هـــام جــداً: للطلاب اللي بيقدمون عالسفارة بخصوص كشف الحساب ((كلام موثوق وعن تجربة))

السلام عليكم

حبيت أفيدكم أيها الأعزاء بخصوص موضوع السفارة الامريكية وكشف الحساب .. خصوصاً ان الكلام حول هالنقطة كثير وكل واحد يفتي من راسه .. أحد يقول لازم ضمان بنكي .. وأحد يقول لازم شهادة بنكية وباللغة الانقليزية وبعملة الدولار .. مهوب ناقص الا يجي واحد ويقول لازم تروح السفارة ومعك خيشة رز فيها فلوس !! :D هذي كلها احتياطات مالها لاز م .

السفارة تقبل كشف الحساب العادي .. حتى لو تطبعه من النت وتسلمه لهم راح يقبلونه ويحبون خشمك بعد .
ادخل على حسابك في النت واطبع كشف حساب واهم شي يكون فيه فلوس وقدمه للسفارة .
وع فكرة السفارة في موقعها كاتبه شروط الفيزا يكون فيه ((كشف حساب)) ماقالت ضمان بنكي او شهادة بنكية !! فـ ليه البعض يحب يعقد نفسه ؟؟!!

أنا الحمدلله قدمت للسفارة كشف حساب طابعه من النت وبدون ختم ولا توقيع وبعملة الريال السعودي وقبلوه وعطوني الفيزا بفضل الله وكرمه .

طبعا اكيد بتسألون : كم المبلغ اللي لازم يكون في الحساب؟ المبلغ يا اصدقائي لازم يكون اكثر من اللي مكتوب في الـ I-20 ، يعني مثلاً
لو معهدك كاتب في الـ I-20 حقك ان تكاليف الدراسة والمعيشة تكلف ٢٤ الف دولار ، فلازم يكون حسابك فيه هالمبلغ وأكثر شوي، واضحة النقطة؟

حبيت افيدكم بهالمعلومة لأنها تؤرق كثير من الطلاب .

بالتوفيق للجميع ولاتنسوني من دعواتكم

تنبيه هام جداً:

موضوعي موجه فقط للي بيدرسون ع حسابهم الخاص + المرافقين .

أما الطلاب اللي ع حساب الوزارة فما يحتاجون لكشف حساب ، ويروحون عادي للسفارة لأن أصلاً راح يكون معهم ضمان مالي حق الوزارة .

وبالمناسبة أنا مبتعث ع حساب الوزارة بس قدمت عالسفارة بدري بكشف حساب شخصي عشان تخلص اموري بسرعة .
يعني لو واحد من المبتعثين ع حساب الوزارة ماجاه الضمان أو تأخر عليه يقدر يروح للسفارة بكشف حساب شخصي ويطلع الفيزا ان شاء الله .

الوزارة ما ارسلت اسماءنا للسفاره ؟

طيب يعني ماله داعي خطاب السفارة الي يعطوني هوا الوزارة ؟؟؟؟؟؟؟

يا اخوان انا اتكلم عن اللي ماجاه الضمان ووده يقدم بكشف حساب خاص عشان تطلع الفيزا بسرعة .

لكن اللي عنده ضمان مالي خلاص وضعه في السليم يروح للسفارة بدون كشف حساب وراح تخلص اموره ان شاء الله .

موضوعي موجه للي بيدرسون ع حسابهم الخاص أو المرافقين .

الايتوني حقي بضمان شخصي ابي اطلع فيزا بضمان الوزاره وناس تقول ارسلوا اسماءنا وناس تقول خطاب للسفاره شسالفه يالربع ناخذ موعد قريب ولا دراستي 4 يناير وابي اطلع فيزه سياحيه للمرافق تهقون يمديني

uuuuuuuuuuuuuuuuuuuuup

يعني آقدر آطلع آلفيزآ قبل مآآخد آلآي تونتي ..؟!!

uuuuuuuuuuup

+2

:)

يعطيك العااافيه اخوووي متفاااائل

كفيت وفيت بجد ريحتنا كثيررر نحن المرافقين

تحياتي واشواقي لك

اقتباس:

---

المشاركة الأصلية كتبت بواسطة طموح محاميه

الوزارة ما ارسلت اسماءنا للسفاره ؟

---

أمس كان موعدي في السفارة

وقت المقابلة سألت عن الوزارة اذا ارسلت الاسماء .. جاتني وحدة لبنانية ماعطتني خبر زين
تقول : احنا بتجينا الاف القوائم انا شو بعرفني انتِ اسمك في اي قائمة .. انتِ لازمة تكوني عارفة باي قائمة وو و و ... ومن ذا الحكي

الله يصلحها اسلوبها حسسني اني من الصبح وانا ازن فوق راسها خخ
بس عموما ماعطوني خبر اكيد .. فتقديمي كان بكشف حساب خاص ونشوف كيف بعدين



حاولوا تاخذون الضمان المالي من الوزارة قبل الموعد عشان لاتدخلون في الحوسة
والله يسسسهل للجميع اللي ع حسابه واللي مبتعث

اقتباس:

---

المشاركة الأصلية كتبت بواسطة roresh

uuuuuuuuuuuuuuuuuuuuup

يعني آقدر آطلع آلفيزآ قبل مآآخد آلآي تونتي ..؟!!

---

لا ماتقدرين .. لازم تاخذين الاي تونتي وتسلمينه للسفارة عشان يعطونك فيزا ع امريكا .. بدون الاي تونتي راح يعطونك فيزا على بيتكم :D

بالمناسبة أنا مبتعث ع حساب الوزارة بس قدمت عالسفارة بدري بكشف حساب شخصي عشان تخلص اموري بسرعة .
يعني لو واحد من المبتعثين ع حساب الوزارة ماجاه الضمان أو تأخر عليه يقدر يروح للسفارة بكشف حساب شخصي ويطلع الفيزا ان شاء الله .

جزاك الله خير

والله يوفقك يارب

شكرااااااااااااااااا

شكراااااااااااااااااااا

والله أنا أشوفها ترجع للموظف اللي نفسه أحياناً تصادف موظف يمشيك بأي شيء وأحياناً يطلب منك تكمل أوراقك وترسلهن لهم!

طيب فيزة ابويا تكون سياحية اذا انا ضماني من الوزارة هوا لازم معاه كشف حساب خاص فيه ولا كيف؟

أخي الغالي متفائل ،،

كم أخذت يوم الفيزة عشان تصدر لك ..

موفق

المشكلة اخوي الشهادة طالبها مني المعهد حق اللغه التابع لجامعةوطالبها بنموذج من عندهمفهمت قصدي وبالدولار

يعطيك العافية ..

انتا قلت كلامك للي على احسابهم + المرافقين

طيب انا اخويا مرافق ليا وبدي اقدملو على معهد عادي بكشف حساب بابا؟؟

ولا لازم يندفع مبلغ؟؟

اقتباس:

---

المشاركة الأصلية كتبت بواسطة سي فود

أخي الغالي متفائل ،،

كم أخذت يوم الفيزة عشان تصدر لك ..

موفق

---

يومين ولله الحمد والمنة .

أنا عن نفسي يوم سويت المقابله قالولي عطنا ضمان مالي قلت ما عندي عندي شهاده بنكية قالي عطني اياها وشاف الختم ورجعها لي وقبولي واعطوني الفيزا بعد المقابله بيومين وسالني على حساب من طالع قلت على حسابي قال من وين لك الفلوس قلت من الوالد قال الوالد وش يشتغل قلت متقاعد مع العلم اني مطلع شهاده بنكية تجاريه

مشكوووور متفائل الله يووووووووووووووفقك يارب

الحين كل السفارات فيها مقابله

والله انهم ليطردوني ههههههههههههه

وبعدين يعني حتى لو وديت كشف حساب خاص لازم من ذا الايتوني ؟ >>>>>>> يارب اني كاتبته صح هع

اخ متفائل واخ شارلوتسفيل متى كان موعد مقابلتكم

جزاك الله الف خير أخوي ،،
كفيت ووفيت ..

شكراً لكم جميعاً .. ومثل ماقلت لكم سابقاً لا أحد يعقد الوضع على نفسه وعلى الآخرين .. السفارة في شروطها طالبه "كشف حساب" وخلاص هذا كلام حاسم وكافي يعني ١+١=٢
بس الطلاب الله يهديهم هم اللي يعقدون أمورهم بأنفسهم ويشترطون على أنفسهم اشتراطات مالها سنع .

أنا مقابلتي كانت في ٢٤ أكتوبر .

بالتوفيق

يعطيك الف عافيه اخوي
صراحه ماقصرت

الف شكر لك عالموضوع .. لكن استغرب بعض الناس تطلع فيزتهم بسرعه ما شاء الله وناس تتأخر .. طيب اتكلم انقليزي ولا عربي بالمقابله .. وش الافضل ؟؟ علما اني اذا تكلمت انجليزي يمكن اغلط لان لغتي لك عليها .. وانت تكلمت بايش ؟؟ << راعي طويله هع

اقتباس:

---

المشاركة الأصلية كتبت بواسطة psn

الف شكر لك عالموضوع .. لكن استغرب بعض الناس تطلع فيزتهم بسرعه ما شاء الله وناس تتأخر .. طيب اتكلم انقليزي ولا عربي بالمقابله .. وش الافضل ؟؟ علما اني اذا تكلمت انجليزي يمكن اغلط لان لغتي لك عليها .. وانت تكلمت بايش ؟؟ << راعي طويله هع

---

تكلم بالعربي .. لاتحكي بالانقليزي وتجيب العيد .
كل موظفين السفارة يحكون عربي كويس .

اقتباس:

---

المشاركة الأصلية كتبت بواسطة مُتفائل

شكراً لكم جميعاً .. ومثل ماقلت لكم سابقاً لا أحد يعقد الوضع على نفسه وعلى الآخرين .. السفارة في شروطها طالبه "كشف حساب" وخلاص هذا كلام حاسم وكافي يعني ١+١=٢
بس الطلاب الله يهديهم هم اللي يعقدون أمورهم بأنفسهم ويشترطون على أنفسهم اشتراطات مالها سنع .

---

صدقت والله كل يوم بالمنتدى يجي واحد يفتي

مع أن الامور واضحة وما تحتاج تعقيد

موفق بأذن الله

اخوي متفائل انا مرافق وابي اطلع فيزا طالب كم المبلغ اللي احطة بحسابي عشان كشف الحساب ؟؟؟؟

اقتباس:

---

المشاركة الأصلية كتبت بواسطة الزويمل بدر

اخوي متفائل انا مرافق وابي اطلع فيزا طالب كم المبلغ اللي احطة بحسابي عشان كشف الحساب ؟؟؟؟

---

مدري والله عن المبلغ المطلوب للمرافق .. لكن حط اكبر مبلغ تقدر عليه .. وانصحك تطرح استفسار في القسم وبيفيدونك الاعضاء بإجابات اكيدة ان شاء الله .

يـــرفــــــــــع

ماشاء الله ع البركة
وعقبالنا يارب بس سوالين
1-كشف الحساب يكون لثلاث اشهر اللي راحت صح هالمعلومة؟؟
2-دفع السيفيس متى كان؟؟؟

اقتباس:

---

المشاركة الأصلية كتبت بواسطة طالبة عفو الله

ماشاء الله ع البركة
وعقبالنا يارب بس سوالين
1-كشف الحساب يكون لثلاث اشهر اللي راحت صح هالمعلومة؟؟
2-دفع السيفيس متى كان؟؟؟

---

ايه يكون للثلاث شهور الماضية ، والسيفيس تدفعينه قبل مقابلتك في السفارة .. يعني لازم تكونين مسددة السيفيس قبل تروحين تقابلينهم .
بالتوفيق

يـــرفـــع للفائدة