إجراءات طلب تغيير محرم ( للأهمية تكفون )
السلام عليكم ورحمة الله وبركاته
كل عام وأنتم بألف خير
ألف مبروك لكل المقبولين
أختي إنقبلت في البرنامج وكانت كاتبة إسم الوالد كمحرم..
ولكن الوالد طرئت عليه ظروف خاصه تمنع إنه يرافقها ..
وبنفس الوقت أنا تخرجت من الجامعة قبل اسبوعين..
وحاب أستغل الفرصة و أكمل الماجستير معها ..
الإستفسارات :
1- الإجراءات اللازمة لطلب تغيير محرم + وماهي الصيغة الرسمية اللازمة كما هو موضع نصاً من موقع الوزارة :
"بالنسبة للمحرم المرافق (زوج – أب – أخ) إذا كان أخاً، فعليه إحضار وكالة شرعية من والده بالسماح له بمرافقة أخته."؟
___
2-هل فيه إمكانية إن أختي تطلب تعديل المرافق في الملتقى القادم بدلاً من أني أراجع مكتبهم في الرياض ؟
____
3- بالنسبة لوضعي كمرافق كيف أقدر أنظم لبرنامج الإبتعاث وأحصل على قبول معهد + جامعة كباقي المبتعثين ؟
____
رد: إجراءات طلب تغيير محرم ( للأهمية تكفون )
يارب سهلها والقى احد يجاوب جواب شافي
رد: إجراءات طلب تغيير محرم ( للأهمية تكفون )
تغير المحرم سهل جدا لان انا بغير محرمي من اخوي ل زوجي ماعليك غير تراسل الوزاره او تراجعهم او تغير في الملتقى اسهل شي تغير المحرم لاتخاف وفيه صيغه لتغير المحرم كالاتي : اقر انا ولي امر الطالبه : وبصفتي الشريعه .... هنا يكتب ابوك بصفتي الشريعه والدها بانه لا امانع لدي من ان تسافر الطالبه للدراسه في الخارج المملكه وان تكون مصحوبه بمحرم شرعي خلال مده بعثه الدراسه في الخارج وفي حال مخالفتي للشروط سواء بعدم وجود محرم طيلة فتره الدراسه او غيره يحق للوزاره اتخاذ ماتراه مناسبا من قطع للبعثه او اتخاذ الاجراء المناسب .... وبس هذا الخطاب تطبعه بالوورد وتكتب عنوانه اقرار ولي امر الطالبه واخر شي تكتب المقر بما فيه ... الي هو اسم ابوك تكتبه
وبالتوفيييق دعوااتك
رد: إجراءات طلب تغيير محرم ( للأهمية تكفون )
اقتباس:
المشاركة الأصلية كتبت بواسطة Saud88
الإستفسارات :
1- الإجراءات اللازمة لطلب تغيير محرم + وماهي الصيغة الرسمية اللازمة كما هو موضع نصاً من موقع الوزارة :
"بالنسبة للمحرم المرافق (زوج – أب – أخ) إذا كان أخاً، فعليه إحضار وكالة شرعية من والده بالسماح له بمرافقة أخته."؟
توكيل من والدك لك بمرافقه اختك وتوقع من محكمه او توقيع من العمده و الشرطه معا
___
2-هل فيه إمكانية إن أختي تطلب تعديل المرافق في الملتقى القادم بدلاً من أني أراجع مكتبهم في الرياض ؟
ايوه اعتقد تقدر تغيره ان شاء
____
3- بالنسبة لوضعي كمرافق كيف أقدر أنظم لبرنامج الإبتعاث وأحصل على قبول معهد + جامعة كباقي المبتعثين ؟
المكاتب المتعامله معها الوزاره اللى راح تجيب قبول لاختك راح تجيب لك قبول معهد
و الجامعه للماستر الوزاره ما تجيبه انت تتكفل فيه
____
هذا اللى اعرفه
وبعد حضور الملتقى كل شئ راح يوضح
و تقدر تتاكد بنفسها عن خطوات تغير المحرم و القبول و كل شئ
رد: إجراءات طلب تغيير محرم ( للأهمية تكفون )
طموح ماستر
فيزيائيه طبيه
يعطيكم الف عافية طمنتوني
بس لو أكتب خطاب طلب تغيير المحرم وفيه توقيع الوالد يكفي ولا لازم محكمة وشرطة لووووووووووول ..!!!؟؟
وبالنسبة لو نجحت في المعهد وجبت التوفل أقدر أقدمه للملحقية هناك ويضموني للإبتعاث وبالتالي يدورون لي على جامعة للماستر ...!؟
رد: إجراءات طلب تغيير محرم ( للأهمية تكفون )
لازم توقيع ابوك بدون توقيع شرطه ولاشي انا سويت كذا وعطيتهم في التدقيق بس الي مو اخوها اوزوجها هم الي يختمون ويقعون من عمده او مركز الشرطه
رد: إجراءات طلب تغيير محرم ( للأهمية تكفون )
طلب التغيير ما يحتاج محكمه
بس التوكيل الشرعى من والدك لازم محكمه او (عمده وشرطه )
و ترى مهم عند اصدار القرار
و حتى المبتعثه الوزاره ما تجيب لها قبول جامعه فقط معهد
الوزاره مالها دخل فى قبول الجامعه لطلاب الدراسات العليا
انتم اذا خلصتو اللغه و درجه التوفل تقدمو على الجامعات و تراسلوها بنفسكم
و تقدم قبولك للملحقيه عشان تصير مبتعث زيها من ناحيه المكافأه
رد: إجراءات طلب تغيير محرم ( للأهمية تكفون )
فيزيائيه طبيه , طموح ماستر
عالعموم أنا بسوي خطاب تغيير محرم وبخلي الوالد يوقع عليه وفي يوم الملتقى اللي بيصادف ( 29 ذي الحجة ) ويكون معه صورة من جوازي وإثباتي وبطاقة العائلة ومثلها لأبوي , وإن شاء الله يوافقون
بس وش رايكم لما تعطيهم الخطاب أعطيها صورة من كشف درجاتي في الجامعة+ كشف درجات الثانوية العامة مترجمة , علشان أتطمن إنهم بيدورون لي معهد معها
رد: إجراءات طلب تغيير محرم ( للأهمية تكفون )
"انتم اذا خلصتو اللغه و درجه التوفل تقدمو على الجامعات و تراسلوها بنفسكم "
الله يعين أنا تخصصيي هندسة مدنية وهي تخصصها فيزياء
اعتقد كلنا لازم يكون عندنا توفل والأهم آيلت ( مثل إختبار القدرات)
رد: إجراءات طلب تغيير محرم ( للأهمية تكفون )
ايه كل شي عطهم ولاتنسا كل شي مترجم كشف درجات وكل شي مترررجم لان يبي يقولون لك ترجمها .. بالتوفيق