قد وسوست أمم من قبلكم .. حياكم جميعا ..

صباح الخير ...
مهم ياأخوان ..
من موضوع الى موضوع ومن موقع الى موقع نبحث عن أسئله تدور في أذهاننا
البعض منها توجد عندنا أجابتها ولكن نطبق (( ليطمئن قلبي ))
ووسط الكم الهائل من المواضيع سواء هنا او في مواقع أخرى تسبب لنا بعضها الحيره ..
قرءت موضوع هنا عن أحد الأخوان ذكر موضوع يطمئن فيه بالترشيح كما طرحت مواضيع أخرى وكما طرحت انا برضوا
وأشار الأخ الى نقطه أستفدت منها بأنو راح للمرحله السادسه وقراء مواضيعهم الأخيره في الصفحات 237 وأنت نازل
ففكرت أرجع لها وأقراءها من بدايتها
ومنها أتابع الأوضاع وأطلع بخبره لو بسيطه وأعيش السناريو الي بيمر علينا مسبقا
بدايات متى موعد التسجيل وش تفكرون تختارون مواضيع بدايه
بداء التسجيل : كيف تعبئة الأستماره وش تختارون ..الخ
القبول المبدئي : المواضيع الي تتكلم عن التدقيق والمراكز والمطلوب ...الخ
بعد الأنتهاء وبنفس الحاله الي نعيشها الأن
لاحظت أن هذي الفتره الرئيسيه للوسوسه والتوقيت المناسب للأشاعات وأهداف لأعلم ماذا تريد
أشاعات معاهد تعلن قبولك وأنو ارسل اوراقك
اشاعات أنو اقل ماقبلو معدلاتهم 3.90 من 5
وأشاااعات كثيره
وعاشو توتر مو طبيعي
ومشاجرات ووو...الخ
تسويق لمكاتب تجاريه نصب بنصب
واذا تورطت معهم تبلش
يعني الفتره هذي خلوكم اكثر حرص وهدوء
بعدها ياأخوان مرت عليهم أصعب وأقسى اللحظات
وزارة التعليم العالي تعلن ان الاسماء سوف تنشر باليوم الفلاني
وأملتى القسم بالأخبار الصحفيه
والكل عايش على أعصابه
وجاء اليوم الي ذكرو فيه الإعلان
وماطلع شيء وأنكبو الطلاب على موقع البرنامج بالأسئله
فاصدرت الوزاره تصريح أنو حنا ماأعلنا شيء
وفعلا ماأعلنو لكن أخبار صحف
ونزلت مواضيع تنقل هذا الخبر
وصار عند الأعضاء أنتكاسه وزاد القلق
وعاشو هذا الجو الكئيب
بعدها ب5 ايام اصدرت الوزاره انو النتائج باليوم الفلاني
وجاء هذا اليوم
والعالم مواصله من الفجر >> يالله قرءت ردود ايقنت انو وصلو حاله مو طبيعيه
وتاخرت الوزراه
وبعدين نزل خبر ان النتائج بتكون بعد 9 ساعات والكل يرتقب
وتاخرت شوي
وبعدها
أمتلى القسم بمواضيع
مبروووووووك مبرووووك
وايش صار لكم لما قرئتو الخبر ...الخ
حسيت بفرحتهم وشعورهم الي بيمر علينا جميعا إن شاء الله
وبدا عاد مواضيع الملتقى والفيز وأمر الاركاب ..الخ
وتغيرت أحوال بعض الأعضاء الي ماتم قبولهم بسبب انو أعمارهم مو مطابقه والي موظف حكومي
حتى منزلين بالصفحه لهم مع ذكر السبب
لم يتم قبولك لانه تبين لنا بأنك موظف حكومي >> مصداقيه
وعطوهم أسبوع أعتراض
تغيرت احوالهم وصار أسلوبهم شين جدا وبدو بحركات التحطيم والحسد >> أعوذ بالله من بعض البشر بس
وأنتو مو يم الدراسه بس يعنني بنروح أمريكا >> حركات البزارين
وبعدها بفتره وبعد الاجراءت المطوله
مواضيع أنا مسافر الليله وانا مسافر الصبح ..الخ
ثم بدت تلك العضويات بالصمت
ورحلو
عقبالكم جميعا
تحياتي ...

يعطيك العافيه

من جد عشت جوهم بموضوعك
واحس ان كل هالاحداث تنعاد معنا
الحين

يارب يسر لنا جميعا

Yeah, you're pretty right
we should take some rest far away of our worries
and trust that Allah's going to give us whatever we're looking for

Thank you so much, brother

لله درك يا أخي .. والله كأني أقرأ رواية ما شاء الله تبارك الرحمن من جمال أسلوبك ينصر دينك يا شيخ أعجبتني الخاتمة كثيراً حيث قلت ( ثم بدت تلك العضويات بالصمت ورحلو ) فعلاً الجميع راح يسافر ولكن البعض محرق أعصابه بزياده وهو بنفسه جاب لنفسه الهم .. سجل إعجابي بموضوعك الرائع ..

ياالله حمستني يارب يارب يارب سهل أموري وفرج همي

ماشاء الله تبآإرك الرحمن . اسلوب وطرح رائع ..~

فعلآإ عشت الدوور خخخخخخ

الله يعينآإ ويوفقنآإ يا رب ..~

من اروع المواضيع

دخلت جو والله

اسجل اعجابي

الله يعطيك العافية
والموضوع يستحق القراءة، وانت قلت اشياء كثيره تبين حالات ونفسيات بعض الاشخاص اللذين لربما يسببوا انتكاسه او حتى فوبيا وممكن تصل لدرجة الوساوس والعياذ بالله .
وهذا حال بعض الناس اللذين لايخافون الله في دينهم ودنياهم.
أحسنت ولك مني جزيل الشكر.

ياخي الله يجزاك الجنه ....

موضوع روعه من شخص تعودنا على رقي طرحه ..

تحياتي لك ..والتوفيق حليف الجميع بإذن الله ...

والله كفيت ووفيت

تصدق من زووود الهبال والوسوسه اللي ببعض الاعضاء قامو يرسلون رسااايل خاصه يكملون تخلفهم وخناقهم

ويحتروووووووووووووني ارد

عندي هدف اسمى

تشكراات

علمتنى الحيااااااااه <<لك من اسمك نصيييب علمتك الحياااه

يب انا بعد ما قرأت موضوع الاخ اللي قال روحوا لصفحات الفلانيه امس طول وقتي اقرا فيها

ومثل ما قلت ياخوي وربي يوم شفت مبروك نزلت النتائج اني فرحت معااااهم وفرحت لفرحهم

ولا يوم جتهم رسائل كاذبه والوزاره تنفي الرسائل صارت ايامهم ضجه كبيره <<ربي يبعد عنا مثل الاخبار هذي احنا مو ناقصين وربي

ربي يسعد يا خوي رغم اني قريتا امس بس ما استمتعت قد ما استمتعت الحين وانا اقرأها بسردك

حرم ربي وجهك عن النار


وكلنا بالاخير راح يصير لنا <<<<<<<< ثم بدت تلك العضويات بالصمت
ورحلو

سوا قبلنا او لا مجرد ما تنتهي المرحله السابعه الكل بيبداء بالصمت والرحيل

عقبااااااااااااااال مانصمت ونرحل بسلامتناااااااا



يعطيك الف عااافيه
اسلوب رائع وشيق

ثم بدت تلك العضويات بالصمت
ورحلو ..
الله يوفقهم ويوفقنا جميع ويسهل امورنا
الله يعطيك العافية

سجل عندك واحد اعجاب


و2 دعووووووووووووووة من القلب

اهنيك على اسلوبك الرائع

والله حسيت أني بنام واحد يقص علي قصه هههههههههههه

ما شالله اسلوووبك مررره بطل وفعلا لك نصيب من اسمك

الله يبرد عليك ويريحك ويريحنا يا ربي يا كريم

يعطيك العافيه

اسلوب رائع ورااااقي

جزاك الله كل خير ..توضيح جميل منك للفتره اللي راح نمر فيها للايام القادمه
اسأل الله ان يوفق الجميع لما يحب ويرضى
وان يسهل وييسر امور كم ويطمن بالكم
ويكتب لنا ولكم اللي فيه الخير يآرب

اسلوب اكثر من رائع >>>>> ولنا في قصصهم عبرة

سلمت يمينك.. ويعطيك العافية على هذا الطرح ...

اتمنى في هذي المرحلة حتى بعد ماربي يكتب لنا القبول ونسافر على خير يستمر التواصل بيننا ..

الآن كل واحد موجود في بيته وعايش بأمان واطمئنان ومع ذلك بندورعلى بعض ونسأل كم سعودية وسعودي حيطلعوا على نفس البلد اللي بنروحهاا ..

اتوقع في بلد الغربة رح يكون افضل مكان لنا نقابل فيه ناس تفهمنا ونفهمها>>> (( مبتعث )) ..

افضل مكان نلقى فيه تجارب مفيدة واجابة لكل استفساراتنا >>>(( مبتعث ))..

افضل مكان نلقى فيه عالم تتحمل وسوستنا وأسئلتنا >>>(( مبتعث ))..

افضل مكان نسجل فيه تجاربنا الدراسية عشان غيرنا يستفيد منها >>> (( مبتعث ))..

تتوقعوا لو فيه مرحلة ثامنة .. مين اللي حيساعد الطلاب المقدمين عليها ويديهم معلومات اكيدة ومجربة؟؟؟ سواء عن ((معاهد جربناها وطلعت حلوة..
جامعات كان فيها تخصصنا قوي بالتجربة (كل واحد حسب تخصصه ) واستفدنا كثير من الدراسة فيها..كيف كانت الحياة برة وكيف اتعاملنا معاها ..))كل هذي المعلومات مين حيوفرها لهم ؟؟؟؟؟؟؟؟؟؟؟؟؟؟؟؟؟؟؟


>>>>>>>>أكيد اهل مبتعث ... من المرحلة الأولى الى السابعة >> always will be by your side

تحياتي للجميع،،،

كلام في الصميم
نحن نعيش اجمل مرحلة في العمر
مرحلة تحقيق الاحلام فلانضيع هذه اللحظات الرائعة بالاوهام

Ealby heart style Rowouah

لله درك.........................

صراحة ما أقول غير ماشاء الله تبارك الله..أفضل موضوع مشجع لإنتظار النتائج.. أنا كذا خف توتري شويتين...

أعجبني..

بالتوفيق لك وللجميع..

يالله كلها اربع شهور وتنتهي الوسوسه وتكون في ارض الواقع وتعيش الحلم ولكن تبدا وسوسه اخر وهي ..تذكرك لاهلك واخوانك اصحابك وامك امك .....وكل شي في السعوديه حتى الهندي الي في البوفيه عند البيت هههههههههههههههه بصراحه اذا كانت علاقتك باهلك قويه جدا مراح تقدر تعيش براء وراح تتذكر كلامي ...بجد وبجد حصلت مبتعثين مايتواصلو مع اهلهم..والوضع عندهم عادي ...لو اجلس يومين ماسمع صوت امي اجن ...اقوله لكم ااخير بلاوسوسه وعيشو اخر اربع شهور وربي وربي لتجي الايام الي تتمنى تنزل اسبوع في السعوديه ..كان الله في عونكم اصبرو وعيشو اخر اربع شهور

موضوع رائع تشكر عليه

ربي يوفقكم جميعا ويسر أموركم
تشرفت بمروركم
والأهم أنو وصلت الرساله
ويارب نفرح بقبولكم جميعا
ونرحل ونرجع سالمين لأهلنا
ومحققين لأحلامنا
ولكم مني أطيب التحيات والمنى
حفظكم المولى
أخوكم علمتني الحياة

تصدق اسلووووب جدا رائع وتخصصك تسويق بتبدع بجذب الاخرييين بالاسلوب الراااائع اللي احسه طالع من القلب

فعلا الله المستعان رحلوا وان شاء الله نرحل ع خير ونرجع ع خير ياااارب

يعطيك الف عافيه

اقتباس:

---

المشاركة الأصلية كتبت بواسطة علمتني الحياة

ثم بدت تلك العضويات بالصمت
ورحلو
عقبالكم جميعا
تحياتي ...

---

كلمة الصمت هذي توجع عيشتني معك بالقصه.
حروفي تنثني لماسطر فكرك الكتابي . عقبال ماأشوفك كاتب في أشهر الصحف . . .

ولله صادق المرحلة السادسة عانو كثير ولله لأنهم مجرد ما أحد فيهم ينزل موضوع بس كإبداء رأي !!
و فجأة واحد يجي يشتم و يصارخ و اللي يقول مقولتهم الشهيرة لو احد قال شي عن النتايج يقولون عليه
" الموسى متنكر " هع
على كل حال بصراحة انا اشوف اننا احسن منهم لان هم دققو برمضان وكانت نتائجهم بذي القعده
تقريبا كملت شهرين واحنا الحمدلله ماطولنا مثلهم وان شالله مايطولون علينا الوزارة خخخخ
طرحك اخوي جميل و صادق بكل كلمة ويارب تيسر لنا القبول ان شالله جميعا :)

جميل جدا,,,,,

:)

هههههههههههههههههههههههههه دخلت جووووووو و جاني مغص

الله يعطيك العافية و يجزاك خير يا رب

آسلوب راقي جداااا حبيتو ^ _ ^
قشعر بدني الصراحهـ ..
و عقبالنا يآآرب و الله يعطينا على قد نيتنا .. و يكتبلنا الخير :)


تسلم خيوو