ماحصل معي في المقابلة اليوم 1 اوقست ومشكلة الاي توني

السلام عليكم

اليوم كان عندي موعد في القنصلية في الظهران الساعة 8

المهم مالكم بالطويله رحت لهم هناك وتاكدو اول شي من اوراقي

بعدها نادو على رقمي للمقابلة ورحت للامريكية وقامت تطالع في الاوراق

وشوي وتقولي عندك قبول في المعهد لمدة شهر واحد فقط تبي نعطيك فيزا حقت شهر بس

انا انلحست وقتها (ماتسوا علي) وقالت حنا مو رافضينك بنعطيك مهله بس خل المعهد يرسلنا خطاب انك بتدرس اكثر من ذا المدة حق سنة على الاقل وعطتني ورقة خضراء تقول لك اسبوع ضبط امورك وارجع لنا خلال اسبوع
انا وش اسوووي يالربع في هذي الحالة هل ارجع لهم واقول لهم اني بكمل جامعة ولا اعطيهم خطابات اللي جتني مع الاي توني :no2: ولا ارسل للمعهد اللي مدري وش يبي نكبني الله ينكبه

نبغا الحلول

10 مشاهدات ولارد

قل امين

الله ييسر امرك ويسهل عليك

انا والله ماعندي علم بس ان شالله الاخوان يساعدونك ومايقصرون

السلام عليكم
انا رايي انك تجيب اي توني جديد ينص ع قبولك لدراسة اللغه والالتحاق بعد اللغة بالجامعه,اذا كنت بتتعامل مع مكتب لاحضار القبول ماحيستغرق وصول القبول الجديد اكثر من اسبوع ,وكده تكون في السليم احسن من حكاية الخطابات .

اقتباس:

---

المشاركة الأصلية كتبت بواسطة saad saud

قل امين

الله ييسر امرك ويسهل عليك

انا والله ماعندي علم بس ان شالله الاخوان يساعدونك ومايقصرون

---

دعوتك هذي تكفي عن عشرين رد

لاهنت يالغالي والله يعطيك الف عافية

اقتباس:

---

المشاركة الأصلية كتبت بواسطة pink rose

السلام عليكم
انا رايي انك تجيب اي توني جديد ينص ع قبولك لدراسة اللغه والالتحاق بعد اللغة بالجامعه,اذا كنت بتتعامل مع مكتب لاحضار القبول ماحيستغرق وصول القبول الجديد اكثر من اسبوع ,وكده تكون في السليم احسن من حكاية الخطابات .

---

يعطيك العافية اختي بس انا من وين انتظر اسبوع لين يجي الاي توني

المشكلة هم حاطين لي لمت الى السبت يعني مايمديني على الاي توني

ظنك اذا اقنعتهم اني بدرس في الجامعة اللي فيها المعهد بيوافقون لا مكتوب في الاي توني انه تبع جامعة

على العموم لاهنتووو يالغاليين على ردودكم ومساعدتكم

ربي يوفقك ان شاء الله

والله توني جديد ولا عندي خبره

اقتباس:

---

المشاركة الأصلية كتبت بواسطة mr.3bodi

ربي يوفقك ان شاء الله

والله توني جديد ولا عندي خبره

---

الله يوفق الجميع

الف شكر لك يالغالي ولاهنت على المرور

روح للمكتب اللي جاب لك القبول وقله يراسل الجامعه يرسلون خطاب انك بتدرس مده اكثر في المعهد وان شاء الله ماتاخذ ثلاث ايام الا والورقه عندك وتروح السفاره ويعطونك اوكيه
الله يوفقك

كلم المعهد بكره خلهم يعطونك ايتوني جديد ولا يرسلون للسفارة ايميل كلمهم باسرع وقت ممكن وبالتوفيق للجميع