راسلت الجامعة بنفسي ولكن ناقص official transcripts

السلام عليكم يا أخوان.


أنا راسلت جامعة Swinburne في إستراليا . وردوا علي بأن الطلب في نقص.
المطلوب هو
Certified copy of official transcripts of your Bachelor Studies

علماً بأني أرسلت لهم السجل الأكاديمي (على الإيميل يعني عملت scan وأرسلته).

السجل فيه ختم عمادة القبول والتجيل فقط.

ما أدري وش المطلوب هل السجل ناقص توثيق. ولا لو أرسل لهم السجل على البريد العادي ولا كيف؟

انا ما عندي علم بس اخوي انت ارسلهم ايميل قولهم ليش ما قبلتو ال scan و استفسر زود
و معليك راح يردون عليك و الله يوفقك

أخي الفاضل .. كل الجامعات برا في مختلف الدول تطلب سجل درجات رسمي ، بمعنى ان يكون مختوم ومحطوط بظرف مختوم من برا من جامعتك اللي تخرجت منها ومرسل لهم بشكل رسمي من المكان اللي انت درست فيه ..

ونظرا لان هذي الخدمة مش متوفرة في جامعاتنا .. لذلك يجب انك تحط شهاداتك بظرف رسمي من الجهة اللي انت متخرج منها وتخليهم يختمون عليها من برا .. عشان تبين انها من عند هالجهه وليست مزورة .. وارسلها لهم بالبريد فيدكس او DHL عشان اسرع ...

انا ذا سويت من جامعة الملك سعود ، وحطوا لي ظرف مختوم عليه شعار الجامعة وختم على تقفيلة الظرف من برا ..........

بالتوفيق

وبالتوفيق

أي حتى أنا سويت هالحركة من الجامعة وأكدولي أنها ضرورية وما يقبلون لا بالإيميل ولا كوبي بدون ختم على الظرف..

شكراً لكم يا أخوان على المساعدة.