مشكلتي مع جامعه oregon state university مهم جداً ومشكله كبيييييرة

اقتباس:

---

المشاركة الأصلية كتبت بواسطة abdullah999

بالعكس ياخوي الملحقيه قبلت ناس في نفس المعهد وانا اعرفهم وثاني شي اذا تقول الملحقيه تقبل حتى ولو مسكره طيب كان قبلتني علي هذا وثالثا اختياري للولايه هذي علشانها امنه وانا متزوج ومعي مولود

---

المعهد موقف للتكدس من الملحقية الثقافية.

اذا عليه تكدس اجل التعليم العالي ليش يعطيني ظمان مالي عليه؟؟؟؟؟؟؟

انا سجلت بالمنتدى بس علشان اخبرك باللي سويته انا لو حبيت تمشي امورك بهالطريقة ولو إنه ينخاف من عواقبها
أنا ماخذة ضماني من الوزارة على معهد في بورتلاند. . لأن محرمي كان هناك وبعدها انتقل لكورفاليس لكن هو دارس على حسابه الخاص
المهم كلمت الوزارة وقال لي واحد حتى لو المعهد متكدس جيبي مايثبت ان محرمك هناك ونعطيكي وياه مو مشكلة

فقمت وراسلت المعهد بضمان الوزارة الموجود عندي. . رد علي المسئول عن التسجيل يقول أحنا نتعامل مع الملحقية فخليهم يرسلوا لنا موافقة او إثبات ..والا اذا ماودك تتأخري في الإجراءات ارسلي لي شهادة بنكية. . فرجعت عبيت الابلكيشن مرة ثانية وسجلت إني انا أتكفل بمصاريفي ورسلت له شهادة بنكية من حسابي. . وتمم الإجراءات وانا الحين انتظر الآي تونتي
والله يستر من الملحقية لما اروح. . بس انا مضطرة لأن محرمي هناك. . ومسئولة الملحقية تبع هالولاية شكلها امريكية وماتفهم سالفة المحرم. . مع إني راسلتها وحاولت افهمها واصرت على ان المعهد متكدس وماتقدر تجيب لي قبول منه. . فمشيت اموري بنفسي

فتقدر اذا حاب تجازف تجيب قبولك بشهادة بنكية اذا عندك مبلغ زين يمشي الحال او حتى تتسلفه ليوم واحد. . وبعدها تمشي امريكا وتحاول في الملحقية وتخبرهم ان الوزارة اعطتك الضمان على هالمعهد وعلى الله مايوهقونك

الله يوفقك ان شاء الله ويكتب لك مافيه صلاح وخير

أم ابراهيم يعطيك الف عافية
نفس الي صار معك من ناحية المعهد صار معي ونفس الشي قالو لي جب شهادة بنكية ,,, لاكن يا اختي ام ابراهيم انا بأمكاني ادفع الشهاده البنكية الي هي حوالي 150000 ما ادري هذا صحيح ولا لا مدري؟؟ لكن ليش يسوون كذا وليش مايقبلون الظمان المالي وليش الملحقية توقف القبول مع اني رحت للتعليم العالي وقالو لي مو صحيح ان هذا رد المعهد فياليت اذا تقدرين تروحين للم التعليم العالي الي في الرياض حي الغدير وتعطينهم صورة من الأميلات الي صارت بينك وبينهم لأن التعليم العالي يقول وش لون توقفها الملحقية وهي اصلن الي بلغتنا نجيب قبول لكم يالطلاب علي نفس المعهد واذا ماتقدرين ترسلين الأوراق انا مستعد اروح علشان نساعد الطلاب والطالبات الي زي حالتي وحالتك ولا يقدرون يدفعون الشهادة البنكية وهذا اميلي zezo999@ho على الهوت ميل

حسبنا الله سيؤتينا الله من فضله ان إلى الله راغبون


يارب يسر لنا امور بعثتنا وسخر لنا عبادك الصالحين

الحمدلله حتى يبلغ الحمدُ منتهاه

المصدر: http://www.mbt3th.us/vb/forum149/thread331877.html#ixzz1kG7kggs

الأخت /gomer.k.s.a وش معني موضوعك معناة ان خلاص ارجع ارسلهم الظمان المالي ؟؟؟؟

up
up
upupupupupupupupupup
فهموني وش السالفة

بخصوص معهد (INTO) يا سبحان الله ما احلى الصدف
امس كنت اراسل موظفة بالملحقية تقولي ايه عادي تقدر تسجل لانه مو متكدس من عندنا
وش رايكم؟؟؟
وعندي ايميلها لو تبون تسالونها
لحسة مخ ولا لا؟
لا وازيدكم من الشعر بيت لويس اند كرلاك وفية تقريبا 3 معاهد تقولي اوكي الوضع مافي اي مشكلة. ان ما ادري وش سالفتهم بالظبط بس اتوقع الملحقية تشتغل بوادي والوزارة بوادي
غريب ولا لا؟.... الا اذا المعهد مايحدث الملحقية بعدد الطلاب والي هو مستحيل طبعا

ياعمري انتو ...
واخيرا لقيت اللي نفس مصيبتي تعالوا اجل اسمعوا اللي عندي ..

لي شهرين اراسل معهد انتو وتاخر قبولي وبعد خذ وهات خذ وهات قالوا ادفعي 829.16 دولار لك ولاخوك زيهن ونرسل لك الاي تويني ..
قلت معصي والله مادفع هالمبلغ الا ادري ليش .. قال يابنت الملحقية تقول لاتستقبلون طلاب سعوديين قلت دام قالت كذا ليش تقولون ادفعي ليه ماعلمتوني ..
واراسل الشيخه مين لين قالت لي متكدس اقولها ياخانوم عندي ضمان مالي على هالمعهد من الوزارة تقولي متكدس قلت طيب مع نفسك ..
واقوم ارسل الاخت ماري كولد مساعد ذي في اداره المعاهد .. قلت لها سالفتي وشطفتن اسبوع
وارجع اراسل الاخت مين لين والا مرسله لي انها ماعادت تشتغل بالملحقية روحي كلمي جيمس مور ..
واروح اراسل جيمس مور قال جيمس مور انتي دايحه بالانقليزي شوفي احد يساعدكك تفهميني مشكلتك ..
واروح اراسل ماري كولد واقولها ردي ولا انتحر .. وردت علي طال عمرها بارسلي لي رقم هاتفك وارسلها قالت ماقدر اكلم ارقام دوليه كلميني انتي
واتصل فيها واتفاجأ الاخت عربية .. من لبنان تحديداً .. قالت يائلبي المعهد مش متكدس هيدا متعدي التكدس بكتير
قلت يائلبي انتي عندي ضمان وابي هالمعهد لو منيتي به .. كل شي متكدس .. قالت شو بدي ئولك بجيب لك قبول ع اي معهد تاني تطلبيه غير هيدا
باوريقون قلت كل معاهد اوريقون تكدست مابقى غير واحد حول بورتلاند قالت لا بجيب لك بس لايكون موعد قريب مثل مايو قلت طيب ع مايو من فين تجيبين لي
قلت اللي بدك .. قلت بدي انتو .. قالت لا .. قلت الاخت علياء مراسلتها انا وقالت عندك مقعد وضمانك على هالمعهد قالت ياحبيبتي احنا اللي بنديكي ضمان وائولي لست علياء ماري بتئول مابينفع قل طيب اللي تشوفينه طال عمرك ..
واراسل الاخت عليا جزاها الله خير بالوزارة قالت فيه حلين 1- تغيرين 2- نكتب لك ضمان مالي خاص للمعهد
قلت اكتبي لي ضمان مالي .. واكتبته لي اليوم بس قالت لازم حضور شخصي عشان تستلمين الضمان ولا محرمك ولا تسوين تفويض مصدق عند الشرطه او العمده ..
والحين ادق على الشيخ جيمس مور طول الله عمره متأمله يطلع عربي متأمرك مثل الاخت ماري واقوله ان عندي ضمان مالي خاص بهالمعهد بس بالطريق يمكن يقصر عنوتي .. بس مايرد حاليا عندهم 9 و42 دقيقه صباحا

اقتباس:

---

المشاركة الأصلية كتبت بواسطة Naif1981

بخصوص معهد (INTO) يا سبحان الله ما احلى الصدف
امس كنت اراسل موظفة بالملحقية تقولي ايه عادي تقدر تسجل لانه مو متكدس من عندنا
وش رايكم؟؟؟
وعندي ايميلها لو تبون تسالونها
لحسة مخ ولا لا؟
لا وازيدكم من الشعر بيت لويس اند كرلاك وفية تقريبا 3 معاهد تقولي اوكي الوضع مافي اي مشكلة. ان ما ادري وش سالفتهم بالظبط بس اتوقع الملحقية تشتغل بوادي والوزارة بوادي
غريب ولا لا؟.... الا اذا المعهد مايحدث الملحقية بعدد الطلاب والي هو مستحيل طبعا

---

هاتي ايميلها بسرعه ..