رد: تكفون يارجال لحد يخليني
اقتباس:
المشاركة الأصلية كتبت بواسطة اسير الغلا
اخواني اخواتي
انا سويت مقابله في القنصليه الامريكيه في الظهران ورفضت تأشيرتي(الفيزه)
اللي صار لي اخبركم فيه
دخلت صاله الانتضار ونادونا على شكل مراحل المرحله الاولى اخذوا اوراقي وطلع اني معبي فورم خطء واعطوني فورم ثاني وعبيته يدوي المهم اني ذكرت اني دارس في الجامعه العربيه المفتوحه وكان معدي نازل اول ماشافت معدلي نازل قالت معدلك نازل المهم جلست ونادوني برقمي المرحله الثانيه وبصمت وقي المرحله الثالثه المقابله سئلتني كذا سؤال واول ماشافت معدلي نازل سئلتني وبررت لها اني موظف ومتزوج وعندي ضروف رفضت حاولت ابرر لها ضروفي قالت خلصني الصاله فيه غيرك يستى دوره قلت لها ابي مترجم رفضت وقالت انا موجوده (امريكيه الجنسيه علمن انها اللي اخذت من الاوراق لبنانيه اضيف الي كلامي انها هي الوحيده اللي تقابل كل الموجودين في الصالهوهي عندها الرفض والقبول)
السوال اللي حبيت اقوله لكم
عندي موعد ثاني في الرياض السبوع الجاي هل بيسألوني عن الجامعه اللي درستها
لو اقول اني مادرست جامعه بتمشي عليهم هل بعد مارفضت بدون في السستم اني درست او انها رفضت فيزتي علشان معدلي نازل وكيف الطريقه الله يجزاكم خير
علمن اني موظف في شركه سابك
رد: تكفون يارجال لحد يخليني
هلا فيك اخوي
حتى لو رحت الرياض بيعرفون سبب رفضك في الظهران ولكن من الافضل انك تجرب في الرياض
لان المقابلة تعتمد على الشخص الي يجريها فيه متساهل ويمشيك وفيه ناس متشددة
وبمجرد ما يدخل رقم جوازك في الحاسب بيعرف انك قدمت في الظهران وبيعرف سبب الرفض
ايضا اخوي اقناعك لهم سبب كبير ورئيسي في حصولك على الفيزة
فرتب نفسك وكلامك قبل ماتروح واستفد من خبرة الي مروا في هالامور
والله يالغالي انا اجريت مقابلتي في الرياض ولا سألني ولا سؤال بس طلب جوازاتي القديمة والحمد لله اخذت الفيزة
الله يوفقنا واياك ويسهل علينا امورنا ... أمين
رد: تكفون يارجال لحد يخليني
انا اضفتك لك رد لاحد الاخوان هنا مسوي مقابله في الرياض ورجعوه وعادها بعدها بفتره في الظهران وتسهلت اموره
ولاحظ في كلامه انهم عرفوا كل الي صار معه في مقابلته الأولى
اقتباس:
المشاركة الأصلية كتبت بواسطة sent out
السلام عليكم ..
اول شي انا قدمت قبل اسبوعين بالرياض وقلت للقنصل اللي قابل معي اني عاطل لمدة سنة وهذا اللي اللي اتوقع انهم رفضو الفيزا عشانه ..
المهم ..
المهم الساعة 10 بالتمام القنصل نادى رقمي .. اول سؤال سألني قال وش الفرق بين اليوم وقبل اسبوعين .. طبعاً بسبب مقابلتي اللي راحت .. قلت الفرق انهم عطوني ورقة صفراء وقالو جب ورقة من التعليم العالي وانا بطلع على حسابي .. قال مو هذا اللي موجود عندي بالجهاز .. قلت الا معطيني ورقة قال ورني الورقة وعطيته واستغرب .. بعدين قعد يكتب بالكمبيوتر وسألني وش بدرس في امريكا وليه امريكا وليه المدينة هذي ..
بعدها عطاني ورقة وقال رح ادفع لفيديكس وانا لازم اراجع الحالة حقتك بتصل على السفارة في الرياض استفسر منهم .. قلت تبي ورقة العمل قال ما يحتاج قلت خذها هي اكيد السبب اللي عندك لاني المرة اللي راحت ما كان معي اوراق تثبت اني موظف عشان كذا قلت انا عاطل .. شافها وقال تمام خلاص انا براجعها وان شاء الله بنتصل عليك اول ما يجد جديد ..
بس رحت دفعت الـ 120 ريال لفيديكس وسألته كم يبغالها قال اسبوع الى اسبوعين قلت تمام وطلعت ..
طبعا الان تأكدت ان الكلام اللي ينقال كله تهاويل وبصراحة كل اللي قابلو معي الثلاث شبابيك كل واحد يفرض احترامه عليك غصب .. يعني اللي بالشرقية ويفكر يحجز بالرياض والا جدة لا تحجز خلك في ديرتك واهم شي اهممممم شي كمل اوراقك وخل كل شي تمام لانهم يحبون اللي يصير جاهز بكل شي ..
اول شي الحمدلله انهم اخذو الجواز يعني في امل ان شاء الله بالفيزا دامه بيراجع الحالة والجواز معه ^^..
تحياتي لكم
واتمنى يالغالي اكون افدتك
بالتوفيق
ولا تنساني وانا اخوك من دعاك عند الافطار
رد: تكفون يارجال لحد يخليني
أخوي اسير الغلا
عسى الله يوفقك انا نفس وضعك بالضبط رفضت عشاني درست سنه في جامعه الملك سعود والحين ادور لي موعد ثاني قريب بس ياليت اخوي تعلمني وش بيصير معك .
انتظرك
رد: تكفون يارجال لحد يخليني
اسير علمني وش صار معك
انتظرك
