تعألوأأ هنأ نجمع معأريضنأ ونطير للملك عبدالله ..!!
السلام عليكم ورحمة الله
صباااحكم خير .. صباحكم تفاؤل
شبااب بنات
انا ودي نتكاتف ونتعاون ونوصل صوتنا لللملك عبدالله
نبغى كل واحد فينا يكتب معروضه ويتكفل واحد من الشباب يوديها للملك عبدالله
انا مدري الملك فين موجود وكيف نقدر نوصله
وياليت اللي يعرف يقولنا
والله تعبنا من التحطيم وتكسير المجاديف والله صار قلبي يدق يدق كل ماشفت بشاره للي مو مستوفين الشروط
وربي بتجيني حاله نفسيه من ذا الوضع
عشان كذا لا زم نحاول ونحاول الين نوصل هدفنا
لازم نجري ونحارب عشان حلمنا
ترى اغلبنا ناقصو شرط واحد بس لو توفر فيه يقدر يروح البعثه
حرام ننحرم عشان شرط واحد والله شي يقهررر ..!!
لازمم نتوحد ونسوي معاريضنا ونوصلها للملك عبدالله بنفسنا
صدقوني لو شافنا طمووحين ومصرين على البعثه حيضمنا على طوول عليها باذن الله
بس خلونا نتكاتف ونصر على حقوقنا
سووري ادري كثرتها عليكم بس ماتتصوروا قد ايش كل مره استخير على البعثه يزيد تعلقي فيها مع انه معدلي اقل من المعدل المطلوووب :(
انتظر ردودكمم
رد: تعألوأأ هنأ نجمع معأريضنأ ونطير للملك عبدالله ..!!
وعليك السلام والرحمه
صباحــك رضــا من الله و طاعـــه :)
حبيبتي انتي والله كلنا نفس الحاله لكن الشكوى لله ،،
انا نفس مشكلتك شرط المعدل فقط ماني مستوفيته و الفارق جداً بسيط اجزاء من العشره :(
و فعلاً انا طموحــه اعلى شي تتصورينه ، و بإذن الله تضبط فكرتك
خصوصاً انو احنا حابين نكمل ماستـــر و اعتقد لو عرفوا هذا الشي ممكن يتحمسوا عشاننا ..
معاريضي جاهزه ترى > XD
و ياليت اللي يقدر يوصل المعاريض و بكل امانه يقولنا
و تراها في الذمه يعني :/
و اللي حاب يكتب معروضه > الا اتمنى من الكل يكتب معروضه يعني لا تكون وحده والا ثنتين ، اتمنى تكون مجموعه كبيره .
و نرسلها عليكِ ي بنوته > اذا ما عندك مانع طبعاً :)
اتمنى يجي اللي ح يساعدنا بتوصيلها
و شكراً مررررا لك بنوته
الله يعطيك العافيه
حسبنا الله سيؤتينا الله من فضله انا الى الله راغبون :)
رد: تعألوأأ هنأ نجمع معأريضنأ ونطير للملك عبدالله ..!!
أولاً صباحكم خير
والله يا اختي ما ودي احطمك
وكل واحد لازم يسوي اللي عليه
المشكله يا اختي اللي بيوصل مثلا للملك
هل بيخلونه يدخل عشان هالطلب !
يمكن الحرس او اللي يكون
يشوف طلبك ويقول خلاص بنسلمها للملك
وتنتهي السالفه عند هالشخص
انا قبل أكمل البكالوريوس
خلصت الدبلوم قبل 3 سنوات بمعدل ممتاز مع مرتبة الشرف الأولى
ولما جاء التقديم على البعثات حطوا دول تفشل للدبلوم ( كوريا - الصين - اليابان )
قلت مالي إلا أوصل صوتي
وفكرت وقلت ابراسلهم عن طريق البرقيات
حتى للحين رابط شرح ارسال البرقيات في توقيعي من هذاك الوقت
المهم اني خسرت حوالي الـ 400 ريال في البرقيه اللي ارسلتها للملك
لأني اخترت مستعجله وهامه وكل شي حطيته
الكلمة الواحدة اتوقع انها بريال أو بريال ونص
بس قلت كل شئ قدام مستقبلي يهون
والله إلى ألحين ما ادري وش صار على البرقيه
كنت ادخل من الموقع اشوف وفتره ما لقيت لا برقيه ولا اي شئ
لكن انا اقول حاولوا
وبإذن الله يصل صوتكم لخادم الحرمين الشريفين
والله يقويكم ويوفقكم
رد: تعألوأأ هنأ نجمع معأريضنأ ونطير للملك عبدالله ..!!
وانا كمان نفس شي لكن مين اتوصل ملك او امارة
الله يوفقك يارب
رد: تعألوأأ هنأ نجمع معأريضنأ ونطير للملك عبدالله ..!!
حبايبي المعروض لازم يسلمه صاحبه وباثبات هويته مايصير واحد يرسله قولوا نتجمع وكل واحد بمعروضه ممكن يوصلون مع اصرارنا
رد: تعألوأأ هنأ نجمع معأريضنأ ونطير للملك عبدالله ..!!
طيب والحل ما تعرفون احد يوصل صوتنا للدكتور ماجد الحربي لانه شرط واحد ممكن يتم التجاوز عنه
رد: تعألوأأ هنأ نجمع معأريضنأ ونطير للملك عبدالله ..!!
بلاهي ماجد الحربي لاتذكروه اكررررررررررررررهه وماعنده قلب والله مايساعد احد اما الملك اهو بيساعدنا ونا ارسلت برقيتي لكن لاحياه لمن تنادي متاكده انها ما وصلته عشان كذا اذا فيه احد واسطته قويه يدخل معروضنا للملك انا عني معروضي جاهز انتو بس تواصلو معنا لاتقطعون والله صرت كارهه هالبعثه من كثر ماهي شاغلتني بحياتي
الله الموفق
رد: تعألوأأ هنأ نجمع معأريضنأ ونطير للملك عبدالله ..!!
ماظني شي ينفع
حتى انا تعبت
وتعبت نفسيا
ومالك الا انك ترفع راسك انت سعودي
واقعد مكانك ودور لك شغل ابو 2000 او 2500
رد: تعألوأأ هنأ نجمع معأريضنأ ونطير للملك عبدالله ..!!
اه يابنات توني جيت من الجامعه رحت مع اختي تغير التخصص ودخلت قسم التوصيات اطالع في البنات طايرات من الفرحه ياخذون نماذجهم ويتكلمون عن البعثه وانا اطالعهم ياربي مو حاسدتهم بس ودي احس بشعورهم وبشعور الفرحه
عاد تصدقون عشان ارضي نفسي قلت ابي توصيات بالانجلش
قالت بعثه؟؟ قلت ايه
عشت الدور لحظات
عطتني الاوراق فاضيه وهي تضحك تقول عبيها من دكتورتك ومبروك ياقمر
قلت بنفسي وش تباركين عليه ياحظي :(
ادري تكلمت واجد بس وربي طلعت وانا خاطري ابكي وجيت هنا افضفض
اللهم لاتعلق قلبي بما ليس لي
الله يوفقنا
رد: تعألوأأ هنأ نجمع معأريضنأ ونطير للملك عبدالله ..!!
والله تحطيم
كنت متأمله كثير ..
بس شو الحل .. لما جاتني رسالة الرفض خلاص احس الدنيا كلها تسكرت بوجهي ..
...
بس مابيأس .. انا معكم ان شاء الله بس انا ماقدر اروح الرياض اذا احد يقدر يوصل معروضي .. ؟