اتصلت على الوزارة وجاوبوني على أسئلتي ..ادخل للفآئده

السلآم عليكم ورحـمه الله وبركآته ..
اتصلت قبل يومين على أدارة شؤون الابتعاث .. وسألتهـم .. هل يحتآج ترجمه لشهادتي الثنويه او لآ ..
وقلت له شهآدتي نص عربي ونص انجليزي .. قآلي خلآص مآيحتآج ترجـمه ..
وسألته .. اقـدر أغير التخصص ودولة الابتعآث..؟
قآلي .. أيه تقدر لأن كل شي يتغــير من هنآك :o
==============================
الحين ابيكم تجآوبوني بعد ما أفدتكم ..
الاورآق اللي عندي الحين
شهادة الثانويه وصوره منها ..
شهادة القدرات والتحصيلي ..
حسن سيره وسلوك ..
استمارة نموذج طلب الالتحاق بالجامعة الأجنبية
واستمارة طلب الابتعاث ..

الحيـن . هل أورآقي كآمله ؟؟
وهل فيها ورقه تحتاج ترجمـه ؟؟
وشهآدة الثآنوي مخــتمه من الثانويه اللي تخرجت منهآ .. هل تحتآج أني أختمها من الوزآرة أذآ رحت الرياض للتدقيق .؟؟

في أمآن الله .

باقيلك صورة الهويه
وجواز السفر

مموفق

كويس كدا ....
باقي لك صوره من الجواز ساري المفعول
وصوره من بطاقة الاحوال
واذا فيه شي ناقص هذا رابط موقع الوزراه للأطلاع على الوثائق المطلوبه
وزارة التعليم العالي - تدقيق الوثائق في المرحلة السابعة


بالتوفيق

يعني مآيحتآج أختم شهادة الثآنويه ؟؟

110 مشاهدات .. و2 ردود ؟؟
يعني تخشون وتستفيدون ولآ تبون تفيدون !!
دنيآ والله ..#

ربي يوفقك يا خوي

يب باقي لك الجواز والهويه الوطنيه

مشكووورين أخوآني اللي رديتوا والله يوفقكم ..
بس السؤال المهم مآحد جآوب عليه ..
شهآدة الثآنويه .. تحتآج أختمها ولآ يكفي ختم المدرسه اللي تخرجت منهآ ؟؟

من خلال قرائتي لمواضيع متعدده لم يذكر ان شهادة الثانوية تحتاج لختم وزارة
وليس موجود من ضمن الشروط المطلوبة

توكل على الله

اقتباس:

---

المشاركة الأصلية كتبت بواسطة عيالي جنتي

من خلال قرائتي لمواضيع متعدده لم يذكر ان شهادة الثانوية تحتاج لختم وزارة
وليس موجود من ضمن الشروط المطلوبة

توكل على الله

---

مشكوووره اختي على الإفآده ..
بس انا أقرأ في المواضيع .. يقولون تختم من التجاريه .. ومن الدآخليه ومدري وش !

شهادتك الثانويه مو مختومه من الوزآره؟
أعتقد الأفضل تختمها من الوزآره للإحتياط
وحتى لو كان مو مطلوب تكون إنت مستعد ووضعك بالسليم
والله يوفقك

اقتباس:

---

المشاركة الأصلية كتبت بواسطة الأمـــل

شهادتك الثانويه مو مختومه من الوزآره؟
أعتقد الأفضل تختمها من الوزآره للإحتياط
وحتى لو كان مو مطلوب تكون إنت مستعد ووضعك بالسليم
والله يوفقك

---

عليها ختم الثانويه اللي متخرج منهآ ..
والختم مكتوب فيه " المملكه العربيه السعوديه .. وزارة التربيه والتعليم .. ثانويه الامام الذهبي "

اقتباس:

---

الاورآق اللي عندي الحين
شهادة الثانويه وصوره منها ..
شهادة القدرات والتحصيلي ..
حسن سيره وسلوك ..
استمارة نموذج طلب الالتحاق بالجامعة الأجنبية
واستمارة طلب الابتعاث ..

---

صوره من شهادة القدرات والتحصيلي
صوره من الجواز وصوره من الهويه واضحه

وعشان تتأكد ادخل هنا وركز مره أنا من كثر ما اطالع وسوست
وزارة التعليم العالي - تدقيق الوثائق في المرحلة السابعة

وبالنسبه لختم الشهاده
أنا أنصحك إرجع واتصل عليهم وتأكد هل تحتاج لختم او لا
وتأكد اذا مختومه من الوزاره ؟
انا ماعندي فكره لاني مقدمه ماستر

الله يسهل امرك وجميع المبتعثين والمبتعثات

اخوي انت معقد الامور .. شهادة الثانويه ما تسوي فيها شي لانها مختمه ومترجمه .. نفس ما عطوك اياها المدرسه

لآهنتوآ جميعآ أخوآني ... والله يوفقنآ ويإآكم جميعآ ..

أنا أهم شي عندي .. إني أقدر أقلب التخصص .. لأني قدمت على علوم طبية وناوي أقلب تخصصي إلى طب أسنان بعد ما أعدي الآيلتز ..

ومشكور عزيزي على المعلومااات المفيدة ^_^

اقتباس:

---

المشاركة الأصلية كتبت بواسطة The Beginning

أنا أهم شي عندي .. إني أقدر أقلب التخصص .. لأني قدمت على علوم طبية وناوي أقلب تخصصي إلى طب أسنان بعد ما أعدي الآيلتز ..

ومشكور عزيزي على المعلومااات المفيدة ^_^

---

العفووو اخوي ..