هل هذا اللي صار في الملتقى لمبتعثين المرحلة الثالثه ؟؟؟؟!

اليوم اتصل علي خويي وقالي دقيت على واحد اعرفه بالمرحلة الثالثه وخبره عن اللي صار لهم في الملتقى
وقالي ان الوزارة عطتنا القبولات النهائية من الجامعة يعني جاهز بس تروح تدرس وقلت لهم ابغى اغير المدينة والجامعة قالوا طيب جيب لنا قبول خلال 24 ساعه قالهم ما اقدر صعبه قالوا اجل يا تروح الجامعة اللي جبنا لك قبول منها او نكنسل الابتعاث


مدري هالكلام صحيح ؟؟؟
وهل الضمان المالي يعطونا اياه في الملتقى عشان نقدر نقدم عى جامعات ؟؟

الضمان المالي راح يدونا هوا في الملتقيات

يعطون نسخه من الضمان ما يعطون الاصلي

واللي اعرفه انه ينزل بحالة الطلب


قالوا طيب جيب لنا قبول خلال 24 ساعه قالهم ما اقدر صعبه قالوا اجل يا تروح الجامعة اللي جبنا لك قبول منها او نكنسل الابتعاث << وش هذا تعجيز او ايش ؟؟

على كذا محد بيقدر يجيب لنفسه قبول وبنضطر نرضى بقبول الوزاره

السلاام عليكم ورحمة الله وبركاته

الضمان المالي ممكن تعرفه عن طريق حالة الطلب لمن تدخل تشيك ينكتب تم طباعة الضمان المالي ...
اما بالنسبة للتحويل صحيح ايام الملتقى كان ضغط وماكانوا يقبلوا باي تحويل والي يبغى يكمل والي ماهوا حاب في احتياط ..طبعا تعرفوا مع الضغط هذيك الايام والموسى نفسه جا وصرح بكذا
لكن اذا كان لظرف وحالات استثنائيه ممكن ترفع خطاب في الملتقى وتتابع بعدها وتجيب القبول ويحولوك

بالتوفيق للجميع

إذا المسألة هي عن المدينة اللي بتحطك الوزارة فيها


فما هي مشكلة كبيرة



على الأقل تكون في البلد اللي أنت تبغاه



وتحول بعدها لما توصل إلى بلد الابتعاث إلى المعهد أو الجامعة اللي تبغاها

اقتباس:

---

قالوا طيب جيب لنا قبول خلال 24 ساعه قالهم ما اقدر صعبه قالوا اجل يا تروح الجامعة اللي جبنا لك قبول منها او نكنسل الابتعاث

---

ما اعتقد ان الكلام هذا صحيح
وحده من صاحباتي طلعت مع الدفعه الثالثه بريطانيا
وكانوا جايبين لها قبول جامعه في مدينه غاليه ( مايحضرني اسمها للاسف )
وقالت لهم انها هي بتجيب قبول .. قالوا لها خلاص .. معاك 3 شهور تجيبين قبول لو ماجبتي تروح عليك البعثه
وفعلا جابت بأقل من 3 شهور ومشت امورها والحين هي تدرس الله يوفقها

لكن الواحد يحط بعين الاعتبار ( مين الشخص المناسب في الوزاره اللي اسأله )

والله يوفق الجميع

انا حطوني هنا في توكيو وفي هذا المعهد وفي هذا السكن , مع انني طلبت كل شي غير كذا
والكل كذا

ومافي تغير

ولكن الشكوى على الله ,, الحمدلله جات بالصدفه حلوه^^ احسن

اقتباس:

---

المشاركة الأصلية كتبت بواسطة UNKNOWN

انا حطوني هنا في توكيو وفي هذا المعهد وفي هذا السكن , مع انني طلبت كل شي غير كذا
والكل كذا

ومافي تغير

ولكن الشكوى على الله ,, الحمدلله جات بالصدفه حلوه^^ احسن

---

الله يستر بس
الله يختار لنا الصالح اجل

بالتوفيق ان شاء الله

أما أجيب قبول خلال 24 ساعة من وين اجيبه إن شاءالله

يا ناس قصدهم خلال 24 ساعه انك تجيب القبول من الحين يعني القبول يكون معك بالملتقى

وبالتوفيق