مقابلة السفاره والورقه الصفراء

الاخوة الكرام
كما ذكرت سابقا السبت الي راح كانت مقابلتي في الرياض واعطوني ورقه صفراء والى الان اشيك على الرقم عن طريق الموقع ويكتب
We were not able to identify Case #
لدي كم سؤال الله لايهينكم ويجزاكم خير:
الرقم الاخير 1 هل ادخله 1 ولا 0001؟
هل الورقه الصفراء مطمنه ويعني ان امور الفيزا تمام؟
هل ارسل لهم ايميل واسأل عن اجرائاتي واذكرهم ان بداية الرنامج في 1/9؟ وما في وقت
ايش تنصحوني الله يوفق من يرد علي وييسر اموره

السلام عليكم ورحمة الله وبركاته
اخيرا وصلني ال ds -2019 على الايميل يوم الاثنين 27 وبداية الدراسه 1/9/2009,طبعته وعلى اول رحله للرياض طبعا من ابها مستحيل
واحجز على ناس من جيزان يوم الثلاثاء والاربعاء من بدري اروح السفاره 6:30 وانا عند السفاره لكن الغريب مافي احد وبعد 7 جات عائله هنديه وسعوديين
معهم حريم وفلبينيات جا اللبناني الي يشيك على الاوراق ورحب بالسعوديين وعلى طول دخلهم انا شفت على جوازاتهم مكتوب مكتب الامير....
المهم شاف اوراقي وقال اسف اليوم مافي مقابلات فقط حالات خاصه اليوم تعال السبت
رحت السبت تقريبا 6:30 لكن ما دخلونا السفاره وقفونا برا وقالو بعد 7 ندخلكم دخلنا وكان في زحمه وسرا لاحظت ان الي يشيك الاوراق يسال عن الموعد
وكان قدامي واحد موعده 8 وقال له انتظر الين يجي موعدك ,شاف الورقه الصفرا الي معي ودخلني (للتذكير انا رحت قبل لا اجيب القبول حسب كلام الوزاره
واخذو مني الفورمات والبصمات وقالو اذا جبت القبول تحضر للمقابله لوحدك من دون العائله ,طبعا مافي اي فائده من روحتي الاولى الا اني ما اجيب العائله)
طلعو اوراقي الي عندهم واعطيتهم ال ds -2019 وتسديد السيفيز قالت انتظر للمقابله جلست تقريبا ربع ساعه الا ورقمي طلع رحت عند القنصل امريكيه
عجووووووووووز اكبر امريكيه تهتز ويا الله تشوف المهم بدات تقطق على الكمبوتر وقالت بصم بعدين قالت لا خلاص توني فهمت وضعك ,س: سالت وين الاصل ds -2019
وليش جيت بدونه؟ ج: قلت باقي ما وصل ولان وقت الدراسه قرب جيت على طول
س: قالت انت كتبت انك سافرت قبل الى البحرين والامارات سباحه ولا ايش؟ج: اي نعم سياحه ,س:ومعاك العائله ج:قلت لا لاني باقي ما تزوجت , س:طيب ليش رحت الى المانيا
والاردن برضه سياحه ؟ج: قلت حضور مؤتمر
س:قبولك هذا لمدة 3 سنوات؟ ج:قلت لا سنه 1 س:انت كاتب في 156 ثلاث سنوات ج:لاني ناوي ادرس ماستر وما حصلت الا هذا القبول لكن خطتي دراسة المماستر
س: وين مكان الدراسه؟, ج:فيلاديلفيا جامعة بنسلفانيا ومتى تبدأ 1 سبتمبر
س:ومتى ناوي تسافر ج:20 اوغسط
قالت خذ الجوازات واذا وصلك اصل الds -2019 ارسله بالفيدكس مع الجوازات رايح جاي ج: شكرا
كانت المقابله عاديه جدا مع الابتسامه وبدون نرفزه مثل ما نصحونا الشباب هنا
بعد ما طلعت من عندهم بنصف ساعه الا ويتصلو على وكانت السودانيه الي شيكت على الاوراق قالت الامريكيه نسيت تقول لك لا ترسل الاوراق الا بعد ما تشيك على طلبك
بالرقم الي بنرسله على ايميلك ,فيه اجراءات اداريه بتاخذ من اسبوع الى 6 اسابيع وبعد اسبوع شيك على طلبك قلت طيب بس ترا دراستي بتبدأ في 1/9 قالت كلم الجامعه
انه ممكن تتاخر قلت ما في امل لو مارحت على الموعد بيروح علي وما في الا بعدسنه قالت انشاء الله ما يطولوا واحنا باقي في بداية 8
هذا ما حصل معي ودعواتكم واتمنى للجميع التوفيق

يا اخوان الله يجزاكم خير عبرونا لو بدعوه
ارسلت امس الجوازات واصل DS-2019 بالفدكس وقالو توصل بكره الثلاثاء
شيكت الان على رقمي في السفاره وهذا ردهم
We regret that your visa application is taking much longer than normal in administrative processing. This processing time can vary from case to case but cannot be expedited. We have sent a follow up and expect that processing will be completed within the next several weeks. You should continue to check your status online via the website http://riyadh.usembassy.gov/riyadh/visastatus.html using your case number. Please contact us at (تم حذف الإيميل لأن عرضه مخالف لشروط المنتدى) only if there is no change in the online status after 260 days.

نعتذر لان اجراءاتنا الادارية المتعلقة بتأشيرتك قد طالت اكثر بكثير من المتوقع. هذه الاجراءات تختلف من حالة الى اخرى ولكننا لا نملك شيئا حيال استعجالها. نؤكد لك باننا ارسلنا طلب مراجعة خاص بحالتك ونتوقع استكمال هذه الاجراءات في الاسابيع القليلة المقبلة. عليك ان تتابع حالة تأشيرتك على الموقع الالكتروني http://riyadh.usembassy.gov/riyadh/visastatus.html وذلك باستعمال رقم حالتك . يمكنك مراجعتنا عبر البريد الالكتروني (تم حذف الإيميل لأن عرضه مخالف لشروط المنتدى) ان لم يحصل اي تغيير في ملفك خلال 260 يوم.

الله يكون بالعون ان شالله

موفق يارب

اقتباس:

---

المشاركة الأصلية كتبت بواسطة mr.3bodi

الله يكون بالعون ان شالله

موفق يارب

---

الله يجزاك خير ويوفقك ويسر امورك

الله يعين الجميع ويسهلنا امور الفيزا

توني انتبه للتاريخ حاطين تاريخ استلام الطلب يوم رحت اول مره قبل ما اجيب قبول جامعه
Today's date is 11/08/2009 04:10:45 م | Case Submitted 281 Days ago

Case Number:
Date Submitted:
Response Date:1
03/11/2008
N/A

اقتباس:

---

المشاركة الأصلية كتبت بواسطة memo 55

الله يعين الجميع ويسهلنا امور الفيزا

---

امين الله يعينا جميعا
ارسلت اصل ال DS-2019 والجوزات والورقه الصفرا بدون ما يطلبوها مني وامس اتصل علي الفيدكس انه في لي رساله من السفاره رحت واستلمت الرساله
حصلت الجوزات واصل ال DS-2019 وبدون الورقه الصفرا ولا في اي ختم او شي على الجوازات ليش رجعوها
وباقي ردهم على الطلب زي ما هو
الله يستر

السلام عليكم ورحمة الله وبركاته
شهر مبارك الله يجعلنا فيه من المقبولين
ببركة هذا الشهر ارسلو لي السفاره اليوم الصباح وطلبو ارسلهم الجوازات وعلى طول رحت فيدكس وارسلتها
وفي العصر ارسلو ايميل ثاني يطلبو الجوزات واصل الDS 2019 وفي الليل رحت للفيدكس ولكن حصلتهم ارسلو الجوازات
وادفع 125 وارسل الDS 2019 وطلبت منهم انهم يخبرون مكتبهم في الرياض عشان يسلموها مع بعض
وارسلت ايميل للسفاره
في رسالتهم كاتبين 8 ايام عمل لانهاء الاجراءات يعني كل ذا عشان ختم
الله يوفق الجميع

بالتوفيق والله يعينك بشرنا اول ماتخلص

اولا جزا الله خيرا كل من قرأ او رد او دعا ووفقه الله في هذا الشهر الكريم لكل خير وتقبل منه
ابشركم وصلت الجوزات اليوم بختم الفيزا لمدة سنه حسب الDS-2019
والحمدلله اليوم ارسلي رئيس القسم يقول متى توصل امريكا عطنا خبر لاني ارسلت لهم ايميل قبل اني ما اقدر ابدأ في وقت بداية البرنامج الي هو 1/9 وممكن اقدر في 1/10 حتى اكمل رمضان و3 او4 العيد نسافر
الان هل ارسل لقسم الطلاب الاجانب اطلب DS-2019 جديد ولا بعد ما انتهي من الوزاره واخذ امر الاركاب واكمل الحجز ارسل لهم وهل الوزاره بيدققو في ان بداية البرنامج فاتتني ولا لا
لأني باراجع السفاره الاسبوع الجاي
وفق الله الجميع