هذي قصتي مع موعد المقابه كامله - للوناسه لا اكثر :)

السلام عليكم ورحمة الله وبركاته ..
ببدأ قصتي على طول :)
.
..
...
....
.....
......

انا زيي زيكم بقدم اوراقي وكذا ولقيت موعد بتاريخ اليوم 28 يونيو
والله وجهزت اوراقي والاي توني وصل قبل الموعد بكم يوم وما سددت السيفيس وحاله وماطبعت اوراقي ولا حجزت للرياض المهم محتاااااااااااااس لاخر شي

لقيت حجز بالنت للرياض الساعه10 او 11 الصباح وعاد انشقيت من الفرحه ولما جيت بحجز فصل النت بعدها بـ 3 دقايق شبك شيكت ع الموقع ولا الحجز راح ! .. ابو القهر

وفيه رحله العصر نفس الحاله انا احتست وقلت بس ياعلي راحت عليك الدراسه ضاع مستقبلك

وهاتك ياعلي ومن هنا ومن هنا دور لك واسطه والحمد لله لقينا واسطه سجلني انتظار قال حطيتك انتظار الساعه 9 وربع تكون بالمطار والرحله الساعه 10 انت تعال وخل الشباب يسجلون اسمك وان شالله بتطلع قلت ان شالله

والله واروح منشكح مبسوووط وازبط اغراضي وعفشي وكل شي والله ودخلت تروشت الساعه 9 يعني قبل الموعد بـ ربع ساعه هع هع
وطلعت 9 وربع بالضبط ولسه مارتبت شنطتي ياوووووويلي بس
اخذت اللاب توب ولبست واخذت اوراقي وطلعت بدون شنطة الا شنطة اللاب توب

رحت مع واحد من اخوياي طول الطريق جالس يهزئ فيني عشاني متاخر وانا خايف انه تروح علي

عاد وصلنا المطار قبل الإقلاع بـ ربع ساعه << ملاحظين !
والله ووقفنا السياره مستعجلين شوي اشوف واحد من اخويا اخوي واسلم عليه واجلس اسولف هههههههههههههههه وخويي يبي يفقشني

عاد يالله دخلت ورحت اكلم الموظف يقول لي مستحيل وانا تكفى يابو ترا عندي مقابله و و و

قال اقول انت ماتفهم المهم انه عصب علي وتضاربت معاه

بينما انا اتهاوش معاه << متعوب على بينمها هع - خويي راح عند الواسطه وقص البوردنق وجا

انا طرت من الفرحه

رحت ودخلت واخذت لي مقعد واتطمنت - طبعاً انا لي يومين ما نمت الا اقل من ساعه ونص والحين داخل باليوم الثالث

وصلت الرياض الحمد لله رحت عند بيت خالي العزيز وقلت يللا بنام بس قلت ابي اطبع السيفيس قبلها وكم ورقه

والله واقعد للساعه 3 ونص وشوي ياذن الفجر
انا سلامااااااااااات من متى يأذن 3 ونص مدري 3 وربع ههههههه

قمت وصليت ورجعت جهزت اوراقي وحطيت جوالي بالبيت وصليت ركعتين واستخرت وطلعت

طبعاً انواع النصب التكاسي كل واحد يعطيني مبلغ خرافي قلت اهم شي اوصل بس

والله وركبت مع واحد صار لي الحين 50 ساعه مانمت الا ساعه ونص ودايخ ع الاخير

ولما وصلنا الحمد لله العسكري يقول وين يالاخو ؟ قلت له السفاره الامريكيه عندي مقابله

قال اليوم مافيه دوامات وانا الا فيه يابو هذا موعدي قال قلت لك مافيه وجلسنا نتضارب ههههههه

الباكستاني خاف ورجعت قلت له ارجع للعسكري مره ثانيه قال لا بعدين يسوي قرقر كثير
انا طبعت موعد المقابله واطالع الا مكتوب 28 جوون واليوم 28 ماي انا لاااااااااااااااااااااااااااااااااااااااا

يلعن ام الغباااء والله I FEEL STUPID

ورجعت البيت طبعاً ماا معاي الا الاوراق والله يالبلشه اليوم خميس والعالم نايمه كيف ادخل والله وانلطع مابي ادق الجرس عشان مايقومون فشيله واروح لك واوقف تاكسي واقول له ابي ادق على ولد خالي وبعطيك حسابك قال طيب دقيت مرتين مارد قلت يالييييييل وراح التاكسي

وجلست سنه ادور وادور والشمس والله حاره مع انها شمس الصبح والله ووقف تاكسي ثاني وادق ادق ادق لين مارد الهيس وقام وفتح لي الباب

انا طرت من الفرحه وعطيت الباكستاني فلوسه ودخلت وفتحت اللاب توب وعلى موقع مبتعث قلت خلني اكتب لكم وش صار معاي

الحين اسئلتي ..

وش أقول لأهلي ؟ وش اقول لكل العالم اللي تعرف ان مقابلتي اليوم ؟ يلعن ام الاحراج بس

ومعليش ع الإطاله اتمنى اشوف ردود تحمس ,,

الله يعينك ... قل النوم .. الظاهر انقطع سلك من اسلاك مخك ..

الله يستر عليك يالحبيب ..

انت تذكرني بواحد .. تبي السالفه باختصار ..

حاجز لاهله عشان يروحون يخطبون له بس من حظه وحظهم شيكوا قبلها بـ3 ايام

ومشوا سياره

حاجز بعد الموعد المفروض بشهر
#

بس بقول لك شي .. احمد ربك بس واذا عن سالفة اهلك وكان عندك موعد ترا فيه انواع التصريف ..

قول .. القنصل انجلط <<< خخخخخخـ استغفر الله العظيم

ولا اقول لك .. أجلوا الموعد بعد شهر .. حتى تكتمل جميع اوراااقك بعد المقابله اكيد .. يعني اعطوك فرصه


واعذرني على ثقل دمي ..



ربك بيسرها .. وسع صدرك وان شاء الله خيره ..

وبعيد اقول لك .. النوم سلطان ..
قل النوم يوشوش المخ

موفق
وتقبل مروري

يووووووووووووووووووووووووووووووووووووووووووووووووو وووو
هههههههههههههههههههههههههههههههههههههههههههههههههه ههه

انواع التنسيم

الله يكون بعونك شكل قلة النوم اثرت فيك و خلتك تشوف جون على انه ماي
بالتوفيق و انشاء الله خيرة ما تدري ايش الله كاتبلك

اما مسئلة اهلك عادي لو اني منك ابي اجمعهم و اقعد اضحك انا وياهم لصبح على الي صار معي
فله ;)
طبعا اهلك اهل بيتك مو اجمع العائلة لانها فشيلة والله

موفق يا غالي

هههههههههههههههههههههههههههههه

أنا في رايي تقول لأهلك الحقيقة و تصير نكتة الموسم

هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه ههه
و واسطات و مزعج صديقك رحمته صراحه راح قطع بوردنق ومتحمس أكثر منك
أنا ما شلت هم الا هو وشلون بتعلمه
أهم شي تكونون بلحالكم عشان اذا طقك ما تتفشل ض1


من جد موقفك رهيب

ههااااااااااااااااي

الله يكون بعون خويك اللي دبر لك الواسطه وحجز لك والا انت هين

هع