مشكلتي توقفت عند السفاره الامريكيه ( من يريد المبادله بالمواعيد ) !!

السلام عليكم ..

الحمدلله والشكر لله على ماكتبه لي ومازلت في كفاح محاولاً تعدي هذه الأزمه .. ومع دعواتي ورجائي له أن يوفقني ..

انا ولله المنه استلمت أوراق ( I-20 ) وفيها قبول للجامعه والمعهد وموعدي للدراسه في 12 إكتوبر .. أي الشهر الجاي من الميلادي ( المده المتبقيه شهر و 10 أيام ) ..

ولكن موعدي مع السفاره الأمريكيه بتاريخ 8 نوفمبر بعد الموعد بـ26 يوم .. وانا حاولت اترقب للمواعيد عسى وعلى ان إوفق ببعض المنسحبين الى تجعل موعدي مناسب لذالك .. لكن للأسف لايوجد والسبب ان باقي المناطق مقفله ومافي الا الرياض والرياض اقل شي 95 يوم ..

ومن لديه موعد قريب ولن يستفيد منه .. أتمنى مبادلتي بالموعد وأكون شاكر له جداً ..

هذا ماحصل لي وأتمنى افادتكم وشكراً ..

اخوي وكل امرك لله

اقعد على موقع المواعيد حق السفارة واقعد حدث من الصفحة الرئيسية وبأذن الله بتلقى لك موعد والعملية مجربه

وكل من نفذها لقى موعد انا انصحك بالطريقة هذي عشان مو اكيد بتلقى من يبادلك والله لا يحوجك ولا يحوجنا لأحد

الله يوفقنا واياك ويسهل امورنا ... أمين

الله يطولي بعمرك والله ..

والله انا من الصباح وانا اسويها وحتى مخلي كل اهلي يخلون الصفحه الرئيسيه هالصفحه علشان تشوف اني مهتم بقوه هههههههه
وان شاء الله خير .. انا متفائل خير لكن حاب اجرب كل الطرق لجل ما اتبلش ..

طبعا هذا كرتي الاول ..
اما كرتي الثاني .. بطلب موعد طارئ ..

وكرتي الثالث .. وهو الطايش شوي .. بمسك 300 كيلو وبدخل عليهم ولو بالقوه ومعي الموعد جد والله اكلمك
وهذا المفروض .. المفروض مايروح الواحد للسفاره الا كامله اوراقه وكذا الناس انتظام
اما مواعيد بالهبل والله جد شي يقهر ..

ابشرررركم لقيت مود بعد 11 يوم ههههههه

كذا بالصدفه بطلع اتعشى قلت بحدث ومادريت الا مكتوب اقرب موعد 11 يوم ومير انسى العشى واقعد مسرع بالنت اخذ الموعد قبل ما احد ياخذه ههههههه

مشكور لكل من تساعد معي وان شاء الله افيدكم بقد ما اقدر بتجربتي مع السفاره ..

أخوي حاول مره واكثر انا اليوم حجزت لي موعد بعد اسبوع في الرياض

وانت شيك على طول وبتلقى ولاتنسى اوقات الصباح بدري 5 او 6 لاني لقيت واكثر من مره مواعيد ملغاه

وعسى الله يوفقك