المرافق ،، وشلون يقدم ع معهد وهو مايدري عن المعهد المختار من الوزارة ..

السلام عليكم

في البداية اشوف بعض المرافقين بدأ في مراسلة المعاهد وبعض الجامعات

والبعض الآخر ذهب للمكاتب وجاب قبول من المعاهد كذلك

والوزارة الى الان لم تختار معهد المبتعثة الى الان ولم تحدد المدينة او الولاية حتى

ارجو من لديه المعلومة افادة الجميع

هل عمل هؤلاء المرافقين صح وأنا اللي نايم بالعسل

او هم استعجلوا والمفروض انتظار تحديد المعهد من الوزارة للمبتعثة بعد ذلك يطلب قبول من اي مكتب من نفس المعهد

حتى يتمكن من الدراسة في نفس معهد المبتعثة

او انا غلطان باختيار الوزارة معهد المبتعثة

افيدونا لا هنتم

انا الي فهمت انه تطلع للمبتعثه والمرافق قبول يعني ما تنتظروا حتى يطلع قبول المبتعثه
والله يسر امورنا وامورك يارب

وشلون يعني اروح للمكتب واجيب قبول لي وللمبتعثة

وين الضمان والشهادة البنكية والكلام هذا كله

اخوي ابو رهف انا مرافق مع زوجتي واللي اسمعه ان الوزارة تجيب قبول لغة فقط للمااسترللمبتعثة وللمرافق ........

وياليت يفيدونا الاخوان والاخوات .........................

وانا بعد نفس الشي ابي اعرف لانه اخوي معي ويبي يدرس لغه بس مو عارفه هل الوزاره كمان تعطي المرافق قبول من المعهد ولا بس المبتعثه ..؟؟؟

اقتباس:

---

المشاركة الأصلية كتبت بواسطة الزويمل بدر

اخوي ابو رهف انا مرافق مع زوجتي واللي اسمعه ان الوزارة تجيب قبول لغة فقط للمااسترللمبتعثة وللمرافق ........

وياليت يفيدونا الاخوان والاخوات .........................

---

طيب حلو

هذا اللي نبيه قبول معهد وبس

الجامعه وقبولها اذا وصلنا معانا سنة كاملة ابحث ع راحتك مو كذا او انا غلطان


المشكلة اللي يقول انا جبت قبول معهد لي وللمبتعثة وهو مايدري وين بيصير ماعرف الا الدولة بس


هذا اللي نبي نعرفه

هل الوزارة تجيب قبول معهد للمبتعثة ومرافقها او للمبتعثة فقط والمرافق يدبر نفسه من اي مكتب بعد مايعرف اسم معهد المبتعثة اللي اختارته الوزارة

فيه سؤال بعد اخير

هل الوزارة تدفع تكاليف معهد اللغة للمرافق

او المرافق يدفعها من حسابه الخاص

الوزارة تجيب للمبتعثه وللمرافق قبول في نفس المعهد
اذا انت تبي تجيب لنفسك جب لك وللمبتعثه علشان تكونون مع بعض
ماعليك من كلام الناس انت بالسليم ان شاء الله

اقتباس:

---

المشاركة الأصلية كتبت بواسطة Abo Rahaf

فيه سؤال بعد اخير

هل الوزارة تدفع تكاليف معهد اللغة للمرافق

او المرافق يدفعها من حسابه الخاص

---

أكيد بيدفعون الوزارة للمرافق ولا يهونون!
مدفوعات وتضحيات المرافق الموظف لاتحصى!!

يا سبحااااان الله توني كنت بأنشئ موووووضوع اسأل نفس سؤال ابو رهف

كيف زوجي يجيب لنفسه قبووول وهو بعده معرف انا وين قبووولي

يعني اللي افهمه من كلامكم انو ينتظر لحد ما يشووف قبولي بأي معهد وجيب لنفسه ...

طيب اذا الوزاره تجيب له قبووول وش الاجراءات المتبعه اللي اسويها عشان الوزاره تجيب له القبووول ؟؟؟ <<ممكن تجاوبوني

والمعذر منك يابو رهف سئلنا بموضوعك

شامخة

هلا والموضوع للجميع فهمنا واحد

وتكفون جابوها ترى سؤالها مهم جداً لها ولنا بعد


أم مزون

الله يرضى عليك ويوفقك ويسهل دربك

الكلام اللي قلتيه اكيد اكيد

يعني ما أروح للمكاتب مثل باقي الشباب اجيب قبول

والوزارة هي اللي تختار المدينة او المبتعثة

مثلاً

انا وزوجتي نبي جالواي في ايرلندا واخاف يجيبون قبول في معاهد دبلن وهذي ما أبيها لو مايبقى الا هي


اسف ام مزون لكن انتظر اجابتك وهل انت مبتعثة مسبقاً

اذا معك شهادة بنكيه تقدر تجيب لزوجتك ولك في نفس المعهد بس يكون القبول منفصل عن بعض عشان المرافق يدرس فل تايم ويطلع بفيزا طالب
واذا ماعندك شهادة بنكيه انتظر الوزارة تجيبلك واتوقع المكتب المسؤول هوا تجسير تكلمهم عشان يجيبولك قبول منفصل في نفس المعهد مع زوجتك
والوزارة تتكفل بدراسه اللغه للمرافق ولما تروح الملحقيه هما راح يعطوك الضمان

والله أعلم ..

الله يوفقك ياسيدة وجزاك الله خير

ولكن هل اكلم تجسير من الان او متى بالضبط

ياصابر سنة زدها ثمان!
ثمان أيام ودمتم في أمان!!
=======
أزين ما في قبول الوزارة أنه مضمون!
ويعفيك عن متاهات التكدس وكثر الضنون!!

اقتباس:

---

المشاركة الأصلية كتبت بواسطة Abo Rahaf

شامخة

هلا والموضوع للجميع فهمنا واحد

وتكفون جابوها ترى سؤالها مهم جداً لها ولنا بعد


أم مزون

الله يرضى عليك ويوفقك ويسهل دربك

الكلام اللي قلتيه اكيد اكيد

يعني ما أروح للمكاتب مثل باقي الشباب اجيب قبول

والوزارة هي اللي تختار المدينة او المبتعثة

مثلاً

انا وزوجتي نبي جالواي في ايرلندا واخاف يجيبون قبول في معاهد دبلن وهذي ما أبيها لو مايبقى الا هي


اسف ام مزون لكن انتظر اجابتك وهل انت مبتعثة مسبقاً

---

ايوة الوزارة تجيب لك قبول عن طريق تجسير بس لازم تروح لهم وترسل بيناتك وتطلب انهم يجيبون لك قبول في نفس معهد المبتعثه لان المكتب مايدري اذا المرافق بيدرس او لا
انت تخبرهم وترسل لهم اوراقك

ايوة انا مبتعثه
واي سوال انا حاضرة

الله يجزاك خير على التوضيح لكن عندي سؤال*
بالنسبه الولايه هم اللي يحددون والا انا اختار*
وومن وجهة نظرك كونك مبتعثه*
هل الافضل اني اجيب قبول للمبتعثه والمرافق بمكان مااختار*
(من ناحية الولايه والسكن وغيره ) يعني اختار المكان اللي ابي*
واسلمه للوزاره بعدها من شان يعتمدونه لي*

والا انتظر قبولهم هم واقبل بمكان ماهم يبون *
*
وكل الشكرر لك

ام مزون بالنسبة لطلاب الماستر
الي اعرفة ان الوزارة تجيب قبول معهد للمبتعثة فقط وهذا مكتوب بالموقع
بالنسبة للمرافق ما ادري هل يكلم المكتب التابع للوزارة يجيب قبول له او هو يجيب بنفسة الله واعلم

اخواني انا مرافق وليه سنه الان في كندا كل اللي عليك الوزارة توجهت لمكتب يجيبلك القبول والمكتب حيتصل عليك ويخيرك بالمدينه والمعهد في دولة الابتعاث وهمه يجبولك قبول انت والمبتعثه في نفس المعهد بعدين تقدمه للوزارة لاخذ الضمان المالي بعدين تاخذ الضمان المالي والقبول وتستخرج به الفيزاء وبس

الله يجزاك خير ويسهل امرك

واسمحلي مدقق بسؤال

المكتب هو اللي يختار المدينة مو المبتعثة ؟؟

ثانياً اذا المكتب هو من يختار المدينة ماهو الاجراء المناسب

لأختار أنا المدينة

وشكراً لك

اقتباس:

---

المشاركة الأصلية كتبت بواسطة مدقق رواتب

اخواني انا مرافق وليه سنه الان في كندا كل اللي عليك الوزارة توجهت لمكتب يجيبلك القبول والمكتب حيتصل عليك ويخيرك بالمدينه والمعهد في دولة الابتعاث وهمه يجبولك قبول انت والمبتعثه في نفس المعهد بعدين تقدمه للوزارة لاخذ الضمان المالي بعدين تاخذ الضمان المالي والقبول وتستخرج به الفيزاء وبس

---

مدقق ترا والله كلامك مافهمت منه ولا شي وبالذات الجملة هذي ((كل اللي عليك الوزارة توجهت لمكتب يجيبلك القبول)) ممكن بالتفصيل

بانتظار عزيزنا مدقق

فرصة ناهذ المعلومة من رجل مرّ بالتجربة

وصاحب خبرة في مثل هذه المواضيع

^افهم من كلامكم انو مستحيل يجي قبولي من الوازاره انا واخوي بنفس المعهد
لازم حنا نجيبه :(
الله يسهل علينا وعليكم ..

يعطيكم العافية

شباب أنا أختي إنقبلت في كندا (ماستر فيزياء) , وكانت كاتبه إسم الوالد كمحرم , وبنطلب طلب تغيير المحرم في الملتقى القادم ( 29 ذي الحجة) علشان أروح بدال أبوي كمرافق لها لأني أبي استفيد توني متخرج من الجامعة قبل اسبوعين وحاب أكمل الماستر تخصصي (هندسة مدنية).

أنا اليوم سويت خطاب طلب تغيير المحرم وبيكون عليه توقيع الوالد (إقرار ولي أمر) , وبنرفقه مع كامل أوراقي علشان اختي توديه للملتقى وتعطيهم طلب تغيير المحرم .

بس المشكلة إني توني متخرج وماعندي إلا :

1- كشف درجات الجامعة.
2-الأصل و صورة من الجواز والإثبات.
3-شهادة حسن سيرة وسلوك.
4- الوثيقة مازلت أنتظر إصدارها .

والمشكلة الأكبر إن شهادة الثانوية المترجمة اللي ترجمتها قبل 5 سنين كان عليها رقم الجواز القديم يختلف عن رقم جوازي الجديد فهل لازم أعيد الترجمة من جديد علشان أعدل رقم جوازي في شهادة الثانوية ولا أكتفي بكشف درجات الجامعة .

__________________________________________________ _____________________

الإستفسارات :

1- هل لازم أقدم طلب تغيير المحرم ومعاه كل أوراقي قبل الملتقى ولا أخليها تقدمه في موعد الملتقى ؟

2- هل لو قدمت طلب تغيير المحرم في وقت الملتقى بيدورون لي قبول معهد لأني مرافق ؟


3- لو قدمت طلب تغيير المحرم قبل الملتقى هل قبول المعهد بيكون جاهز في الملتقى اللي بيكون بعد اسبوعين ؟


4- بالنسبة لوضعي متخرج بكالوريوس , هل مهم ترجمة شهادة الثانوية العامة لأن زي ماقلتلكم إن رقم الجواز في شهادة الثانوية المترجمة اللي ترجمتها قبل 5 سنوات مختلف عن جوازي الحالي؟

5- هل التأخير في إصدار الوثيقة من الجامعة بيأثر على وضعي ؟

لا تدخلون المواضيع مع بعض


يا اخي الفاضل سعود

فيه مواضيع خاصة لمشكلتك

هذا الموضوع خاص بالمرافق

عشان ما تمحور الموضوع الي مواضيع اخري


بإنتظار أخونا مدقق

الصراحه سؤال يطرح نفسه هل فيه إمكانية لتعديل البيانات وتغيير المحرم في الملتقى ؟

اقتباس:

---

المشاركة الأصلية كتبت بواسطة fayed

الله يجزاك خير على التوضيح لكن عندي سؤال*
بالنسبه الولايه هم اللي يحددون والا انا اختار*
وومن وجهة نظرك كونك مبتعثه*
هل الافضل اني اجيب قبول للمبتعثه والمرافق بمكان مااختار*
(من ناحية الولايه والسكن وغيره ) يعني اختار المكان اللي ابي*
واسلمه للوزاره بعدها من شان يعتمدونه لي*

والا انتظر قبولهم هم واقبل بمكان ماهم يبون *
*
وكل الشكرر لك

---

المكتب يجيب لك قبول على كيفه
والله على كيفك اذا ماتفرق معك في اي ولايه انتظري قبول الوزارة بس اذا تفرق جيبي لنفسك
انا انتظرت قبول الوزارة بس مااعجبني وجبت لي قبول بنفسي
ترا مو لازم تودينه للوزارة يعتمدونه عادي

اقتباس:

---

المشاركة الأصلية كتبت بواسطة Naif1981

ام مزون بالنسبة لطلاب الماستر
الي اعرفة ان الوزارة تجيب قبول معهد للمبتعثة فقط وهذا مكتوب بالموقع
بالنسبة للمرافق ما ادري هل يكلم المكتب التابع للوزارة يجيب قبول له او هو يجيب بنفسة الله واعلم

---

ايوة يكلم المكتب ويقول انه مرافق للمبتعثه وانه يبي قبول لغه في نفس معهدك ويجيبونه له عادي واذا مايبي ينتظر المكتب يجيب له قبول

ياناس كيف اجيب قبول لي وللمرافق بالمعهد مشكله المكاتب غااااااليه اووووووووووووف ايش الحل ؟؟؟؟؟؟؟؟؟؟؟؟؟

مو يقولون تجسير الفكر متعاقده معه الوزارة

يعني يجيب قبول الله لا يهينه ولا ياخذ ولا ريال وإلا

مايحتاج تجيبون قبول راح يوصلكم قبول من الوزارة قبول للمبتعثة وللمرافق في نفس المعهد وفيه ناس يوصلهم قبول من مكاتب القبول
لكن بتكون الاي تونتي تبع المرافق اف 2
أنا بالمرحلة السادسة استلمت قبولي وقبول مرافقي لكن كان اف 2 يعني نص دوام
و راسلت المعهد وارسلولي اي تونتي جديد لمرافق اف 1 ووصلني بسرعه
أما اللي مايبي قبول الوزارة أو المعهد اللي اختاروه الملحقية يطلب لنفسه قبول من نفس المعهد وأظنها سهله جداً ماتحتاج تكلفون على أنفسكم بمكاتب القبول !
اللي يبيني أساعده بطريقة طلب الايتونتي من المعهد سهله جداً

بالنسبة للأخ اللي سأل عن تغيير المحرم مايحتاج أوراق ولاشي
راح توصلكم رسالة من الملحقية أو المعهد تعبون فيها بيانات المبتعثة وبيانات المرافق وراح تعبي بيانات المرافق الجديد وبس !
مايحتاج لاتراجع ولاتبلغ أحد ولاشي لأنه ماوصلكم الاي تونتي الى الحين ! , أنا كنت مسجلة أخوي مرافق وغيرت لزوجي بهالطريقة

الله يوفقكم ويسهل أموركم واللي محتاج أي استفسار أنا بالخدمة
دعواتكم لي بالتوفيق بدراستي .