رد: شكلو البعثه بتتكنسل من فيزة مرافقي
ولييش تكنسلي البعثه؟ اتعوذي من ابليس و امورك بتنحل ان شاء الله
وحده من البنات هنا في المنتدى و الله ماني فاكره مين هيه انرفضت فيزة ابوها السياحيه مرتين و تالت مره اخذتها في يومين تخيلي يوميييين
انتي اجلي دراستك من المعهد وارجعي احجزي اقرب موعد في السفاره وان شاء الله تتحل امورك بس ما قالولك ايش سبب الرفض عشان نقدر نساعدك اختي
يعني في اسباب كتير للرفض منها مثلا انو يكون الانسان مو موظف و ماعندو اثبات انو يجيلو دخل يقدر يصرف فيه على نفسو هناك ما يعرفو انو المرافق لو راتب .فاهمه؟؟ هما يخافو من مواضيع الهجره ..
فياليت توضحي سبب الرفض ..
موفقه
رد: شكلو البعثه بتتكنسل من فيزة مرافقي
اقتباس:
المشاركة الأصلية كتبت بواسطة يارب ارزقني ببعثة
فيزا f2 للاب والزوج فقط وليست للاخ حسب القانون الامريكي
لا مب f2 للاب لان الامريكية اللي جت من السفارة يوم الملتقى قالت الاب ياخذ b2 ونبهت كم مرة ع ذا الموضوع لان ماعندهم شي اسمه محرم
رد: شكلو البعثه بتتكنسل من فيزة مرافقي
مشكورين على ردودكم والله يسهلها للجميع
من جد زعلت ونكدت بس خلاص واقع وصار نقول الحمدلله
سبب رفضهم خافو انو يهاجر ومايرجع يعني مااقنعهم انو راح يرجع السعوديه << يعني عشان قال محرمها وبعيش معاها.. يدققو بين اعيش وازور
والله تخلف مني عارفه ايش يبغو الموظفه حيوانه اصلا ومزاجها كان مقلوب مو بس اخويا في ناس قبلنا جلستلهم
انا ماسالتني كتير بس قالتلي ليش رايحه امريكا وايش شهادتك ومن فين اخدتيها من السعوديه
واستلمت اخويا عشان محرمي وفيزته سياحيه تقله ليش ماتدرس < وي مو بالقوه يدرس :mad:
حسيت انهم مايحبو حكاية محرم ودا الكلام خلاص انتي كبيره وتعتمدي ع نفسك ، طيب قوانينا تختلف عنكم
قهرتني سويت نفسي ماافهم انجليش خليتها تعيد ليا عربي من القهر من جد ماعندها سبب مقنع للرفض وتقول حاول مره تانيه
بس ودحين باقدم له مره تانيه وياااااارب تسهلها ولو ماطلعت بدري راح ااجل دراستي شهرين كمان
الله يوفق الجميع
رد: شكلو البعثه بتتكنسل من فيزة مرافقي
تعوذي من ابليس
وقول لا اله الا الله
اول شي جد سؤال
اخوك ليش مايبي يدرس؟؟؟
فية احد يروح امريكا ويحصل فرصة دراسة ومايدرس؟؟؟
حتى اخوك لو اخذ فيزا سياحية مايقدر يجلس معاك ع طول
مو متاكد بس اتوقع شهر ولازم يرجع
يعني بتجلسين بدون محرم وتجيك الوزرة وتقولك وين محرمك وتبهذلك بسالفة المحرم
خلي اخوك يدرس لغة واذا مو عاجبة يكمل ماستر او بكالريوس يجلس يدرس لغة وياخذ دورات لحد ماتخلصين
بس انتي حمسي اخوك يدرس وان شالله امورك طيبة
رد: شكلو البعثه بتتكنسل من فيزة مرافقي
ارجعي اعملي له موعد بس بالرياض
ولما يروح يعمل المقابله يقول لهم بيروح معك مده اسبوعين يرتب وضعك ويرجع او ياخذها ع اساس انو سياحه
بس حطي ببالك مايجلس الا سته شهور باامريكا ثم يطلع ويرجع
وربي ييسر امورك وامور محرمي
رد: شكلو البعثه بتتكنسل من فيزة مرافقي
لا تأجلين الحين .
قدمي على الفيزا مره ثانيه
وأجلي قبل فتره الدراسه باسبوعين تقريبا
اذا ضمنتي انت الفيزا ما راح تطلع ..