟؟

لاحظت ان في اختبار الايلتس لا بد تسوي محادثة ولا بد تكتب ولا بد تناقش

مشكلتي هي الوقت معي يمكن شهرين لازم اخذ الدورة لتقديمها في العمل

هل فيه معهد في الرياض خاص بهالدورة ؟ يعني يعطيك اسياسيات واختبارات لاجتيازها ؟
لأني لاحظت ان جميع المعاهد هي تدريس فقط وبعضها تأخذ ستة أشهر الى سنة إلى سنتين ؟

فيه كتب تلاقيها في مكتبه جرير جيده جدا في التأهيل والتأسيس .. بالنسبه للمعاهد خذلك دوره في معهد كويس وابدأ من الليفلات الاولى حتى تجد نفسك متمكن شوي وشوف فيديوهات شرح باليوتيوب عن الاختبار واقسامه وابدا طبق عن طريق الكتاب ( اشتغل من الان ؛

هذا موقع بيفيدك جدا بعرض نماذج للاختبار في جميع الدول Ielts-blog.com