هكذا نحن في عيون السفاره الامريكيه
السلام عليكم ورحمة الله وبركاته
بعد انتظار طال ٥٢ يوم ،بعد اقتراب موعد الدراسه اتصل موظف فيدكس ليخبرنا ان هناك شحنه برقم جواز زوجي المرافق
بكل فرح وسرور واسرع من البرق يصل زوجي لمكتب فدكس ليلقى الجواز ملصق في ظهره ظرف مكتوب فيه انه تم رفضك لانك لاتمتلك امواااال
مع العلم ان السفاره ارسلت لي قبل اسبوع ترغب بكشف حساب لزوجي (وليس ضمان مالي) عملنا كشف حساب لاخر ثلاث شهور وللاحتياط ارسلنا معه الضمان المالي الخاص بزوجي والذي اعطتنا اياه الملحقيه الثقافيه بامريكا
الضمان المالي لم يعجبهم ؟؟ لم يكفيهم؟؟
كم كلفنا نحن الطلاب من مجهود وتعب وسهر وقلق حول مستقبلنا وحول ظهور هذه التاشيره الخرافيه ؟؟
المشكله ان كل واحد فينا يدفع مبالغ وقدرها ....
عشان ايش ؟؟ نشحت الفيزه احنا؟؟ ولا السعودي طايح من عينهم ؟ يمرمطونا ويبهذلونا ؟ وش دعوه
ليش سفاراتنا ماتتفاهم معاهم ليش مايحركو ساكن ليش البهدله ذي
الموظف لو كان مزاجه مو عاجبه يقول لاي شخص جاي للمقابله مثلا غير مؤهل وياكثر الغير مؤهلين بدون اسباب مقنعه
ااااه من طول الانتظار وخيبة الامل .. طموحي راح
تعبت
ابي نصايحكم وش اسوي الحين
:( مابقى شي ع دراستي مو حابه آآجل الدراسه
الحين لو قدمت مره ثانيه وش اسوي
وكم يبغو ضمان مالي الله ياخذهم مالت عليهم من زين بلدهم :(
يعاملونا كنا مجرمين وهم ام الاجرام :(:(:(
المهم ادفع رسوم سامبا بعد؟
اسوي موعد طارئ لو سويت متى يطلع ؟؟ مع ان اقرب موعد بقنصلية الظهران بعد ٢٤ يوم :(
بلييييييييييييييز شورو علي
رد: هكذا نحن في عيون السفاره الامريكيه
انا لو مكانك اغير الدوله .
وحسبي الله ونعم الوكيل فيهم
رد: هكذا نحن في عيون السفاره الامريكيه
فكرت فيها بس صعبه ماعرف شي
رد: هكذا نحن في عيون السفاره الامريكيه
قدمي مره ثانيه ولو تقدري بالرياض انا سويت المقابله بالرياض جداا جدا متفهمين وفاهمين شغله الابتعاث والمرافق
حتى ماطالع بكشف الحساب بس قال لبوي كم تجلس قال 6 شهور قال ايوا النظام 6 شهور بعدها اطلب تمديد وكتبلي موقع الهجره او اطلع يوم لكندا او السعوديه
يعني فاهم وعارف ومقدر شغله المرافق والابتعاث
اتمنى اكوون افدتك وربي ييسرلك يااارب
بالتوفيق
رد: هكذا نحن في عيون السفاره الامريكيه
الله يسهل لك امرك يارب
لكن حابة اسال كيف اخذتي ضمان لمرافقك علشان اجيب لمرافقي اتمنى تساعديني بالخطوات مفصلة
ودعواتنا لك بالتيسير والسخره يارب
رد: هكذا نحن في عيون السفاره الامريكيه
يسسسلمو الردود
بالنسبه للضمان المالي ارسلت للملحقيه وقالو لي جيبي صورة جواز المرافق وعطوني اياه خلال يومين تقرريبا
في موضوع مثبت عن الملحقيه
وايميلاتهم تقدري تستفيدي منه
رد: هكذا نحن في عيون السفاره الامريكيه
الله يكون بعونك
لازم تسددي رسوم الموعد من جديد
واحجزي بالرياض موعد طاريء تلاقين اسرع ان شاء الله
موفقه
رد: هكذا نحن في عيون السفاره الامريكيه
خوذي موعد طارئ يعطوك اياه خلال يومين .. بي الأول تاخذين موعد ثم تدخلين على صفحة الموعد وتجدين في اليسار موعد طوارئ تختارينه ثم تعبئين الحقول وبعدها يرسلون لك موعدك الطارئ الجديد اذا يستدعي .. انت اكتبي ان موعد دراستك قريب جدا واكتبي التاريخ .. والرياض فيه فرص أكثر والله الموفق
رد: هكذا نحن في عيون السفاره الامريكيه
هدي أعصابك والخيرة فيما اختاره الله
رد: هكذا نحن في عيون السفاره الامريكيه
هذا هم السفارة مرره دقيقين ع اتفه الامور الله يكون بعونك
رد: هكذا نحن في عيون السفاره الامريكيه
خذي موعد بسفاره الرياض افضل لك وبنسبه لرسوم االتاشيره ما ادري والله اذا تدفعينها من جديد
اذا راح موعد دراستلك مثلي عادي لا تشيلين هم يعطونك اي توني جديد بنفس رقم السيفيس ما ياثر على التاشيره وزي ما قلتي ايش حدك على المر قال الي امر منه
رد: هكذا نحن في عيون السفاره الامريكيه
الله يريح بالك ويعوضك خير اختي فعلا احباط .. بس من رأيي غيري الدولة ايرلندا او كندا.. صح حوسه بس احسن لك..
بغيت اعرف متى موعد دراستك اذا ممكن..
رد: هكذا نحن في عيون السفاره الامريكيه
موعد دراستي باقي عليه 27 يوم
يسلمو جميعا الردود والله يجبر بخاطركم
بالنسبه اني ادور دوله ثانيه ف انا حاولت بدون فايده
غير كذا وش باقي ع انتهاء فترة اصدار قرار الابتعاث 3 شهور مايمدي اسوي فيها شي
يسلمو جميعا