الغاء شرط المحرم في الابتعاث

اتمنى من وزارة التعليم العالي الغاء شرط المحرم لمن هم فوق سن الثلاثين من الفتيات

-


وجهة نظر في مسألة شرعية!
قصدي انو شرط وجود المحرم نآتج عن حكم شرعي،
لكن من الممكن انو نتسآءل فيمآ لو كآن هنآك حكم شرعي آخر
يمكن تطبيقه في ظروف او حآلآت استثنآئية ..

مو عاجبك إرجعي بلدك وريحينا .
أما أن تفرضي رأيك على الكل فهذا قمة الإجحاف .
هذه تعاليم إسلام ونحن مسلمون يجب علينا أننا نتقيد بها مهما كانت ظروفنا .
حسبنا الله ونعم الوكيل ,,,

اوكي موافقين

• ألا يزيد عمر المتقدم على ثلاثين سنة.

مدري يعني نستهبل نحن ولا كيف والموضوع االمتعوب عليه مره
وزارة التعليم العالي - شروط الابتعاث

انا بعد معاك اتمنى الغاء شرط المحرم للي فوق 30 سسنه
لمرحلة الماجستير والدكتوراء

تعبتي نفسك. ماله داعي الكلافه

قبل تغير النظام يجب تغير هالنقطه من ديننا

لان هذا شرع قبل ان يكون نظام

واللي منعه سبب من السفر يمكن يكون له خير

الله يكتب الخير للجميع

حاضر !!
السستم الحين عطلان ؟؟
تعا بكرا الصباح الساع 8.00
:)

لا اوافقك الرأي ياعزيزتي هذا شرع الله قبال مايكون شرط من شروط البعثه ............

تقبلي مروري ووجة نظري

تلك حدود الله فلا تقربوها المحرم وجوده ضروري في الغربه مع الطالبة
واذا لم يتوافر هذا الوجود فلا داعي لكل موضوع ابتعاثها من اصله ..

استغفر الله العلي العظيم

حاضر ولا يهمك .. ايش نغير بعد امرينا ؟!

ريلاكس للجميع

المحرم ضروره في السفر و ليس ضروره قصوى في الاقااااااااااااااامه .... اذا "امن على المراه " اكتب كلامي و انا احط الرقيب الاول و الوحيد هو الله عز و جل
و استدل على كلامي من موقع اسلام ويب اللي ما عليه خلاف من ناحيه اصوله و مرجعياته

المحرم لا يشترط إلا في حال السفر - إسلام ويب - مركز الفتوى


و حديث الرسول صلى الله عليه و سلم لابن حاتم الطائي في ما معناه : انه سوف يأتي زمن ترى المراه تسافر من العراق حتى الحجاز لا يتعرض لها أحد ............دل على جواز سفر المرأه وحدها اذا وجد الامان و الله تعالى أعلم

و ياليت من بعض الذكور الارتقاء بالحوار اكثر و قدوتنا في ذلك محمد صلى الله عليه و سلم .. و الله ما قصدي اجرح في احد و اتهجم ولكن لماذا العنف في بعض الردود ...


واذا ارجعي بلدك فليش ما نرجع كل الخادمات المسلمات لبلدانهم فهن مسلمات و الدين على رايكم يقول ارحعي بلدك ..

ما أدري هل حكمتم من جهة الدين ام من ........؟

أانا شخصيا اكون طبعا و بلا شك أكثر طمأنينه مع وجود المحرم حتى داخل بلدي الحبيب و لكن للضروره أحكام

و الله يهدينا و اياكم للحق و يجنبا الباطل

اختى
زى لما كان تعليم المرأه حرام و الدولة فرضت على الكل
و اول من دخل بناته هو من حرمها و اليوم تزور شهادات بناتهم بعد

و مثل ما طلعت فتوى بتحريم عمل المرأه فى محلات البيع
و الان هى شئ مفروض من الدولة و الكل معها حتى من حرمها

و اخر حاجه الفتوى اللى قبل سنتين عن تحريم دخول المرأه للشورى
و الان راح يكون لها مكان و اصبحت الفتوى كلها خير

انتى تطلبين من اشخاص مالهم حل و لا ربط
و حجتهم السفر و اللى ينطلب هو الاقامه و ان يكون شئ اختارى

و الموضوع هذا مفضل لدى البعض و يحس انو الدين متوقف عنده
الاسلام اعدل بان يفرض على محرم ملاصق لى 24 ساعه و هو فرض فى السفر فقط و الولى فى الزواج فقط

هى مجرد ترسبات و عادات راح تتغير مع الزمن و يحكم بعدل الله عز و جل

انا الحمدلله توفر لى المحرم لكن اتمنى ان يلغى الشرط و يكون اختيارى

الملحقيه لها ان تبتعث طالبه بدون محرم بأستثناءات وهي خطاب من ولي امرها بالسماح لها بالدراسه بدون محرم ..

يا جماعه الموضوع هذا بالوزارة ممنوع درءا للمفاسد ... لكن في الحالات القصوى والحالات الاستثنائيه يتم طلب من ولي امر المبتعثه خطاب رسمي بالسماح لها بالدراسه بدون محرم ويذكر الاسباب .. واللجنه توافق على حسب رؤيتها للاسباب المرفقه

هههههههه

يبون ياخذون راحتهم

قوام دحين ههههههههههههههههههه والله ما سمعك هداكا الي في الملتقى كان جاب العيد فيكي

اولااا : شرع الله وشرع ديننا الاسلامي وجود المحرم في سفر المراه.

ثاانيا : وزارة التعليم العالي لآتقبل بالابتعاث لمن هم في سن الثلآثين .

ودي وأحترامي ..

المفروض يكون فيه استثناء وهذا مو معناته انه تكون لحالها لا طبعا مع مجموعه من الطلبات او سكن فهنا يكون المحرم ماله داعي

هيه شرطين انا اشوف انه مالها داعي بصراحه

1- المحرم
2- احضار القبول

يعني زي منتي عارفه فيه ناس طالعه تتمشى فما يهمها كثير هذي الشرطين .... صراحه الوزاره ظالمه

وتلك حدود الله ,, استغفر الله من بعض المواضيع تدل بشخصية صاحبها ~

وش الحكمه يعني الغاءه لمن هن فوق سن الثلاثين ؟؟

الحكم شرعي ماله دخل بسن معين

صراحه ماادري هم فاهمين ان موضوع المحرم من شروط الوزاره قبل لايكون شي مفروض من رب العالمين !!!!!

هههههههههههههههههههههههههههههههههـّ


قويـــــــــــــــــــــــــــــةة


والله محتآجه أكون ملكةة حتى في بلد درآستي ودآم أخوي معي رآح أحس بالأمآن والإهتمـآم = )

عبد العزيز بن عبد الله بن باز :لا يجوز سفر المرأة المسلمة في الطائرة ولا غيرها بدون محرم يرافقها في سفرها؛ لعموم قوله صلى الله عليه وسلم: ((لا تسافر المرأة إلا مع ذي محرم))

وجودهم شي اساسي فالحياااة

الله يهديكم وشلون تحسن بالامان بدون محرم عن نفسي مستحيل اروح

الله يوفقك بدراستك ...
ومثل ماذكر بعض الاخوان ان المحرم شي مفروض من رب العالمين قبل كل شي..
ولكن انا استغرب من ردود البعض والسخريه والنقد الجارح اللي ماله داعي ..
طيب ليش ندخل في ذمم الناس ونبدا نشك في اخلاقهم مثل بعض الردود ؟؟؟؟؟؟
صح المسألة متعلقه بالجانب الديني وهو الحكم والربط في الاول والاخير .. لكن لازم نقدر ونعرف ان فيه عوائل كثير لايوجد لديهم اخوان <<< يعني محرم ماعندهم والاب يكون مشغول في عمله ومايقدر يجي
ولحد يجي يقول مو لازم تطلع اذا ماعندها محرم <<< والله بنت الرجال ماعليها خوف لو تروح اي بلد بس الظروف حكمتها ان ماعندها محرم
اتمنى بجد اننا نرتقي باسلوب حوارنا واننا نتقبل الراي والراي الاخر بدون تجريح وبدون المساس في كرامة الناس والتشكيك في اخلاقهم ..

مع احترامي لصاحبة الموضوع ولكل الاخوات
من الناحية الشرعية كلنا نعرف الحكم لا غبار عليه
ننظر في الناحية الاجتماعية
سوال لو واجهتك مشكلة وانتي ببلد الابتعاث اول شي راح تسوينه وشو
اكيد راح تكلمين المحرم وتقولين دور حل للمشكلة لو طلعتي اخر الليل من يكون معك صديقاتك مثلا
لو صارت مشكلة معك ببلد الابتعاث والملحقية ما ردت عليك اول اتصال لك للسعودية بيكون لمين
اكيد لابوك او اخوك يعني محرمك
ما شعورك وانتي لحالك من المعهد للسكن ومن السكن للسوق ومن السكن لاماكن الترفيه والتمشيه
هل هو مثل الشعور وانتي مع محرمك وسندك وعضيدك
و تسوين لو صارت شغله في مكان فيه تجمع رجال هلا راح تدخلين لحالك بينهم
لو صارك شي لا سمح الله ورحتي للمستشفى من راح يوقف معك صديقاتك مثلا
نصيحة لكل الاخوات اللي ناوين يطلعون بدون محارم
اختي العزيزه اعرف انكي طالعه لطلب العلم والرجوع باكبر الشهادات وخدمة الوطن
وهذا شي ما احد يقول لك غلط اللي تسوينه ولا نوقف في وجهك مستقبلك وطموحك
ونعرف انك بنت ناس واصيله
لكن تذكري ان الله يراك ذهابك بدون محرم كلنا نعرف حكمه
لا تفعلي شي نتدمين عليه طوال حياتك
ارجو من اخواتي العزيزات عدم الزعل مني لانها وجهة نظر قد تكون صائبة وقد تكون خاطئة
اتمنى لكم التوفيق والنجاح والرجوع باعلى الشهادات وانا من الناس الحريصة جدا على تقدم
مستوى المراه السعودية في جميع المجالات ولست ضد تعلم المراه

الله يوفق الجميع

هـذا نظـام وزارة التعليـم العالــي،،،وفــي مثــل هــذهـ الأمــور لا ينبغــي التحـدث بهـا بمجــرد رأي أو تعبيـر عن رأي.
المسـأله شـرعيه وتستـدعي ســؤال أهــل الإختصـاص بـذلك.