تكفون الفزعة 6 ساعات الف في ابها!!!

سلام

من الاخر وربي متوهقه وبالحيل ضايقه فيني ومرهقه لأبعد حد

سافرت الساعه 2 الفجر ووصلت ابها وخلصت الجوازات وطبعت الاوراق المطلوبه وصورتها وخلصت 10 حلو للحين

جيت عند طباعه طلب الابتعاث اللي نشف ريقي حافظته في المفضلة بالابتوب قالوا ماعندنا سي دي تعريف

أعطيتهم الايباد قالوا مانعرف له حاولوا يدخلون من أجهزتهم الموقع ويطبعونها سبحان الله ما فتح معهم يقول خطا

ادخل أنا من جهازي يدخل عادي!!!! أمانه مو قليله لو انجلطت والوالد مره تعب خط وسفر وتعبنا نلف في ابها

حاليا في فندق تكفون قولوا وش الحل تدقيقي 4 العصر عادي أوريها الطلب بالأيباد وش السواه الحين تعببببببببببببت

وعليكم السلام
اختي روحي لمكاتب وخلهم يطبعونه لك
موفقه يارب

وينها مكاتب ايش رحت لهم وقالوا الكلام اللي فوق

الفندق مافي كوفي شوب سئلي حقين الاستقبال يمكن يعرفون مكتبه اذا مافي كوفي شوب لو حاطه الطلب بفلاش اريح لك الله يسهل امووورك ويفتحها ويفرجها عليييك يااارب

ارسليها بلوتوث لاي جهاز عندهم

أرسليها بالأيميل لأحد العاملين بالفندق و يطبعها من عنده

يسعدكممممممم ربي جميعا وربي كنت شويات وأبكي

اتصلت على الرسبشن وقالي عندي طابعه ومعاه خطوه خطوه لحد دخل على طباعه الطلب وانا وربي امليه بيأس يعني المكتبات

وخدمات الطالب ما قدروا يطبعونه بيطبعه لي واحد على الرسبشن يالله يفهم كلامي الحمد لك ي رب الحين ريست لحد وقت التدقيق

الله يوفقكم ويفتح لكم ابواب رزقه

إذا كان هناك فاكس بالفندق فيمكنني مساعدتك
أكتبي رقم جوال الوالد و سأتصل به لمساعدتك
سأطلب منه إرسال طلب الإبتعاث ومن ثم أطبعه و أرسله لكم بالفاكس

و أتوقع أنك تستطيعين طباعته في الفندق الذي سيتم التدقيق فيه

الله يسهل امورك
بشرينا لاخلصتي
ولاتخافين الامور سهالات
اهم شي الشهاده والعمر

يااااااااارب مستحيل وربي ي عالم وش هالحظ اليوم دخل على الصفحه تبع الطلب وراح بطباعه الطلب يقول ما يفتح بعدها شئ

شيكت أنا بجهازي فتحت معي وجالسه أتفرج فيها مغبونه حدي ليه م تفتح معهم ؟؟؟؟؟؟؟؟؟؟؟؟

صلي على محمد وذكري ربك وياارب تتيسر امورك ياااارب طمنينا لخلصتي في حفظ الي عينه ماتنام ربي يحفظك ويسهل امورك ياارب مووفقه خيتو

اقتباس:

---

المشاركة الأصلية كتبت بواسطة Dodi89

يااااااااارب مستحيل وربي ي عالم وش هالحظ اليوم دخل على الصفحه تبع الطلب وراح بطباعه الطلب يقول ما يفتح بعدها شئ

شيكت أنا بجهازي فتحت معي وجالسه أتفرج فيها مغبونه حدي ليه م تفتح معهم ؟؟؟؟؟؟؟؟؟؟؟؟

---

نزل الصفحة على شكل ملف pdf عشان تفتح عنده

تتيسر ان شاء الله يا اختي

اول مواعيد التدقيق من الساعه 4 ونص إلى الساعه 9 مساءا
يعني عندك الوقت الكافي تسوين اللي تبينه
فلا تستعجلين ولا تقلقين

صدقيني امرها سهل
وباقي عندك اليوم وبكره التدقيق في أبها
ومره متساهلين ، انا كان موعدي الاربعاء الماضي وكان عندي نقص في الاوراق
وقالي تعال سلمها يوم الاحد ، ورحت له يوم الاحد والوضع طبيعي

لا ترتبكين ولا تستعجلين
خذي الأمر بهدوء عشان تعرفين تتصرفين
بعد العصر كل المحلات مفتوحه ، انتي رحتي الصباح والظهر اغلبهم مقفلين
بعد العصر تلاقين المكتبات مفتوحه وكل اللي تبينه ان شاء الله

توكلي على الله وهدي نفسك
والله يوفقك

الله يسهلك ياااارب ويووفقك

اقتباس:

---

المشاركة الأصلية كتبت بواسطة Dodi89

سلام

من الاخر وربي متوهقه وبالحيل ضايقه فيني ومرهقه لأبعد حد

سافرت الساعه 2 الفجر ووصلت ابها وخلصت الجوازات وطبعت الاوراق المطلوبه وصورتها وخلصت 10 حلو للحين

جيت عند طباعه طلب الابتعاث اللي نشف ريقي حافظته في المفضلة بالابتوب قالوا ماعندنا سي دي تعريف

أعطيتهم الايباد قالوا مانعرف له حاولوا يدخلون من أجهزتهم الموقع ويطبعونها سبحان الله ما فتح معهم يقول خطا

ادخل أنا من جهازي يدخل عادي!!!! أمانه مو قليله لو انجلطت والوالد مره تعب خط وسفر وتعبنا نلف في ابها

حاليا في فندق تكفون قولوا وش الحل تدقيقي 4 العصر عادي أوريها الطلب بالأيباد وش السواه الحين تعببببببببببببت

---

اسمعي حبيبيتي ..
اذا قصدك طلب الابتعاث اللي على موقع برنامج خادم الحرمين الشريفين للمرحلة السابعه انا اقولك ..

مثل ماقلتي يقولون ان فيه طابعه بالفندق انزلي الحين معا ابوك "
وادخلي من الجهاز عنده على موقع البرنامج ..
وهذا هو الرابط

برنامج خادم الحرمين الشريفين للإبتعاث الخارجي - المرحلة السابعة 1432هـ / 2011م

ودخلي رقم الطلب والرقم السري ..
راح يجيلك طباعه طلب تقريبا في اخر خيار على اليمين اكتبي طباعه طلب
من عنده
واطبعيه "

لا تعقدين نفسك وخذي امورك بالهداوه
وربي بوفقك وييسر امورك "
ويشرح صدرك "

اتمنى اكون افدتك واذا ماتقصدين طلب الابتعاث "
فهميني يمكن اقدر اساعدك ياعسل "

طمنينا ايش سار معاكي ان شاء الله اتيسرت ؟؟

اذا لساعك نفس المشكلة افتحي الطلب من اللابتوب واحفظيه ملف PDF
وارسليه على ايميلك

وافتحي ايميلك من اي مكان واطبعيه


ربنا ييسرلك ان شاء الله

مرحباً ----->توها تصحصح :)

تدخلت الوالده في الوقت الضايع وطبعوها وأرسلوها لي فاكس على الفندق تبع التدقيق واخذت لي محاضره معتبره

عن تجهيز الاوراق من بدري وتأخرت ربع ساعه


لكن الغريب انو مافيه بالقاعه المخصصة للتدقيق الا أنا ووحده كانت تعبي بياناتها بس؟!

عموما مر التدقيق بسلام والحمد لله

مليون الف شكر لكل اللي تفاعلوا معاي وحاولوا ألمساعده الله يجزاكم كل خير