مبتعث .. مبتعثه .. مرافق .. مرافقه ... اي استفسار .. الاجابه هنا ... Canadian hero

اقتباس:

---

المشاركة الأصلية كتبت بواسطة السراب الغامض

الله يكتب لك الأجر يا أخوي على حسن مساعدتك لإخوانك وأخواتك .

عندي استفسارات بسيطة أتمنى ألقى لها جواب , وهي كالتالي :

أولا : ما هي الخطوات والأوراق التي يجب علينا أن نعملها قبل حضور الملتقى ؟ وماذا يكون بعد الملتقى ؟؟
طبعا اللي أعرفه إن الملتقى يكون لتوعية المبتعثين من كل الجوانب القانونية والاجتماعية والدينية وغيرها ... فما الذي يجب علينا عمله بعد الملتقى ؟؟

ثانيا: بالنسبة لمعهد اللغة / هل فعلا الوزارة هي التي تختار لنا معهد ؟؟ وهل هذا المعهد يكون تابع لإحدى الجامعات الموصى بها ؟؟

ثالثا : بالنسبة لتغيير التخصص / أنا تخصصي في البكالوريوس تربية خاصة , واخترت تخصص علوم صحية لأني قرأت في موقع ويكيبيديا أنه يوجد تخصص لعلم النفس التعليمي وعلم نفس الفئات الخاصة فهو تقريبا أقرب تخصص لي فهل فعلا يندرج هذا التخصص في الجامعات الامريكية ؟ وفي حال لا يوجد هذا التخصص فهل يمكنني أن أغير التخصص ؟؟ وهل هناك أضرار في إجراءات التغيير ؟

رابعا : بالنسبة للسكن والتكاليف / إذا انتهينا من كل إجراءات البعثة وسافرنا بإذن الله ووصلنا المطار , ماذا يجب علينا فعله ؟؟ هل نذهب ونستأجر شقة قريبة من الملحقية الثقافية لكي نفتح لنا ملف أم ماذا ؟ وكم المبلغ الذي يجب أن يكون لدينا للاحتياط ؟ وكيف طريقة فتح حساب في بنوك امريكا ؟ والمشكلة اللغة الانجليزية ضعيفة .. وباسألك يا أخوي : بالنسبة للمواصلات كيف طريقتها ؟ ( يعني نستأجر سيارة أو فيه باص خاص للبمتعثين ينقلنا من مقر السكن إلى المعهد أم ماذا ؟؟


باختصار يا أخوي : ايش هي الخطوات اللي نمر عليها خطوة خطوة وماذا يجب علينا فعله بعد ظهور الترشيح النهائي للبمتعثين ؟

واعذرني الكلام ملخبط لأن راسي كله أسألة وتااايه http://www.mbt3th.us/vb/chrome-exten.../images/fb.png
http://www.mbt3th.us/vb/chrome-exten...ges/fblike.png
http://www.mbt3th.us/vb/chrome-exten...es/twitter.png
http://www.mbt3th.us/vb/chrome-exten...ages/gmail.png

http://www.mbt3th.us/vb/chrome-exten...ges/google.png
http://www.mbt3th.us/vb/chrome-exten...ges/fblike.png
http://www.mbt3th.us/vb/chrome-exten...es/twitter.png
http://www.mbt3th.us/vb/chrome-exten...ages/gmail.png

---

يالغالي لاتشيل هم والموضوع متسهل ... والوزاره بيسوون كل شي قبل لاتجي هنا

كلامك كله صح وهذا اللي بيصير في الملتقي

قبل الملتقى حاول تطور نفسك باللغه وتختار معهد ومدينه تناسبك

الملتقى بيفيدك كثير

بعد الملتقى يجيك القبول والضمان وتاريخ بدايتك

وبيكون فيه وقت كافي تقدم عالفيزا

وتضبط امورك الماديه وتتجهز للسفر



تغيير التخصص
لسا بدري عليه ... خليك في اللغه ولما توصل تقدر تشوفلك قبول وتطلب تغيير التخصص

فتح الملف على النت مو لازم تسكن جمب الملحقيه

المواصلات على حسب المدينه اللي بتروحلها انشاء الله


انا مسوي قروب عالفيس فيه مواضيع كثير ..


اذا مهتم راسلني عالخاص

اقتباس:

---

المشاركة الأصلية كتبت بواسطة saron

سؤال محيرني

تم قبولي بالبعثه ولكن
هل سيتم قبولي بالجامه في بلد الابتعاث لأن((وثيقتي التخرج ليس لها علاقه بالتخصص الذي قبلت فيه)) !!
ارجو افادتي اذا بإمكاني اغير التخصص .

ماالحل؟!!!

---

القبول اللي بيجيك قبول معهد لغه فقط

قبول الجامعه انتي تبحثين عنه وتجيبينه بعد وصولك لبلد الابتعاث

وتقدرين تجيبين قبول في التخصص المرغوب ،، بس يكون تخصص معترف فيه ومطلوب

وتقدمين فيه للملحقيه والتغيير يكون وقتها سهل انشاء الله

:)

اقتباس:

---

المشاركة الأصلية كتبت بواسطة HannEve

مرحبااا

اخويا بيروح معايا مرافق وكمان بيدرس لكنه حاليا بيدرس في كلية وناوي يسحب بس متى الوقت المناسب؟؟

شكرا

---

يقدر اتوقع اذا كان مرافق يطلب ايقاف الدراسه بحكم الابتعاث

اول مايطلع قبولكم واوراقكم الرسميه اللي تثبت انه مرافق خليه يقدمها

والله يسهلهكم


وانا في الخدمه اذا انتم ناوين تجون تورنتو

اقتباس:

---

المشاركة الأصلية كتبت بواسطة Reem A

الله يجزاك خير اخي عبد الرحمن
تعرف مدينة كينغستون كل ما اسئل عنا ما احد يجاوب حتى بحثت في قوقل ومالقيت اجابات شافية
اذا تعرفها قلي عنها وشكرا

---

وين اي دوله

اي ولايه

وش سالفتك معها


وانا انشاء الله اجيبلك اللي تبين عنها


لو بس تعطيني اسم جامعه ولا معهد فيها

اقتباس:

---

المشاركة الأصلية كتبت بواسطة moo77dy

طيب اخوي سوري دخلت با الغلط انا من طلاب المرحله السادسه والحين حاليا في تورنتو وابي قبول لغه من جامعه تورنتو او يورك بس سمعت انهم مقفلين حتى شهر 5 هل هذا الكلام صحيح

---

لا مو صحيح


راسلني عالخاص وبعطيك رقمي ... واجيبلك انشاء الله القبول

هو مقفل بس بيفتح نهايه السنه


تقدر تبدا على جانيوري

اقتباس:

---

المشاركة الأصلية كتبت بواسطة دارينا

السلام عليكم عندي استفسار اخوي لو تكرمت ,,,
انا انقبلت ماستر تسويق ودي اغير موارد بشريه اش الافضل محتاجه رايكم؟
وابغا جامعة ماتشترط اختبارالجيمات سواء تخصص تسويق او موارد بشرية؟؟؟
وشكرا

---

انا عن رايي وخبرتي في العمل

اشوف الموارد البشريه افضلك بكثير

فيه جامعات ماتطلب جيمات


انتي على وين رايحه انشاء الله

علعموم بعد وصولك بلد الابتعاث وبدايه دراستك للغه تبدين تبحثين عن جامعه .... والقبول يكون مشروط باللغه

يعني بدرجه الايلتس

والله يسهلهك دربك

اقتباس:

---

المشاركة الأصلية كتبت بواسطة Canadian hero

يقدر اتوقع اذا كان مرافق يطلب ايقاف الدراسه بحكم الابتعاث

اول مايطلع قبولكم واوراقكم الرسميه اللي تثبت انه مرافق خليه يقدمها

والله يسهلهكم


وانا في الخدمه اذا انتم ناوين تجون تورنتو

---

يعطيك العافية بس عفوا مافهمت عليك يعني بعد مايجي قبولنا ويصدر قرارالابتعاث يبدأ يسحب ملفه من كليته؟؟ لانو ابدا مايبغاها..

اقتباس:

---

المشاركة الأصلية كتبت بواسطة الملكه

مراحب انا تم ترشيحي بكندا
بس بالنسبه للفيزا ماطلعت اطلعها الحين

---

لا اختي


بعد الملتقى


يوصلك قبولك للمعهد

تطبعينه

وتجهزين باقي اوراقك واوراق المرافق وترسلينها

بيكون فيه وقت كافي لاتشيلين هم

واذا تبين قوليلي انتي وين


ادلك على مكتب يخلص اوراقك علطول

اقتباس:

---

المشاركة الأصلية كتبت بواسطة طموح محاميه

كم يستغرق استخراج فيزا المرافق السياحية B2 لان موعد دراستي 4-1-2012م يمديها تطلع لو اخذ موعد على بعد اسبوعين ؟

---

والله ماعندي اي خلفيه عن السفاره الامريكيه ... والوقت اللي ياخذونه

انا اسالني عن كندا

اقتباس:

---

المشاركة الأصلية كتبت بواسطة الجوهرة الهادي

ربي يسعدك عبدالرحمن دنيا وآخرة الله يسهل أمرك انشالله يعني يدرس علي طول علي حساب الدوله ؟؟اذا وصل هناك كمرافق ؟يعنني يستطيع بعد مايخلص المعهد يكمل بكالريوس ؟؟ بتخصص اللي يبية؟*

---

ويسعدك اختي

ايه ... ومليون ايه

الله يعز ابو متعب ويطول بعمره


يكمل بمعهد على حساب الدوله ... وينزله راتب

ويخلص يشوف التخصص اللي يبيه بس يكون تخصص في جامعه معترف فيها وتخصص مرغوب ومطلوب

وكمان عالدوله

....

الله يكتبلكم الخير ويسهل دروبكم