جاني ضمان مالي بناءا على معهد ارسلته لهم. المهم يوم ارسلت للمعهد الضمان المالي حق الوزارة قالو لي انهم ما راح يقبلونه. الزبدة انها وصلت معي من هالمعهد المخيس وابي اروح لواحد من هالمكاتب يسنع لي اموري كلها..... وش الطريقه
عرض للطباعة
جاني ضمان مالي بناءا على معهد ارسلته لهم. المهم يوم ارسلت للمعهد الضمان المالي حق الوزارة قالو لي انهم ما راح يقبلونه. الزبدة انها وصلت معي من هالمعهد المخيس وابي اروح لواحد من هالمكاتب يسنع لي اموري كلها..... وش الطريقه
اخوي جيب القبول ب(شهادة بنكية), وعقب عط الوزارة خبر أن المعهد رفض الضمان..
مع العلم أن نفس المشكلة صارت لي, وجبت القبول بشهادة بنكية..
بالتوفيق,,
الشهادة البنكية مقدور عليها بس هل لازم اعطي الوزارة خبر ولا لا
اخوي نصيحه مني ولك القرار الاخير
اذا ارسلت للمعهد شهاده بنكيه باسمك راح يكتبوا في الاي-20 ان اللي بيدفع رسوم المعهد وكللل هالامور انت
وساعتها اذا رحت السفاره ماراح يهتموا اذا انت مبتعث او لأ لان الاي-20 مٌرسل على اساس انك تبي تدرس على حسابك وبتطلع من السعوديه على اساس انك بتدرس على حسابك الخاص
لان صديقتي كانت مستعجله على السفر ومن قبل مايرسلوا الضمانات جابت شهاده بنكيه ب200 الف وجابت الاي-20 ولمن راحت المقابله في قنصلية جده
قالت للموظفه انا مبتعثه من برنامج الملك وكل اوراقها تثبت العكس فسألتها(ايش يضمن لي ان الحكومه راح تصرف عليكِ؟؟)طبعا البنت ماعرفت تجاوب وتأخرت فيزتها وللحين ماطلعت....
اول شي تأكد من الضمان المالي اللي عندك
هل الاسم نفسه الموجود في الجواز ونفس اللي كتبته لمن عبيت الابليكيشن؟؟
شوف نفس المعهد هل يقبلوا الطلاب اصحاب المنح الدراسيه(مثلنا)؟؟
وش متطلباتهم بالضبط؟؟
وبعدين عندك حل من اثنين:
ياانك ترسل للمعهد وتفهمهم ان هذي بعثه حكوميه وان الحكومه هي اللي بتصرف عليك وقولهم انا مستعد ارسل الضمان الاصلي عن طريق اي مكتب ارسال(فيديكس-دي اتش ال.....)
وتقولهم الملحقية الثقافيه السعوديه في امريكا أوصت بمعهدكم وانا ابغى التحق بجامعتكم بعد مااخلص وتسألهم ليش ماتبون هالضمان؟يمكن يبونه يكون موجه لهم مو عام
وشوف وش يردوا عليك
ياانك تكلم الوزاره المحترمه وتقولهم الضمان ماقبلوه اعطوني حل
ارسل لهم ايميل ودق عليهم ازعجهم ولا تيأس
وياخوي ترا عادي لو تبيني اشوف موضوعك ونحاول قد مانقدر نحله
نفس مشكلتي
بامكانك تطلع شهاده بنكيه وماشوف ان الوزاره لازم يكون عندها خبر لان هذا شي خاص فيك
حطام انسانه
انا راسلت المعهد بضمان الوزاره ورفضو وراسلت الملحقيه وعطوني ضمان من عندهم وكمان رفضه المعهد كان يبغى الضمان المالي النهائي وهذا مستحيل نحصل عليه قبل الوصول لامريكا والتسجيل لدى الملحقيه هناك
فما قدرت الا اني اجيب شهاده بنكيه واذا رحت للسفاره بطبع نسخه من ضمان الوزاره وافهمهم ان المعهد طلب صيغه خاصه وماتوقع يعارضون
لان اصلا اسماء مبتعثين المرحله السابعه انرسلت للسفاره الامريكيه
فما اتوقع انك تلاقي صعوبه لما تروح
وان شاء الله مايكون الا خيررر
هذا رأيي والي سويته وبامكانك تستفسر من الناس الي عندهم خبره
والله اعلم
السلام عليكم
بخصوص الضمان المالي
الموظف هل يستطيع استخراجه باسمه كونه هل الذي يصرف على نفسه
وشكرا
الأخ الكريم,
دعـك من المكـاتب ولا تستخـرج شهـادهـ بنكيـه،،،هنـاك في الملحقيـه قـادرين علـى ارسـال الضمـان المالـي باسمـك ومـوجه الـى المعهـد وهنـاك مـوضوع مثبـت في هـذا القسـم عن طريقـة جلـب القبـول عن طريـق الملحقيـه.
وفقك الله ويسر أمرك