طبق الأصل ؟!

السلام عليكم .. كيفكم ..

حبيت أسألكم عن شي ماني فاهمته وياليت الاقي عندكم الإجابه ..

السؤال :

صورة طبق الاصل من شهادة الثانويه وين الأماكن اللي تختمها غير المدرسه ؟؟ لأنه المدارس قفلت وانا ماعرفت انهم يبون طبق الاصل الا قبل كم يوم

ثاني شي :
الشهاده بعد مااترجمها في مركز ترجمه معتمد هل تحتاج ختم من مكان ثاني ولا خلاص ؟؟

ثالث شي :
وانا اشوف بالمنتدى لقيت ناس يقولون فيه اشياء تنختم من وزارة الخارجيه وش هي ؟؟


وبس ياليت تجاوبوووني
ومشكورين مقدما

لودي انا راح اقولك بخصوص ختم المكتبه هوا راح يغينك عن الختم الباقي مايحتاج من مكان ثاني


اما الشهادة مااعرف واترك اللي راح يقدر يفيدك

وبالتوفيق

بالنسبه لشهادة الثانويه تختم طبق الأصل

في إدارة التعليم الي بمنطقتك

اما بالنسبه حق الشهاده المترجمه على ماعتقد لابد من تصديقها لدى وزارة الخارجيه

تحياتي العطره

اتمنى قد افدتك

شهادة الثانوية لا تترجمها بمكتب الترجمة ..

اطلع ادارة التربية والتعليم وهم يخلصولك هيا ان شاء الله في يوم واحد او يومين بالكثير ..

خليهم يترجموها و يختمون لك عليها من عندهم .. وخلي مركز الإختبارات يختم لك صور شهادتك طبق الأصل ..

التصديق حق الترجمة يكفي تصديق المكتب معلومه مؤكده مايحتاج


ولو ماراح ترتاح الا وقت ماتصدق من الوزارة روح بس ترا المكتب يكفي ختمه بس يكون معتمد طبعا يختم على اي شي يترجمه

مايحتاج تترجم في المكتب الوزارة تترجملك بلاش وتختمه لك بعد ياراجل ! :D

واصلا انت رايح الوزارة رايح تطابق طبق الأصل ..

طيب انت في واحد من الردود كاتب انه عادي مو لازم بس اصور الشهاده واخذ معايا الاصل
وهما هناك في المركز يطابقوونها تصير ولا اطابقها في الوزاره احسن؟

المفروض إن المدرسة يوم تستلمين الشهادة هم اللي يعطونك معها صور طبق الأصل ..

ومن ناحية احسن أكيد احسن تختميها طبق الأصل من ادارة التربية والتعليم حقت البنات .. وبعد الشهادة المترجمة ..

عموما كان طالب ماجستير قالنا ان الموظف حق التدقيق صادق له على صورة الشهادة .. عاد ماني متأكد بالنسبة للثانوي ..


بالتوفيق للجميع ..

طيب اذا كانت الصورة طبق الاصل من الشهادة القديمة،، والاصل بدل فاقد .. يمشوها او لا؟

ليش تترجمون الشهادة؟

ما تحتاج ترجمة فيها انجليزي

قدمت على جامعة امريكية وقبلوها عادي

شباب وثيقتي بالعربي والانجليزي
لازم برضو اروح اترجمها من واختمها
واللله سرت معقد

المدرسة يعطونك صور وهم يختمون عليها فتصير صور طبق الأصل .

وشكرا

تـــــــــــــــــــــــــــــــــــــــحـــــــــ ـــــــــــــــــــــــــــــــــيــــــــــــــــ ــــــــــــــــاتــــــــــــــــــــــــي

ياعالم ايش اللخبطه حقتكم هاذي ؟؟؟؟؟؟؟؟؟؟ ركزوا شوي حاولوا انكم تستوعبون ؟؟؟؟؟؟؟؟؟ خذوا مني هذه المعلومة ...أكيدة ومجربة ..................

شهادة الثانوية سواء تترجمها من مكتب ترجمة يكون معتمد أو من ادارة التربية والتعليم كل واحد له أجراءته , بخصوص مكتب الترجمة بعد ماتترجمها من عندهم لازم تختمها من إدارة التربية والتعليم وفرع وزارة الخارجية . أما بخصوص الترجمة من أدارة التربية والتعليم فهي مجانية وموثوقه ولا تحتاج الى ختم وزارة الخارجية وانا الاسبوع الماضي مترجم شهادتي من عند ادارة التربية والتعليم وسألت الموظف هل يحتاج ختم وزارة الخارجية قالي بالحرف الواحد ,لا ختمنا يكفي ..........أما بخصوص الصور للشهادة فأنت عندما تعطي مدققين برنامج الابتعاث الصور هم يطابقون الصور مع الاصل اللي معاك ويختمونها انها طبق الاصل أما شهادة الثانوية الجديدة فهي لا تحتاج الى ترجمة ...........

أما بالنسبة لشهادة الدبلوم التي تحتوي على نص عربي ونص انجليزي فهي لا تحتاج الى ترجمة اكرر لا تحتاج الى ترجمة .......... بالتوفيق لكم .........