ماهي الجهات الحكومية التي ستقبلني بعد ان اعود وقد وصل عمري وقتها منتصف ال29 ؟؟؟

ماهي الجهات الحكومية التي ستقبلني بعد ان اعود وقد وصل عمري وقتها منتصف ال29 ؟؟؟

بصراحه انا خايف جدا وافكر اني اتوضف عسكري او اقدم كمعلم اضمن لي . وش رايكم

لا تفكرك تفكير الجاهلية الله اللي خلق والله اللي بيرزقك .. وبعدين ليه تدور على وظيفه ليه انت ما تسوي لك مشرووع خاص صدقني راح تنجح :) شد حيلك وكلها على ربك اللي ما تنام عينه :)

حبيبي مافي شي مضمون بعدين الدوله ماابتعثت الا في تخصص محتاج البلد فيه كوادر يعني لاتشيل هم و رزقك ماراح احد يأخذه شد حيلك و جيب شهاده و بعدين بيسرها الله

ليش انت رايح تدرس ايش ؟؟

بعض الوظائف الاكاديميه في الجامعات ينفع تقدم لها

والله اشوف الاغلب جاه احباط ولسه ماطلعت النتائج

ماله دخل العمر هذول الوزراء والمستشارين اعمارهم فوق 70 وسن التقاعد 60
اهم شي تجيب الشهادة وتثبت كفائتك واذا كانت ماستر مناسب جدا عمر 29
حاول تدرس تخصص جديد ومرغوب في السعودية
وانا اشوف كثير تخصص انجليزي يدرس تطبيقات ولكن انتبه لانه التخصص يعتمد على الحاجة لك واحتمال بعد كم سنة يقل الطلب عليه
وانت حدد واختار واذا شفت انه الطلب عليه عالي ومحاتجين لتخصصك مستقبلا اختارها وبدون اي تفكير
والله يوفقك

حبيبي الرزق من عند الله مو من عند الحكومه

انا عمري الان 30 وراح اكمل بكالريوس يعني بالقليل 4 سنوات وراح ارجع عمري على 35 وعادي جدا ماني شايل هم

ياخي قوي ايمانك بالله هذا قبل كل شئ

ثاني شئ انت راح يكون معاك شهاده من الخارج + لغه ممتازه وهالشئ راح يجذب لك انتباه الشركات الكويسه والقطاع الحكومي ايضا

ولا تخلي عائق يوقف بوجهك ولا تقارن الشهادات بالعمر ولو اتيحت لك فرصه اكمال الماجستير لا توفرها ... خلك ايجابي الدنيا تصير معاك ايجابيه:)

بتتشائم ..... راح تسود الدنيا بوجهك :rifle:

نام وخليها على الي عيونه ماتنام

وبالتوفيق

ماهي الجهات الحكومية التي ستقبلني بعد ان اعود وقد وصل عمري وقتها منتصف ال29 ( وانت لا تحمل مؤهل جامعي تضمن مستقبلك ما بعد الـ 29 )

اشكركم على التفاعل . ياليت نتناقش بالمشكلة هاذي بصراحه كلامكم جميل بس نفسي اسمع قصص وافقعيه والي عنده اضافه لايبخل علينا وشكرا

اذا تخصصك تسويق رح تكون الوظايف المناسبة لك قطاع خاص اما اذا كان بتخصصك الانقلش اتوقع الوظائف التعليمية تناسبك والعمر مو مشكلة

اذا كنت خايف فأنصحك ضع لك جدول وضع هدفك وعمرك 29

يعني هدفك ايش مثلا يكون معاك الماستر والدكتوراه ((هدفك ))

او يكون هدفك ((راتب فوق 15 الف ))

او عدة اهداف ^_^

ضع اهدافك الزمنية

وشوف البعثة حتجيب لك هدفك ولا وظيفة العسكرية او التدريس حتكون لك معينا لهدفك

بدون هدف حتضيع

وحط جدول ايجابيات وسلبيات البعثة

مثال ايجابيات

انك تستنير بالعلم وتجي وشهادتك قوية ولغتك بيرفكت وترفع راس ابوك وامك بكلمة ابو الدكتور فلان ^_^ بالله مو حلوة ؟؟

والسلبيات

الاشتياق للوطن والاهل لفترة معينة وفي اجازات ارجع لهم واجلس معاهم ^_*


والخانة الثانية من الجدول العسكرية او التدريس

الايجابيات

ان تاخد راتب من دحين وما تتعب نفسك بدراسة ولا سفر


السلبيات


ان مكاااانك حتفضل لمدة 10 سنوات بدووون اي زيادات تذكر يعني زيادة الف بالسنة :(



اسفة لو طولت بكلامي لكن لااازم تقتنع قبل البعثة :) لانو فيها مشقة لكن بعد المشقة والتعب

تكون في نتايج مرضية ^_^ وبترفع راس والدينك لمن ينادوك دكتور ^___^ بالتوفيق واسفة على الاطالة

اخوي 29 ماستر عمر مناسب وطبيعي
يعني كل اللي تشوفهم ماخذين دكتوراه وماستر

تتوقع اعمارهم 20 مثلا ؟؟

كلهم اعمارهم مقاربه لهالعمر

يعني خلنا نقول يتخرج الطالب من هنا بكالرويوس وعمره مابين الـ 22 والـ 24
فرضاً يعني

راح يطلع للماستر مابين 3 إلى 4 سنوات
يصير عمره مابين 26 - 28

يعني العمر ماهو عذر ابد
اذا انك تبي تعيش على راتب 8000 و 7000 او حتى 10000
وتقدر تعيش في ظل الظروف المعيشية الصعبه
فهذا اختيارك انت

وتذكر ان الحياه كل سنه تصعب اكثر واكثر

القرار بيدك
لكن تذكر انك بعد كم سنه راح تواجه صعوبات في الحياه خاصة بعد الزواج
مو مثل وانت عزوبي ما عندك الا اجار شقه مثلا اذا انك ساكن بعيد عن اهلك او ما تملك بيت

انا عمري الآن 25
ومصر بإذن الله على مواصلة الدراسة والماستر والدكتوراه بإذن الله
لو فرضا اعطيت نفسي أقصى مدة يتخيلها الواحد هههههه
10 سنوات للماستر والدكتوراه
يصير عمري 35 وانا معاي دكتوراه

طبعا الأعمار بيد الله

يعني على سن التقاعد الـ 60
اعيش اكثر من 25 سنه دكتور !!
والا تعيش 35 بكالوريوس ؟

فرق كبير
في كل شي
من الناحية المادية
من تفكيرك يتغير بشكل كبير
اهلك جماعتك اصدقائك
حتى مكانتك الإجتماعية تتغير كثير عن السابق

الإنسان الطموح لابد يعيش حتى يحقق طموحه ولا يفكر في السنه او السنتين القادمة
او حتى العشر سنوات
لازم يفكر كيف يعيش ويعيش اهله واولاده في راحه ومبسوطين

ما ودي أكثر كلام
لكن مواصلة الدراسه تحتاج تفكير وعزم واصرار
واسأل الله لك التوفيق سواء واصلت دراستك أو توظفت
وبإذن الله تلاقي الوظيفه اللي تريحك وتكون مرتاح فيها اهم شئ

نعم حط اهدافك كما تفضلت الاخت ولا تضع العمر مقياس للوظيفة بل ضع الشهادة هي مقياسك التي مستحيل ان تتحقق دون اصرارك على تحقيق هدفك فأنت ترغب بالمؤهل لتحصل على الوظيفة وغيرك لايرضية المؤهل فهو بسلسلة مترابطة لا تنفك حيث يطلب المزيد والمزيد من العلم (اطلب العلم من المهد للحد ) فا توكل على الله وقوي عزيمتك وارسم خططك وطبقها على الواقع ولا تلتفت لعمرك ابدا ما دام انك تنفقة بطلب العلم ولقد عرفت ناس 35 ترك وظيفتة وترك اولادة وهو ليس عني المال وصرف مستحقاته الوظيفية وذهب ليدرس البكالريوس ولم يندم ابدا على هذي الخطوة وبالمقابل اناس كثيرون ندمو انهم لم يكملو الدراسة وعند سوالك لهم يقولون لم تكن فكرة الدراسة موجودة وانت لديك الفكرة ناقص التطبببيق وبالتوفيق

اشكركم على الكلام الجميل والمنطقي . لله يسهلها على الجميع . تحياتي لكم ولله يطول اعمارنا على طاعته

يمديك على الوظايف يبقى من عمرك سنه لان الحد العمر الاعلى للوظايف العسكرية والابتعاث بالنسبة للماستر 30 سنه

بالتوفيق