نــقــــاط هامة جدا بخصوص القبولات والمرافق

السلام عليكم جميعا حبايبي فيه نقااط هاااامة لازم كلنا ينتبهلها وهي كالتالي:

- بخصوص القبولات مثل ماذكرنا في موضوعنا السابق انه تقدري تجيب قبول مبدئي لك من المعاهد بامريكا لو حبيت حاليا مجرد يتم دفع رسوم التسجيل وغالبا تكون تقريبا من 70دولار الى ميه دولار(طبعا اتكلم عن القبول المبدئي للمعهد واللي راح يجيك بدون I -20) وبعدها ايام الملتقى او بعده رح يتم تصديق القبول من الوزارة عشان تكمل اجراءاتك وتاخذ القبول النهائي لكن اللي مومستعجل عاادي يريح باله وينتظر لحد مايجيه القبول من الوزارة لكن قبول الوزارة ماراح يكون على كيفك بالمنطقة والمدينة اللي تبغاها.

- ال I-20 للي مايعرفها هيا استمارة يرسلوها المعهد واللي عن طريقها تقدم عالفيزا وتمشي امورك( طبعا المعهد او الجامعه ماراح يرسلولك ال I-20 الا وقت ماترسل لهم الضمان المالي اما يكون خاص او حق الوزارة واللي ممكن تطلبه لاحقا لو جبت لهم االقبول المبدئي راح يصدقوه لك ويعطوك عليه ضمان مالي على انه الوزارة تتكفل في الشخص الفلاني من والى)

- بخصوص انواع الفيزا واللي تهمنا هيا f1 و f2 ,, ال F1 تعطى للطالب اللي عنده قبول نهائي من المعهد او الجامعه راح يصدرون له السفارة مباشرة الf1 واللي عن طريقها نظاميا راح يدرس full time ويعرفو ان الطالب جا للدراسة فقط وجلوسه بالبلد راح يكون نظاميا.

- نجي لنقطة المرافق الهاااااااامة وهي بحكم انه مرافق (زوج) راح يصدرون له فيزا f2 واللي تسمحله برضه بدراسة المعهد لكن في حااااااااااااااااالة انه جاااه قبوول جامعي وضموه الملحقية للبعثة وقتها راح يضطر انه يرجع للسعودية ويحول الفيزا حقه من F2 الى F1

لذلك اللي مرافقه معاه وحاب انه يكمل دراسته يحاول انه يجيب له قبوول مستقل تماما من هنا قبل ماييسافر حتى لو بضمان مالي خااص او الوزارة عشان يضمن انه تطلع له فيزا F1 ويريح دماغه من الحين من القلق اللي راح يصير بعدين

نقااط هامه حبيت ايضاحها للجميع,,

الله يوفقنا ويتم قبووولنا كلنا بالبعثة.

الله يعطيك الف عآإفيه , فعلآإ نقــآإط مهمه جدآإ ..~

ليتنا جمييعا نتبه لبعض النقااط الصغيرة عشان مايتم التعقيد او رفض الى اخره وتكون امورنا كلها سليمه

الله يجزاك الجنه ماقصرت

اممممم


عندي سؤال

قريت لوحدة من الاخوات تقول لازم يرجع محرمها بعد 6 شهور ومدري وش

ابي افهم ايش النظام لان محرمي والدي ربي يحفظه

اتمنى توضحو لي ربي يسعدكم

اخوي سكون انا حبت قبول و i-20 :)
طبعاً ضمان مالي خاص ، فمدري راح ينفعني ولالا
ولما اجيبه لهم راح يعطوني ضمان مالي منهم ولالا ؟
ولو عطوني ضمان مالي شلون احول القبول من ضمان شخصي بالايتوني الى ضمان من الوزارة ؟
ولا لما اروح البلد والمدينه بالايتوني اللي طلعته على حسابي اقدر اعطيهم ضمان الوزارة واحوله من هناك وما ادوخ راسي بالمراسلات والتعديل ؟
وبعد كذا اقدم ع الفيزا بالضمان تبع الوزارة ولا اللي يخصني ؟ :(:(:( موفاهم ولا شي ...


قبول معهد فقط ودراستي ماستر باذن الله ... واسف اكثرت عليك الأسئله

جزاك الله خيرر وشكر لك سعيك

اقتباس:

---

نجي لنقطة المرافق الهاااااااامة وهي بحكم انه مرافق راح يصدرون له فيزا f2 واللي تسمحله برضه بدراسة المعهد لفترة لكن في حااااااااااااااااالة انه جاااه قبوول جامعي وضموه الملحقية للبعثة وقتها راح يضطر انه يرجع للسعودية ويحول الفيزا حقه من F2 الى F1

لذلك اللي مرافقه معاه وحاب انه يكمل دراسته يحاول انه يجيب له قبوول مستقل تماما من هنا قبل ماييسافر حتى لو بضمان مالي خااص عشان يضمن انه تطلع له فيزا F1 ويريح دماغه من الحين من القلق اللي راح يصير بعدين

---

شكرا على المعلومات

ولكن عندي سؤال بخصوص هده الجزئيه انا مافهمتها تمام ياليت توضح لنا ايش الاشيا الي على المرافق يسويها من دحين
قبل لايسافر

تحياتي

بالنسبه لقبول المعهد انا حاجيب شهاده بنكيه مو ضمان مالي فهل ينفع اخد فيها قبول نهائي ؟؟مو مبدئي ؟

وهل ينفع الشهاده تكون موجهه الى من يهمه الامر مو باسم المعهد

الله يسعدك ويوفقك يااااارب احس اني فهمت شوي بس كمان ما فهمت >_<
الحين انا مقدمة على كندا ..وابي مدينة تورنتو..وما ابي غيرها ابداً
وانا ماستر ..واخي المرافق ..راح يكمل هناك بكلوريوس بعدن ينضم للبعثة .
بس امور اخوي كيف .؟!
يعني اخليه يجيب قبول له وليه في معهد ..الان.؟!
وهو لازم يجيب قبول جامعي ؟! ولا من هناك اذا وصلنا ؟!
انا مرررره ضايعه بسببه..الله يسعدكم فهموني عشان اتحرك بالاجراءات

طبعا الصورة وضحت اكتر شكرا لك اخويا scon
بس الله يعينك على اسئلتنا دام انك فتحت الموضوع
انا برضو نيتي اجيب القبول بنفسي وهيا فيه طريقتين
اما اخذ القبول المبدئي من غير ضمان مالي
او اخذ قبول نهائي باعطاء الضمان المالي
طيب في حالة اني اخدت الطريقة التانية اللي هيا قبول نهائي ممكن تقبله الوزارة؟ وكيف طريقة التحويل طبعا من ضماني لضمانهم؟ هدا بصراحة شي محير الجميع بس انا اللي اتوقعه انه عادي اخد ضمان الوزارة وارسل للمعهد ضمانهم بدل ضماني بكل سهولة؟ اذا انا غلطانة احد يصححلي توقعي

طيب و اللي ماعنده ضمان مالي خااص وش يسوي انا مرافقي راح يكمل دراسته وش يسوي عشان يصدر له فيزا f1 ولا عادي ممكن انه يرجع بعدين السعوديه و يبدل فيزته اذا مافي تعقيد ؟

ويعيطيك العافيه ع الموضوع ^^

اقتباس:

---

المشاركة الأصلية كتبت بواسطة رواسي شامخة

اممممم


عندي سؤال

قريت لوحدة من الاخوات تقول لازم يرجع محرمها بعد 6 شهور ومدري وش

ابي افهم ايش النظام لان محرمي والدي ربي يحفظه

اتمنى توضحو لي ربي يسعدكم

---

انتي حاولي تجيبي قبول حتى لو لابوك ولو روتيني عشان بس يعطوه فيزا f2 طبعا الملحقية والوزارة عارفين الشي هذا انه بعضهم موقادرين على مواصلة الدراسة ولاراح ينضمون للبعثة فعشان كذا يوصون بالفيزا هذي f2 للمرافق اللي مايبغى يكمل دراسته فعشان كذا لاتخلين ابوك يطلع بفيزا سياحية لانه هذا اللي رجع تقولين عليه اتوقع انها سياحية والسياحية لازم تطلع من البلد وترجع مرة ثانية

اقتباس:

---

المشاركة الأصلية كتبت بواسطة المشـاري

اخوي سكون انا حبت قبول و i-20 :)
طبعاً ضمان مالي خاص ، فمدري راح ينفعني ولالا
ولما اجيبه لهم راح يعطوني ضمان مالي منهم ولالا ؟
ولو عطوني ضمان مالي شلون احول القبول من ضمان شخصي بالايتوني الى ضمان من الوزارة ؟
ولا لما اروح البلد والمدينه بالايتوني اللي طلعته على حسابي اقدر اعطيهم ضمان الوزارة واحوله من هناك وما ادوخ راسي بالمراسلات والتعديل ؟
وبعد كذا اقدم ع الفيزا بالضمان تبع الوزارة ولا اللي يخصني ؟ :(:(:( موفاهم ولا شي ...

قبول معهد فقط ودراستي ماستر باذن الله ... واسف اكثرت عليك الأسئله

---

اخوي لاتدوخ راسك وتتعب نفسك انت الفيزا حقك الحين راح تطلع على اساس الضمان المالي الخاص حقك وتطلع الفيزا برضه على الضمان حقك لانه سواء بالضمان حقك او حق الوزارة مسمى الفيزا بيكون واحد اللي هوا f1 وانت لو رحت هناك بعدين تعطيهم ضمان الملحقية وعلى انك مبتعث وعندك منحه دراسية وعلى اساس كذا راح يرجعون لك الضمان المالي الفلوس اللي دفعتها طبعا

لازم برضه تصدق القبول حقك من الوزارة عشان يعتمدونه لك الوزارة وبعدها روح قدم عالفيزا

موفق اخوي

اقتباس:

---

المشاركة الأصلية كتبت بواسطة toto chan

شكرا على المعلومات

ولكن عندي سؤال بخصوص هده الجزئيه انا مافهمتها تمام ياليت توضح لنا ايش الاشيا الي على المرافق يسويها من دحين
قبل لايسافر

تحياتي

---

اهم شي انه يجيب له قبول مثلك مثله لو هوا حااااااااااب بعدين يكمل دراسته وينضم للبعثه يعني يجيب له قبوول مستقل له عشان يطلع على اساس القبول النهائي هذا الفيزا من نوع f1 واللي عن طريقها ماراح يتعب بعدين لو ضموه للبعثه ان شاءالله لانه في حالة ضمه للبعثه وكانت فيزته f2راح يضطر يرجع هنا عشان يغيرها الى f1

اقتباس:

---

المشاركة الأصلية كتبت بواسطة روابي الشهد

بالنسبه لقبول المعهد انا حاجيب شهاده بنكيه مو ضمان مالي فهل ينفع اخد فيها قبول نهائي ؟؟مو مبدئي ؟

وهل ينفع الشهاده تكون موجهه الى من يهمه الامر مو باسم المعهد

---

ايوة الله يحفظك تنفع ان شاءالله
لانه فيه بعض المعاهد تعطيك قبول نهائي بدون الضمان وهذا يعتمد على ثقتهم في ان الطالب هذا راح تدفعله الجهة اللي مبتعث منها اللي هيا وزارة التعليم العالي

اقتباس:

---

المشاركة الأصلية كتبت بواسطة الدكتورة/ دلال

الله يسعدك ويوفقك يااااارب احس اني فهمت شوي بس كمان ما فهمت >_<
الحين انا مقدمة على كندا ..وابي مدينة تورنتو..وما ابي غيرها ابداً
وانا ماستر ..واخي المرافق ..راح يكمل هناك بكلوريوس بعدن ينضم للبعثة .
بس امور اخوي كيف .؟!
يعني اخليه يجيب قبول له وليه في معهد ..الان.؟!
وهو لازم يجيب قبول جامعي ؟! ولا من هناك اذا وصلنا ؟!
انا مرررره ضايعه بسببه..الله يسعدكم فهموني عشان اتحرك بالاجراءات

---

خليه يجيب له قبول معهد مثلك مثله اختي فهمتي ولو وصلتو بعدين دورو هناك براحتكم عالجامعات اللي تنااسبكم لانه برضه الوزارة راح تجيب لمعظم الطلاب والطالبات قبول معهد فقط فقط عشان كذا خليه يجيب له قبول معهد برضه معاك

اقتباس:

---

المشاركة الأصلية كتبت بواسطة fofitta

طبعا الصورة وضحت اكتر شكرا لك اخويا scon
بس الله يعينك على اسئلتنا دام انك فتحت الموضوع
انا برضو نيتي اجيب القبول بنفسي وهيا فيه طريقتين
اما اخذ القبول المبدئي من غير ضمان مالي
او اخذ قبول نهائي باعطاء الضمان المالي
طيب في حالة اني اخدت الطريقة التانية اللي هيا قبول نهائي ممكن تقبله الوزارة؟ وكيف طريقة التحويل طبعا من ضماني لضمانهم؟ هدا بصراحة شي محير الجميع بس انا اللي اتوقعه انه عادي اخد ضمان الوزارة وارسل للمعهد ضمانهم بدل ضماني بكل سهولة؟ اذا انا غلطانة احد يصححلي توقعي

---

اختي بكيفك طبعا اذا والله حابه ترسلي للمعهد مرة ثانيه الضمان المالي حق الوزارة راح يرسلولك قبول جديد بالاي تونتي الجديد لكن حتى في حالة انك رحتي هناك ومن هناك مباشرة اصلا الملحقية راح تراسل المعهد وتقولهم ان الطالب او الطالبة الفلانيه نتكفل فيه من والى او انه لو كان معاك ضمان مالي من الوزارة تقدري تعطين المعهد يعني الوضع سهل ان شاءالله

اقتباس:

---

المشاركة الأصلية كتبت بواسطة زهره الشرق

طيب و اللي ماعنده ضمان مالي خااص وش يسوي انا مرافقي راح يكمل دراسته وش يسوي عشان يصدر له فيزا f1 ولا عادي ممكن انه يرجع بعدين السعوديه و يبدل فيزته اذا مافي تعقيد ؟

ويعيطيك العافيه ع الموضوع ^^

---

حاولي انه مثلا يجيب قبول معهد مستقل له افضل واحسن عشان برضه يكون له اي تونتي لوحده حتى يتم اصدار له فيزا f1 لكن الامور بعدين برضه مافيها تعقيد كثيير المشكلة بس انه لازم يرجع السعودية عشان يحول الفيزا هذا الكلام طبعا بعد ضمه للبعثه

الله يجزاك خيرطيب وش الفرق بين f1 و f2

اقتباس:

---

المشاركة الأصلية كتبت بواسطة قارورة

الله يجزاك خيرطيب وش الفرق بين f1 و f2

---

f1 يعطونها للطالب اللي جااااااااي وغرضه الدراسة ويكون دوامه دوام كاااااامل للدرسة فقط يعني الهدف اللي جاااي من اجله مو وظيفة والا شي ثاني الهدف اللي جا من اجله الدراسة وعلى ضوئها يعطوك الفيزا هذي واللي تعطيك الصلاحية انك تقعد بامريكا خمس سنوات حتى لو متواصله

والf2 تعطى للمرافق مباشرة اللي هم زوج او زوجة او احد الابناء وتعطى للي يبغى يدرس بنظام جزئي مو دوام كاامل يعني للي ببغى معهد وبس مايبغى يكمل دراسته مستقبلا

الموضوع يحتوي على مـعـلومـات مـغـلوطـة

ـنت أتمنّى على كـاتـبه أن يـتـثّبـت من مـعـلومـاته قـبل أن يـنـشرها على الـمـلاً ويساهم في تـضليل الأعضـاء سواء بـقـصد أو بغـير قـصـد.

سأعـود في وقـت لاحـق لتـصحيح هذه المعلومات

الله يديك الصحة والعافية يالغاليـ : )

طيب سؤال صغنن ؟

حاليا انا المرافق ، فهل أنتظر المعهد اللي تحددو وزارة التعليم العالي لأختي وفي أي مدينة ويصير بعدين أجبلي قبول من معهد آخر بنفس المدينة أو نفس المعهد بنفسي والا كيف ؟؟

اقتباس:

---

المشاركة الأصلية كتبت بواسطة & الـمـسـتـشــار &

الموضوع يحتوي على مـعـلومـات مـغـلوطـة

ـنت أتمنّى على كـاتـبه أن يـتـثّبـت من مـعـلومـاته قـبل أن يـنـشرها على الـمـلاً ويساهم في تـضليل الأعضـاء سواء بـقـصد أو بغـير قـصـد.

سأعـود في وقـت لاحـق لتـصحيح هذه المعلومات

---

اخوي حياك الله وترى الوضع مو تضليل ومدري ايش ماحنا في منظمة ارهابية او شي حفظك الله نقدر هنا نفيد ونستفيد وبالعكس لو فيه غلط ويتعدل خير وبركه بالعكس تفيد الجميع

اقتباس:

---

المشاركة الأصلية كتبت بواسطة الفقيرإلى الله

الله يديك الصحة والعافية يالغاليـ : )

طيب سؤال صغنن ؟

حاليا انا المرافق ، فهل أنتظر المعهد اللي تحددو وزارة التعليم العالي لأختي وفي أي مدينة ويصير بعدين أجبلي قبول من معهد آخر بنفس المدينة أو نفس المعهد بنفسي والا كيف ؟؟

---

اخوي تقدر تنتظر مثلا قبول االمعهد لاختك بس برضه انت راح يجيبون لك قبول الوزارة بحكم انك المرافق لكن لو ودك من الحين مثلا تحددلك مدينة ومعهد بنفسك وتجيبلك فيه قبول انت واختك وهذا الشي راجعلك طبعا

طيب انا اخوي(اللي هو المرافق) ان شاء الله ناووي يكمل ماستر
وعشان مانتمشور في حكاية الفيزا F2 هل يقدر يطلع فيزا F1 معايا والضمان المالي يكون من الوزارة
ولا مافي امل وهذا اللي اتوقعو من الكلام اللي فهمتو
وبالنسبة للضمان المالي في حدود كم مفروض يكون

ياجماعه الخير عشان لاتتورطووو فيزا f2 ماتطلع الا للزوج والابناااء
اما الاخ والاب اذا ماحيدرسوو يطلعو بفيزاا سياحية لانو مايعترفو فيهم انهم مرافقين فلازم يدخلو بفيزا سياحية

اتمنى من كاتب الموضوع يتاكد من بعض معلوماته لانو زي ماقال الاخ مستشار في اشياء غير صحيحه

اقتباس:

---

المشاركة الأصلية كتبت بواسطة Winter Winds

طيب انا اخوي(اللي هو المرافق) ان شاء الله ناووي يكمل ماستر
وعشان مانتمشور في حكاية الفيزا F2 هل يقدر يطلع فيزا F1 معايا والضمان المالي يكون من الوزارة
ولا مافي امل وهذا اللي اتوقعو من الكلام اللي فهمتو
وبالنسبة للضمان المالي في حدود كم مفروض يكون

---

ايوة اختي يقدر لو تكلمو الوزارة وعن تجربة اخوي دوبه طلع كمرافق وكلم الوزارة وماقصرو معاه وطلعله قبوول بفيزا f1 مباشرة لكن لو بيطلع مبدئيا ضمان مالي له يقدر يراسل المعهد وهم راح يقولون لكم ايش المبلغ

اقتباس:

---

المشاركة الأصلية كتبت بواسطة سيدة طموحة

ياجماعه الخير عشان لاتتورطووو فيزا f2 ماتطلع الا للزوج والابناااء
اما الاخ والاب اذا ماحيدرسوو يطلعو بفيزاا سياحية لانو مايعترفو فيهم انهم مرافقين فلازم يدخلو بفيزا سياحية

اتمنى من كاتب الموضوع يتاكد من بعض معلوماته لانو زي ماقال الاخ مستشار في اشياء غير صحيحه

---

بالفعل اختي وهذا اللي وضحته الله يحفظك انه للزوج الf2 لكن فيه مجال للاخ انه يطلع بفيزا f1 لو كان معاه ضمان له شخصي اما الوالد فبحكم انه كبير السن وهم عارفين الشي هناك بمعاهد وجامعات الخارج فعلى اساس كذا يطع فيزا سياحية واتمنى دوم نكون مكملين لبعض

شكرااااااااااااااااااااااا

يعطيك العافية


يسلمووو على التوضيح

شكرا لك scon
أفتدنا بموضوعك الله يجزاك خير

الله يرزقك وييسر لك امورك يارب .....الف شكر

الله يسهل امورنا لكل خير ان شاءالله

الله يعطيك آلف عافيه عالموضوع .. انت كذا :thumb: