موعدي للتدقيق الثلاثاء وكتبت معدل أعلى من معدلي. يقبلوني أو لا؟ لاهنتو ردو

يا احبابي انا قدمت وقبلت مبدئياً لأني كتبت معدلي 3.75 والصحيح معدلي 3.50

هل اروح للتدقيق مع العلم اني بعيد حيث اني معلم متعاقد بصبيا ومركز التدقيق بالرياض ؟

أخاف أروح ويرفضون طلبي ومديري أصلا شديد وأخاف ما أروح وتروح علي فرصة الابتعاث

طيب هل ممكن اروح مركز تدقيق جده او إذا فيه بجيزان ؟؟

أنا تخصصي تربية خاصه تنصحوني اترك التدريس واروح بعثه ؟؟

أرجوكم موعدي الثلاثاء ردوا علي بسرعه

توكل على الله وروح

اهم شي تكون منطبقه علىك الشروط

والله يالغالي انا كمان نفس حالتك ومحتار اروح ولا لا
ليت احد من الاخوان يفيدنا

روح ماأنت خسران شي حاول معهم ان شاء الله يقبلونك

سؤال ليش غيرتوا بالمعدل عشان يقبلونكم ولا سقط سهوا ؟؟؟؟
اذا كان المعدل ضمن المعدلات المشمولة في الشروط فاكيد يقبلونكم لانة من تنطبق علية الشروط يبتعث على حسب علمي
بس اللى ماعرفتة انة المقبولين مبدئيااكثر من عشرين الف والقبول النهائي راح يكون بحدود العشر الآف ؟؟؟
صحيح هالسولافة ولا كزب ؟؟

أخواني أخواتي .. الموضوع أنو معدلي الصحيح 3.50 وكتبت 3.75 متعمد لأن الشباب قالوا أكتب وإذا رحت يمشونك وبصراحه أخشى من ردة فعلهم يمكن يمنعوني من الابتعاث مستقبلاً أو يعدون فعلي تزوير
والمشكله الثانية مديري شديد وأخاف أغيب وأروح على شي مو مضمون وأخسر مديري والابتعاث

فالمطلوب النصيحه واللي جرب ينفعنا .. متشكرين يارجاله

أنا ماجربت لكن أعتقد التدقيق ببساطه ماوضع الا لمثل هالحالات
بيتأكدون إذا صح بيقولون حياك الله ،، موب صح بيرفضونك بكل بساطه = )

يعني لاتتأمل كثير ،، وان شاءالله إنهآا خيره لك ~
لكن اذا بتروح عشان ماتبقى في نفسك وتتندم إنك ماحاولت روح
والله يكتب لك الي فيه الخير ..!

اللي كتبو معدلاتهم الصحيحه واللي اقل من المطلوبه رفضوهم وانت معدلك اقل من المطلوب,ايش تتوقع؟؟
في ناس معدلاتهم اعلى منك بكثييير بس اقل من المطلوبه ووقت التدقيق رفضوهم

السلام عليكم و رحمة الله و بركاته
أولا أبارك لك يا أخي و أبارك لكل الأخوان و الأخوات المرشحين بقبولهم مبدئيا و أسأل الله العلي القدير دوام التوفيق لنا جميعا
أنا أنصحك يا أخي قبل أن تستغرق بالتفكير بالذهاب للتدقيق أو لا أن تراجع مبنى وكالة الوزارة لشؤؤن البعثات بالرياض و تعرض عليهم حالتك و بإذن الله سوف يتفهمون و يساعدونك بمعونة الله أما ذهابك لمركز التدقيق فلا أنصحك بذلك, أنا ليس لدي تجربة سابقة مثل حالتك لكن من الصحف المحلية و كل وسائل الإعلام قد نبه وكيل الوزراة الدكتور عبدالله الموسى على ضرورة دقة البيانات و أن تتطابق وثائق المتقدمين مع بياناتهم في التقديم و يبدو أنك قد غيرت من معدلك و سوف يعتبرونه تزوير و سيلغى ترشيحك إذا ثبت ذلك فأنصحك بعرض حالتك على الوزارة إذا كنت راغبا بالبعثة أما بالنسبة لمركز التدقيق فالمركز الذي يجب أن تذهب إليه هو المركز الذي اخترته في مرحلة التقديم الإلكتروني و الله أعلم و أسأل الله التوفيق للجميع