حاط عيني على الطب البشري نوعا ما. ايش رأيكم؟ ماذا أفعل؟

السلام عليكم ورحمة الله وبركاته!
أنا طالب لساتي بثالث ثانوي، وأبغى ابتعث وبقوة؛ خاصةً أني سئمت من البيئة التعليمية هنا وحاب أدرس مع أجانب.
عموماً، أنا محتار بمستقبلي: أرامكو CPC، بعثة موهبة (لازم قبول غير مشروط)، كاوست لو انقبلت معهم، ابتعاث النخبة(ما فيه أمل، خاصة إ،هم يطلبون خطابات تزكية ومقال)، ابتعاث طب.
الحمد لله أشوف إنجليزيتي ممتازة حتى لهجتي أمريكية التوفل 104 اختبرت SAT حصلت مجموع 1350: 770 ماث و 580 إنجليزي نسبة الثانوي فوق 99 القدرات 98 التحصيلي ما بعد.
حاليًّا أكثر شيء ماخذ اهتمامي هو الطب حتى بدأت ادرس طب على أكاديمية خان واقرأ فيه ومستمتع. مشكلتي هو موضوع البعثة؛ أشوف بعثة الطب لجامعة مرموقة شوي صعبة يعني الجامعات البريطانية الكبيرة بحكم مؤهلاتي، عشان كذا أفكر بأرامكو بحكم إنهم يسهلون علي تعقيد القبول وما إلى ذلك(AP Classes, SAT Subject Tests, Essays, Letters of Recommendation) بس تخصصاتهم ما لي رغبة فيها يعني مو حاط عيني إلا على الطب البشري نوعا ما.
ايش رأيكم؟ ماذا أفعل؟ كيف مع قبول الجامعات (طب)؟ هل فيه نصايح؟ ولو حبيت اروح طب وش البعثات المتاحة(مع العلم إني ما أبغى وظيفك بعثتك بحكم الالتزام بالعقد مثل ارامكو!)؟ كيف نظام القبول من دولة إلى دولة؟
أرجوا أن تفيدوني بخبراتكم وشكراً!

فيه ابتعاث الطب اتوقع للتخصصات الطبيه من نفس الحكومه، ابتعاث النخبه ترا مو صعب بس لازم تلاقي مدرس يكتب التزكيه او التوصيه وبالتوفيق