ليلــة لقــانا.. موعدي الساعه ثمــان .. 2 نوفمبــر .. جده

السلام عليكم ..

بدون مقدمــات ..

رايح لهــم بدون الـ I 20

رقمــي 13

سألني سؤال بالانجليزي .. وانا ساكت .. قاللي تتكلم انحليزي .. قلتلــه NO

جاب مترجمه متحجبه ,, مدري مصريه ولا سعوديه .. المهــم

فين الاي توني ؟
ان شاء الله يوصل الاسبوع هذا


في اي جامعه ؟
قلتله اسم الجامعه

اش تخصصك ؟؟
IT

وليش التخصص هذا ؟
لأنه كان تخصصي في الدبلوم

كم بتقعد هناك ..
4 سنسن ان شاء الله

مين بيصرف عليك؟
الوالد

الوالد فين شغال ؟
موظف حكومي متقاعد

فين ؟
قلتلهم مكان العمل

جبت كشف الحساب ؟؟
ايوه .. وهذا كشف الحساب والشهاده البنكيه

ليه ماقدمت على البعثات ؟؟
لأن البعثات للماجستير والدكتوراه
>> بعد مشاورات مع الرجال اللي يتكلم انجليزي .. قلتلي .. بس هذا الكلام مو صحيح :dry:

قلتلها بكل ثقه .. انا اتابع الجرايد يوميــا ,, وشفت الاعلانات بداية الصيف .. ان البعثان مقتصره على الماستر والدكتوراه ..

في احد من اخوانك في امريكا
لأ

ولا احد من قرايبك ؟؟
كمان لأ

مين اللي عبى الورقــة ؟؟
اخويا

ليش ؟
عشانه يفهم انجليزي اكثر مني

طيب ليش مادرس بره؟
عشان لمن تخرج من الثانوي لقى له شغل كويس براتب كويس .. وهو دحين متزوج

طيب اشوف شهادة الدبلوم معاك ؟
اعطيتهم شهادة الدبلوم



بعدين اعطاني ورقه لونها وردي .. قاللي الاوراق الناقصه عندك الاي توني والسيفيس

لمن تجيبهم ادخل على الويب سايت هذا وتلاقي اسمك .. وتشوف مكتوب عندك متى ترسلــه

ولا ترسل الجواز معاهم ..

وبعد ثلاث اسابيع او اسبوعين تلاقي اسمك في الموقع ارسلنا الجواز

>> يعني شكل الهرجه مطوووله ..

هذا كله عشان هرجة البعثه اللي فوق ..

ياريتني قلتلهم .. سلموني الشهاده حق الكلية متأخر

بس نصيب .. وكل تأخيره وفيهــا خيره


اي سؤال .. لاتستحي عادي اعتبرني اخوك :)

يلا ان شاء الله ما تطول الفيزا بس انتا رايح جامعة usf الي في تامبا ؟؟؟؟

لا الشغله مطوله عشان ماجبت الاي تونتي
وماسددت السيفيس

على العمووووم مبروك اهم شي ان الفيزا جايه ان شاء الله

اقتباس:

---

المشاركة الأصلية كتبت بواسطة memo 55

يلا ان شاء الله ما تطول الفيزا بس انتا رايح جامعة usf الي في تامبا ؟؟؟؟

---

ان شاء الله انها ماتطول ..

بس تعال ..

ايش دراك اني رايح الجامعه هذي ؟؟ :1eye:

اقتباس:

---

المشاركة الأصلية كتبت بواسطة جورج واشنطن

لا الشغله مطوله عشان ماجبت الاي تونتي
وماسددت السيفيس

على العمووووم مبروك اهم شي ان الفيزا جايه ان شاء الله

---

هي من ناحية مطولة .. شكلها مطوله ونص كمان ..

بس انا كاتب لهم موعد وصولي المتوقع في 28 ديسمبر

ان شاء الله يجيبوها قبل الموعد هذا ..

اقتباس:

---

المشاركة الأصلية كتبت بواسطة saudi 4 ever

ان شاء الله انها ماتطول ..

بس تعال ..

ايش دراك اني رايح الجامعه هذي ؟؟ :1eye:

---

يواد عيب عليك شغال في السي اي ايه تقلي ايش دراك <<<<<< مرا كداب هههههههههههههههه
باين من معلوماتك كاتب المدينة تامبا خلاص على طول عرفت انها جامعة usf انا رايحلها ان شاء الله قريب بدرس في المعهد حقها بعدين بدخل الجامعة انت معايا ولا كيف ومتى تبدا دراستك ؟؟؟؟

^
^
^
ميموو فيه سر والله

اهل جده يحبو تامبا ما أدري ليش

ممكن تبين لي *_^

^^
^^

يمكن عشان بعرفو ناس هناك >> يمكن !!


ميمو دراستي تبدأ في 11 يناير في ELI

اكيد يحبوها اهل جدة كلهم هناك
سعودي فور ايفير دراستي بالتمام معاك بمعهد eli انا حجزت يوم 27 ديسمبر يلا احجز معايا خلينا نروح الملحقية مع بعض

انا لقيت على 25 ديسمبر

لكن مااشتريت التذكره لســع


واحتمال استنى الين اشوف 27 ديسمبر


عشانها احسن من اللي قبلهــا

اقتباس:

---

المشاركة الأصلية كتبت بواسطة saudi 4 ever

انا لقيت على 25 ديسمبر

لكن مااشتريت التذكره لســع


واحتمال استنى الين اشوف 27 ديسمبر


عشانها احسن من اللي قبلهــا

---

لا تحجز يوم 25 لانه يوم كريسماس زحمة ومدري ايش احجز ييوم 27 احسلك

^^

ميمو ..

دحين طلعت هرجه تايه !!


يقولك ان الملحقيه تكون مقفله عشان الاجازة

وتفتح في 2 يناير

اقتباس:

---

المشاركة الأصلية كتبت بواسطة saudi 4 ever

^^

ميمو ..

دحين طلعت هرجه تايه !!


يقولك ان الملحقيه تكون مقفله عشان الاجازة

وتفتح في 2 يناير

---

اما كدا متاكد انتا ؟؟؟؟؟؟؟؟

شوف الموضوع دا

http://www.mbt3th.us/vb/forum8/thread135443.html


شكلنا بنقعد 5 او 6 ايام الى ماتفتح

والله مدري ياخي اشبها الملحقية دي ما عندهم نظام كاتبين في الموقع الاجازة يوم 25 ديسمبر بس
انا رايح يوم 27 ديسمبر وبتفاهم معاهم لا افتح ملف غصبن عنهم

ميمو هات ايميلك

هلا والله saudi 4 ever انا كنت معاك في نفس يوم المقابله وخلصت وكل شي تمام
وأخد الجواز واعطاني الكرت الوردي وقلي روح سدد الفديكس
ولسى ما وصلت الفيزا

ودراستي تبدأ في 11 يناير وابغى اسافر قبلها باسبوع يعني في 1 يناير
بالله تأكد من مواعيد دوام الملحقيه او اذا احد يعرف شي عنهم
معقول ما في احد مداوم في يوم الاجازه مو عافين انو في طلاب جاين ؟؟؟؟؟؟؟؟
ياليت احد يفيدنا