عرض للطباعة
السلام عليكم
ابي اعرف السبب؟؟
المعهد طالب مني ضمان بنكي حتى يتم اصدار الاي توني ل اخي وتم ارسال الضمان البنكي بريال السعودي
وتم رفض الضمان من قبل المعهد وطلبي بارساله بدولار .. وطلبت من البنك الاهلي ضمان بنكي بدولار .. رفض البنك وقالي مستحيل حنا نتعامل بريال السعودي ؟؟؟
والحل ؟؟ انا تعبت من سالفة المرافق اللي معقده بكل شي !!
ياليت تفيدوني جزاكم الله خير
غريبة ليش يرفض البنك !!
انا جبته من البنك السعودي الفرنسي
كتبوه بالريال السعودي وحطوا بين قوسين: أي يساوي مبلغ كذا بالدولار .. وبس ماله داعي التعقيد الله يهديهم
حاولي تكلمي موضف ثاني او مدير الفرع واشرحي الوضع وان شاءالله تمشي امورك
بالتوفيق يارب
وربي الحين جاي اخوي من مدير البنك يقول مستحيل رافضين وقلت لهم عطوني خطاب انكم ماتتعاملو الا بريال السعودي رفضو
انا ماعارفه ايش سبب الرفض ؟؟؟ وربي احترت
يااختي البنوكــ معقديين الامور ..
الله ييسر لكــ اموركــ ويفرجها عليكـ يارب ..
:)
روحي فرع ثاني يا أختي لأن التعامل يختلف من فرع لفرع ولا تيأسي
اللهم فرج هموم جميع المبتعثين والمبتعثات
السلام روحي لفرع ثاني لان يختلف التعامل احيان تحصل معقدين او روحي للمدير والله يوفقك
الله يسهل امرك تواصل مع الاخ المستشار ان شاء الله بيساعدك بعد الله تراة مايقصر اللة يوفقة
يا اختي مو من حقهم يرفضون اي بنك يعطي ضمان مالي بالي في الحساب بالدولار.................:mad:
عموماً الحل بسيط اسحبي فلوسك من الاهلي وافتحي حساب في البنك الامريكي وطلعي ضمان
انا طلعته من عندهم ........ولا تضيعي وقتك
بالتوفيق
روحى لفرع ثانى او روحى للفرع الرئيسي فى منطقتك
مو من حقهم يرفضون صراحه
رحت لكل الفروع بديرتي واخوي قابل مدير الفرع الرئيسي ورفض
بحجة ان النظام مايطلع الضمان الا بريال السعودي
ماني عارفه شسوي مع الجامعه ارسلت لهم كشف حساب ومو عاجبهم!!
يااهل الخبره تكفون دلوني على طريقة معينه مع الجامعه ؟؟ لان البنك فقدت الامل فيه
واشكركم على دعواتكم والله يجزاكم الجنه
مومن حقهم ابدااااااااا
قولي فلوسي وانا حره تحسبوها بالدولار تحسبوها بالجنيه
انا حره
المهم تكتبو كم فحسابي بالدولار
>> عصبببببت
انا رحت الفرنسي لان حسابي فيه وماقصرو ابدا سووها لي باقل من خمس دقايق
كتبوها بالدولار وبالريال السعودي بعد
ومامشيت منهم الا وانا راضيه
الله يسهل لك امورك ويسخرهم لك
ان تعقدت مره مره افتحي حساب ثاني
اوحطيهم بحساب اي احد من اخوانك باي بنك غيره
موفقه
اختي تبين نسخه من الضمان حقي تورينه مدير الفرع
وتقولي له كل البنوك تسوي كذا
ممكن يقتنع
شرايك؟
هذا لانك طالبة ضمان بنكي وهذا غلط
الضمان البنكي يصدر بالريال السعودي لانك بالسعودية
اطلب شهادة بنكية وهذي تفرق كثير
الضمان البنكي لو طلعتوه سواء بالريال السعودي او بالدولار وارسلتوه للمعهد الاصل طبعا ماراح تقدرون تتصرفون بالفلوس الي بالحساب لحد مايرجع الضمان البنكي وما اتوقع انه بيرجع لكم
المطلوب هو شهادة بنكية فقط
يالبى قلبك .. ارسليه لي مني خسرانه شي .. رغم اني فقدت الامل فيهم !!اقتباس:
المشاركة الأصلية كتبت بواسطة ولايف هوى
الله يسعد قلبك ويوفقـكـ
تم الارسال :)اقتباس:
المشاركة الأصلية كتبت بواسطة غرنوق
موفقه
هلا اختي روحي لسامبا روووعة فنفس اليوم شهادة بنكية وبالدولار وكشف حساب وتعاملهم يفتح النفس