محتاج افادتكم ضروري الله يطول اعماركم تعديل المقال
السلام عليكم ورحمه الله
انا عمري 24 سنه من الدمام تخرجت من الثانويه عام 1426 هجري وكان حلمي ادرس بره وجمعت لي فلوس 100000 الف ريال خلال 5 سنوات ولله الحمد عشان ادرس فيها وبعدين اطلع للبعثه المهم انا هذا راس مالي كله ولاعندي اي احد يساعدني ماديا وابي اروح امريكا ادرس هل تكفيني بعدين احول على البعثه وشنهي شروط التحويل انا لقتي الانجليزي حلوه وكنت اعمل ببنك مع اجانب وعندي لغه جيده بس ابي شهاده قويه المهم رحت لمكتب بالدمام وسوالي خطه دراسيه وهي دراسه في معهد اسمه LSI.EDU : BOSTON لمده ثلاث شهور بعدين التحق في جامعه اسمها ARKANSAS STATE UNIVERSITY : JONOSBRO تخصص ادراه بنكيه ومحاسبه انا الي خايف منه اني اروح وتخلص فلوسي خلال 6 شهور ولا يحولوني وبرجع السعوديه لاوظيفه ولاراس مال وظيفتي استغنو عني لانو انتهى عقدي معهم تكفون يا اهل الخبر افيدوني مقابلتي يوم الثلاثاء مع السفاره بالظهران وش تنصحوني انتظركم . الله يحرم وجيكم عن النار
رد: محتاج افادتكم ضروري الله يطول اعماركم تعديل المقال
ربي يوفقك اخوي وربي يسهل امورك طموحك من جد يحتاج التشجيع واذا على الالتحاق بالبعثه مالك الا تراسل الوزارة على ايميلهم حتى ماتكثر عليك الاراء وربي يكتب لك الخير وين ماتروح
رد: محتاج افادتكم ضروري الله يطول اعماركم تعديل المقال
طيب كيف اختي علميني ماني عارف شسوي
رد: محتاج افادتكم ضروري الله يطول اعماركم تعديل المقال
اخوي ارسل ايميل للوزارة واكتب استفسارك هذا ايميلهم ارسله الآن وعلى الصبح يردوا عليك kasp@mohe.gov.sa
رد: محتاج افادتكم ضروري الله يطول اعماركم تعديل المقال
للاستفاده اكثر اخوي ادخل ملتقى الدارسين على حسابهم
رد: محتاج افادتكم ضروري الله يطول اعماركم تعديل المقال
بيض الله وجهك الله يوفقك يارب
رد: محتاج افادتكم ضروري الله يطول اعماركم تعديل المقال
ونصيحه من اخت ضبط لك ميزانيه وامشى عليها الانسان لما يخطط ينجح صدقني ربي يرزقك الخير حيث كان
واقرأ كثير عن ولايتك والمدينه اللي بتروح لها من كل النواحي الاماكن الرخيصه فيها وهذا تلقاه بملتقى الدول
رد: محتاج افادتكم ضروري الله يطول اعماركم تعديل المقال
مشكور طال عمرك الله يخليك لعين ترجيك
رد: محتاج افادتكم ضروري الله يطول اعماركم تعديل المقال
للأسف ما عندي خلفية عن الموضوع
بس حبيت اهنيك على عزيمتك وطموحك الفذ
الله يوفقك وان شاء الله امورك تتسهل ..
رد: محتاج افادتكم ضروري الله يطول اعماركم تعديل المقال
ماشاء الله تباركك الله
اهنيكك على طموحكك
الله يوفقكك ويسهلكك الخير