نبدأ بالحجز للذهاب للملتقى ؟ ( او ممكن يتغير مكان الملتقى )

السلام عليكم ورحمة الله وبركاته
بعد ما صدرت الاسماء , وعرف كل منا مكان الملتقى ,
واكيد فيه ناس عندهم مكان ملتقيات وودوهم مكان ثاني
هل نحجز ؟ ولا ننتظر ممكن يتغير هالكلام ؟

والله وانا اخوك انصحك بالصبر والتريث الى يوم السبت القادم

ان لم يصدر جديد ابدا بالاستعداد ....

لان يوم السبت سوف نذهب اليهم وسوف يذهب الكثيرون اليهم ...

اتمنى لك التوفيق ...

عفوا

حجز على أيش ؟ .. حطوني بالصورة ،، بليز ^__^

اقتباس:

---

المشاركة الأصلية كتبت بواسطة طموحي للمعالي

السلام عليكم ورحمة الله وبركاته
بعد ما صدرت الاسماء , وعرف كل منا مكان الملتقى ,
واكيد فيه ناس عندهم مكان ملتقيات وودوهم مكان ثاني
هل نحجز ؟ ولا ننتظر ممكن يتغير هالكلام ؟

---

ممكن طموحك العالي يضرب فيك الدهناء !!
لذلك اصبر لأحد الأسبوع الجاي
" السبت أو الأحد "
والله يكتب اللي فيه الخير

ع قولك ياخوي
وودي صراحة انهم يتفهمون ويقدرون وضع الناس
يعني صراحة ناس في الرياض وحاطينهم بالخبر وناس بالخبر حاطينهم بجدة و ,,,,,,,,,
بودنا صراحة يسهلون ع الناس ويراعون ظروفهم

ان شاء يتغيير ولا راحت البعثه علينا
حسبي الله ونعم الوكييل

انصحك تصبر لما تجيك رسالة على الجوال او الايميل يمكن الموقع مو صحيح

اقتباس:

---

المشاركة الأصلية كتبت بواسطة *الكاميليا*

عفوا

حجز على أيش ؟ .. حطوني بالصورة ،، بليز ^__^

---

يقصد حجز طائرة وفندق

الكاميليا حبيبتي طلعت مواقع الملتقيات

وحايسين الدنيا اللي بالرياض ارسلوهم لجده واللي بجده للرياض واللي بجيزان بالخبر

وأنا بعد نفس سؤال صاحب الموضوع

ولكن بنتظر للسبت مثل ماقلتوا الله يعين بس

شكرا عالرد

أنا الحمد لله في جدة ،، نفس مركزي

حبيبتي تأكدي لأن بعضهم مخلين اسم المركز نفس ماهو

لكن مدينة الملتقى تختلف نصيحه تأكدي لايروح عليك شي

لأن اذا كنتي من جده أغلبهم ارسلوهم للرياض والرياض الاسبوع الجاي الملتقى

ياناس وش قصه الملتقيااااااااااات
وليه قالعيني بأخر الدنيا
موديني لجده ليش مايكون ملتقاي بمنطقه اللي دققت فيهاااااااا
هل يحق لي ان اختار الملتقى القريب لي
لاني من الشمال صعب اطلع جده

يالجماعة الخير اصبر يمكن الله يحدث بعد ذلك امرا

اقتباس:

---

المشاركة الأصلية كتبت بواسطة وش اسوي

يالجماعة الخير اصبر يمكن الله يحدث بعد ذلك امرا

---

اهلا اخوي بما أنك تسأل وش تسوي ؟؟ :)
انا من رايي لو كنت قريب من الوزارة تحضرعندهم من يوم السبت ؟؟
لعل وعسى تترتب الأوضاع ؟؟
وانا من بدري هناك .

اقتباس:

---

المشاركة الأصلية كتبت بواسطة Chancellor10

اهلا اخوي بما أنك تسأل وش تسوي ؟؟ :)
انا من رايي لو كنت قريب من الوزارة تحضرعندهم من يوم السبت ؟؟
لعل وعسى تترتب الأوضاع ؟؟
وانا من بدري هناك .

---

شباب انا هناك الساعه 7 ونص يعني قبل دوامهم
وترا انا مو من الرياض انا بعيد عن الرياض شوي ..

بس بحضر وبجيب القهوه ومين يجيب التمر والحلى ؟؟

وبالله لاتنسون سندوشات كبده وشكشوكه اوووك ...

الوعد الصبح ان شاء الله لاتنسوووووون ....

انا من الرياض ومددقه بالمركز
وحاطين الملتقى بجده وبالصاله الرجاليه
وشلون بروح جده ؟؟؟؟؟؟؟؟؟؟؟:(

اي والله اش رأيكم
احجز اخاف اتوهق والله ولا اللاقي حجز
اما ارووح بررر ياووويلي عذاااااااااااب

انا بحجز على الإمارات - أبو ظبي :p
^ اختباري التوفل في أبو ظبي نفس يوم الملتقى
ياحلاوووووووه :D

والله مشكله
يارب يرجعون كل ناس نفس مكان تدقيقهم : (

خخخخخخخخخخخخخخخخيررررررررر انا حاطيني بجدة لا ماقدر اروح ابد ابد ابدابد :(

احسسن حل هو اننا ننتظظر لين يوم السسبت ونششوف مكن يتعدل ششي ويعرفون ان الي مسسوينه غلط .. او ممكن حصصلت لخبطه ويتراجعون ,, انا بججده وللاسسف الملتقى حقي بالخخبر .. انا اتوقع في غلط صصار عندهم ننتظر ونششوف والله يعين

والله الظاهر انها مشكلة جدا كبيرة
اتمنى من كل قلبي انها تنحل - ويجعلون الملتقى في نفس مكان التدقيق
من باب التسهيل ع جميع الاخوان ومراعاة لظروفهم

اشلون لخبطة وغلط ، معقولة ملخبطين وغلطانين في العالم كله !!!!

هذي مؤااااااااااااامره ، شافوا العدد كبير قالوا ينحشونا وأولها بسالفة القبولات:mad::mad::mad: <<<< حدي محبطه

حاذفيني من اقصى الشرق لأقصى الغرب لا حول ولا قوة الا بالله

بودي نتاكد من الخبر اللي ذكره احد الاعضاء بخصوص انو الملتقى في نفس مكان التدقيق
او المنطقة اللي تابع لها .

من وين اقدر اشوف وين حطوني باي ملتقى؟
بسرعة ردوا عليي الله يجزاك خير!!!!

انا من جده و حطوني بالرياض
على اي اساس هم وزعوا الناس ؟؟؟!!!!!!! ابغى اعرف من جد !!!!!!

جاء الفرج ...

https://col119.mail.live.com/Handler...ges%2flogo.gif

وكالة الوزارة لشؤون الإبتعاث

( برنامج خادم الحرمين الشريفين للآبتعاث الخارجي )

بإمكانك الحضور إلى ملتقى الطلاب المبتعثين والذي سيبدأ في مدينة جدة يوم الخميس 13/1/1433 الموافق 8/12/2011

فندق هيلتون جدة وعليك الحضور في اليوم الأول وتسجيل بياناتك

من الساعة 8 صباحا حتى 1 ظهراً

ومن الساعه 4 عصراَ حتى 9 مساء

---

‏‏

السلام عليكم ورحمة الله وبركاتة

أنا من مكة وطلعلي الملتقى بالرياض !
و محرمي مرتبط بعمله .
فهل ممكن احضر ملتقى جدة ؟
أو في أمل انو يسير تغيير في ذا الاسبوع بالتوزيع

جاوبوني ياريت ...

اللي مواعيد الملتقى حقهم بجده متى بالضبط موعد تسليم البطايق وتسجيل البيانات الساعة كم بالضبط الصباح ولا العصر .... لان طيرووووووني الخبر وحاب احضر بملتقى جده ...

http://www.mbt3th.us/vb/forum149/thr...post1061569414

حذف المشاركة :)

اقتباس:

---

المشاركة الأصلية كتبت بواسطة prestige10

http://www.mbt3th.us/vb/forum149/thr...post1061569414

---

يعطيك العافية ع التوضيح