المرور على الملحقيه في وشنطن .. اخواني اخواتي مبتعثين المره السابعه ..

السلام عليكم ورحمة الله وبركاته
اخواني اخواتي لن اطيل الحديث .. لكي تعم الفائد ويتضح اللبس الذي يكمن في عقول العديد منا
:
اتمنى وارجوا من جميع الاخوه اللي مرو على الملحقية من دفعة برنامج خادم الحرمين الشرفين 7
افادتنا بتجربتهم ... وايش اللي صار بالضبط لهم من مجرد وصولهم في المطار لحد ماخلصوا اجرائتهم في الملحقية
:
واهم سوال يجيب في بالي وبال جميع الاخوه ..
هل عندما ذهبتم للملحقية وفتحتوا الملف من هناك تم اصدار الضمان المالي بمجرد وجودكم عندهم
ولا قالوا لكم روحوا نحنا نسرله لكم ..؟

:
وفي الختام اقول خير الناس انفعهم لناس
واتمنى اللي عنده اي خلفيه عن الموضوع مايبخل علينا
والله يوفق الجميع لما يحب ويرضى

اهلين اخوي

انا مامريت على واشنطن على طول رحت لولايتي وفتحت ملف عن طريق البوابة والسالفه ماتطول كلها يومين اذا اوراقك كاملة ويرسلون لك الضمان المالي عالايميل

الله ييسر لك امرك

عزيزي مرحبا

مايحتاج تروح للملحقية في واشنطن ان رحت ولا استفدت دخلونا اللاب كمبيوتر وسجلنا بيناتنا وقالو روحو وتواصلو معنا عن طريق الموقع بامكانك تعمل كل شي بالنت مالهادعي الخسائر والاجارات لك تحياتي

زي ما قالوا الاخوان ما يحتاج احد يروح الملحقية نهائيا . لان الملف تفتحيه من بيتك في بلد الابتعاث وهو سهل للغايه

بس يحتاجلك تعملي اسكان لاوراقك وتحفظيها قبل ما تسافري هذا اولا

ثاني شي يطلبوكي اوراق لازم تعمليلها اسكان من وانتي بامريكا زي I-94 ــــ وكمان اختام الدخول و الخروج ــــــ وورقه مباشره تاخذيها من المعهد ــــــ صورة شيك ملغي من حسابك اللي بتفتحيه في امريكا وهو عباره عن شيك تكتبي عليه ملغي

وتسويله سكان وترسليه عشان المكافاة تنزل عليه . وكل امورك تتم عن طريق البوابة الالكترونية .

طيب اختي روح حلوه طيب لو كان المعهد عليه مشاكل ممكن يتاخر الضمان المالي ..
لانه الوزارة حطوني بمعهد ولما طلبت من الملحقيه تجيب لي القبول قالوا لي انه المعهد عليه تكدس ومرضيت تجيب ليه القبول
ولما كلمت الوزارة قالوا لي انه مايطلع لي اقرار الابتعاث الا لما اجيب قبول في نفس المعهد اللي تسجل اسمي عليه في السيستم عندهم ... وقتها قالوا البنات في المنتدى صلحي امورك كلها ولما تروحين الملحقيه قوليهم اللي صار عشان موضوع الضمان المالي يطلع لي ومايتااخر ..
:
فعشان كذا قلقانه لو رحت ولايه وبعدين ماطلع ليه الضمان المالي مشكله ...
:


عشان كذا يا اخ مشوار الوله ..
سوالي لك هل لما فتحت ملفك في الملحقيه بنفسك اصدرو لك الضمان المالي في وقتها.. ولا قالوا لك يرسلونه عليك بعدين
ولا استلمته بنفسك من عندهم ..

:
الله يعطيك العافيه اخ طالب مقصرت وتسلملي على التوضيح
بس انا يهمني اعرف موضوع الضمان المالي
وشكر لكم

اختي الغاليه


اول سؤال :

في ناس واجهتهم نفس المشكله هذي وهي ان الملحقيه قالتلهم ان المعهد متكدس لكن لو جبتي قبول وطلعتي قرار الابتعاث و سافرتي الملحقيه راح تعطيكي الضمان المالي فلا تفكري بالموضوع هذا . اهم شي جيبي القبول
بنفسك من المعهد . وفي شي ثاني لو تبغي تغيري المعهد بامكانك بس روحي لمقر البعثات وانصحك ان مرافقك يروح قسم الرجال و يحاول معاهم يقدروا يغيروا المعهد .
بس خليكي على معهدك عشان لا تحوسي في البحث عن معاهد لان كل المعاهد الكويسه متكدسه

ثاني سؤال :

اما بعد فتح الملف تحتاجي عشان يصدروا لك الضمان مالي ورقة مباشره من المعهد وبعدها وتحمليها مع كذا طلب منها الاي توني و قبول المعهد بعدها تحمليها وترسليها وبعدها يرسلك المشرف الضمان ثاني يوم , بس للمعلومية المعهد ما يحتاج الضمان في اول اسبوع من دراستك يعني حتى لو اتأخر الضمان
مو مشكله . وطبعا يترسل الضمان المالي على ايميلك . وللمعلومية كل طلباتك تكون من خلال البوابة الالكترونية اللي سجلتي فيها وفتحتي ملفك منها . تلقي خيارات بأغلب الاشياء اللي تحتاجيها .

يعني من كلامك يا اخي الكريم افهم انه الملحقيه ماحترفض انها تصدر لي الضمان المالي اذا كان المعهد بالنسبه لهم متكدس (برغم انه تم اضافتي على المعهد من قبل الوزارة )

انا الان الحمدالله طلعت الفيزا وجبت القبول وضعي كله ماشي تمام..
بس قلقت من موضوع الضمان المالي ..عشان كذا كنت افكر اروح للملحقية بنفسي افتح الملف واستلم الضمان المالي في نفس اليوم..
وعشان كذا كنت ابغى اتاكد هل فعلا لرحت للملحقية بنفسي وبفتحت ملفي .. يتم اصدار الضمان المالي لي في نفس اليوم
ولا بيتاخر مثله مثل اللي يفتح ملفه من ولايته ..؟
اتمنى اا تعرف شي لاتبخل عليه و ارجو من الله انه يفتحها عليك وسهل امرك

السلام عليكم
مايحتاج تمر واشنطن
كما قالوا الاخوان روح لولايتك وكمل اوراقك عن طريق البوابه
وبلا مشوار ماله فايده
بالتوفيق

الي ماعنده لاب توب .. يمر على الملحقية بيعطونه لاب توب ويخلونه يعبي البيانات بنفسه زيه زي اي واحد بولايته

عشان تتطمني الملحقيه صرفوكي بس عشان لا يجيبولك قبول او بمعنى اصح الملحقيه شغلها اي كلام يقولوا هي تجيب قبولها بنفسها خلاااااااص فهمتي كلامي .

الشي الثاني وانا اتكلم عن نفسي فتحت حساب في البنك ونزلت التعويضات حقت 13 يوم ونزلت مكافأتي وسويت كل اجراءاتي من البوابه وطلبت ضمان مالي من الملحقيه وارسلوه على ايميلي

ثاني يوم والين اليوم والله العظيم ما سلمته للمعهد . وبعدين العجله من الشيطان في اشياء اهم من هذي يعني تتوقعي المعهد بيطردوكي وهم عارفين مين اللي بيصرف عليكي ؟!!!!

فكري اول شي كيف تفتحي حساب عشان المكافأة وبعدها كيف تجيبي ورقة المباشرة من المعهد وبعدين كيف تطلبي الضمان المالي و كيف تحصلي سكن وكيف تلحقي مرافقك بالمعهد وتنزلي مكافأته وكيف تاخذي تعويضاتك

الماليه و بعدها كيف تطلعي بطاقة الولاية اذا حابه يعني انتي ومرافقك لو بتشتروا سياره وكيف تاكلوا وكيف تشربوا ........الخ .

اشوفك جالسه تفكري في شي واحد وقدامك الف حاجه وحاجه بدل ما تتشحططي في واشنطن خليكي في بيتك وخلصي اجراءاتك وانتي مرتاحه وفكري في الشي الاهم !!!!!!!!!!!

قولي كيف احمل الاوراق وايش احتاج شي ظروري ؟ كيف افتح ملف ؟ كيف افتح حساب ؟ كيف اصرف اموري ؟ ايش لي عند الملحقيه وايش عليه ؟

والملحقيه لو رحتيلهم ما راح يستقبلوكي بالورود راح تلقي اجهزت كمبيوتر وطابور من الشباب كل واحد يبغى يخلص اوراقه وكلهم مو فاهمين شي يحسبوا الملحقيه راح تخلصلهم شغلهم بدري

او انهم من واشنطن مثلا . وشي ثاني اذا بتدخلي الملحقيه ومصممه انا بقولك شغله ترى تفتيش و يسحبوا جوالك منك يعني لا تعتمدي على جوالك عشان راح ياخذوه منك .


اسمعي نصايحنا نحن سبقناكي وعارفين كل شي وامورنا ولله الحمد متيسره وغير كذا الفلوس اللي راح تصرفيها في واشنطن تفيدك وانتي في الغربه .



والله يوفقك في الدنيا و الاخره انتي وجميع الطلبه

الاخ طالب بامريكا ماقصر واتوقع نقل المشاكل اللي ممكن تواجه الطالب اول مايجي لبلد الابتعاث وبخصوص الضمان المالي ماتستلمه ابد من الملحقية كل شي عن طريق الايميل لان الملحقية وللاسف الشديد ماتستفيد منهاولا بريال <<< واللي فاقعن مرارتي انه غالبيتها مو سعوديين واسمها الملحقية الثقافية بامريكا باسم الله ماشاء لله على اخوانا العرب لاحقينا لاحقين واللله لو بجحر ضب:p

الله يعطيك الف عافيه اخوي طالب ماقصرت كفيت وفيت
وفتحت عيوني على شغلات كنت مو ماخذه بالي منها ..
:
كلامك احسه اقنعني اروح لو لايتي على طول ةالتوكل على الله وكل الامور باذن الله تكون في احسن حال ..
والله يوفقك دنيا واخره
وشكرالك

صراحةً استفدت من الموضوع

الله يسهل اموركم يااارب

الله يسهل للجميع لما يحب ويرضى ..وبالتوفيق للك